Bangec kisiu 11:29 - Deduamiti

²⁹ Ifi deu Mosengo yoac yofi meremmiec, “Ge neac keracmangang annec imoc mi ngereede. Kebuac ngicngac sasawa yeneac witiu Asuya faiu yeni profete ambau, imoc negemba ngereebac.”

Bangec kisiu 11:29 ပူးပေါင်းရင်းမြစ်များ

Yoele 2:27

Ifi amma ngeneng yofi negenggecde, neng Isracelu kecduae, nga neannaoc Kebu, ngeneac Anutu, kebu mongngo ni isoc mi kecde; amma neac ngicngacngo gamekpekpeu monggoc naric mi enggecde.

Yoele 3:1

Anu Kebungo monggoc yofi dede, “Uameme nga naso imohai Ni Yehuda nga Yerusalaim me-mengere amba tatacngirau monggoc tatuckeecde.

Bangec kisiu 11:30

Mose ye ifi desima ye yengena nga Isracel ngicenarafocngina yeni kporucamabangecfu dzigenegec.

Ruka 10:2

“Semeng fora homacngoc kpauedac fede nga uangic ine efeanecsac kecdae. Imocac ngeni semeng mingina numumigec yeng uangic sueyunuu yeneng kemma foraya mekpedzuc ambisia.

Aposoro 26:29

Ifi deu Paurongo deec, “Naso herea me wegenac, imoc mi debade. Ge nga ngic goa yaguc yoac yomoc deba negendae, ngeni ni isoc anggecdeac numuduae. Senggoc tacduae, imocgoc anggecdeac ine mi deduae.”

1 Korinti 13:4

Heresongogoc hoangemema kekec, imocngo ngic monggac modzotiti mi negenude, ye yumea kefude. Nga imoc keracmanganga kpac kecma yengena yoac homac mi deude amma sebiengeng mi anude.

1 Korinti 14:5

Anu ngeni sasawango nedzarangyoac degecdeac negemba ngereede. Nga ngeni profeteyoac degecdeac songona kuneng ande. Mongngo nedzarangyoac dema yoara mi merenudeu ye ngic profeteyoac dede, yeac mamea anude. Nga yeng yoara merenudeu ye ifingoc kpebung meseriu socngira mocgu anecde.

1 Korinti 3:21

Ngeni ngic monggac kpara kpacma yegoc torokpema sebiengeng angandae, imoc mi ngereede. Imoc yofiac, wiac sasawa imoc ngeneac bic anec.

1 Korinti 3:3

Ngeni uba eseaac siricfu kecdaengoc. Imoc yofiac, ngeni keracmangang angemema yoacngina ngabasiric deendema angemeandae. Ngeni ifi amma ngictehec siric kecma

Firipi 2:3

Ngeni kuneng tatacac amma kichodung mi ambisia nga sebiengenggoc mi kecbisia. Ngeni faka imoc wama memaemema ngicngac ogofocngina yeneac kpac miacma ngenang kpac memama kecbisia.

Yakobo 4:5

Mitikibiu yoac yofi fede, “Ye ongaasu nenang hereu faiu tacde, imocac nenang yeac areng kecnideac homac ammikecde. Ngeni yeac herebu meficgebauac ye mi wabisia.” Yoac imoc eng oho ohoya mi fede, imoc negembisia.

Yakobo 5:9

Tosofocna, ising isingngic ye nagu ngadeau bic hama nande. Ngeni yoacfu mabauac ngenaocngoc gubepakeng mi angemebisia.

1 Petoro 2:1

Ngeni ngaba hania hania nga ikocfaka amma keracmanganggac faka wama ngicngac mi demanganeyunubisia.