Bangec kisiu 11:25 - Deduamiti

²⁵ Nanggec Kebungo hoeng manau mama Mosegoc yoac denegeng anoc. Amma yeac witiau Asu feec, imocac noboha ifingoc ngicenara sewenti yeneac witiu faiec. Fau witinginau taru yeni imohaingoc profeteyoac degec nga imocac ngadeau profeteyoac monggoc mi degec.

Bangec kisiu 11:25 ပူးပေါင်းရင်းမြစ်များ

Nehemia 9:20

Ge Asuga gombunga yemmena dederecge ayemmeec. Nga mana yakaga mi segereyemmenec amma ubangina gbanggeu doku yemmenec.

Mitiyegec 99:7

Kebungo hoeng mong hereatoaac manau tacma yoac edeyunuu yeni yeac dedekperagiyoac nga singyoac tofohoma kecgec.

Makekeng 32:32

Nga ge sifu kopocsicngina wana nga kopocsicngina mi wanadeu kekecac kibigaunac neac kpacna ohonecmoc dzuacna.”

Makekeng 34:5

Enu Kebungo hoeng manau mama yegoc imohai namma yengena kpara Kebu imoc dekperagiec.

Makekeng 40:38

Imoc yofiac, wenacfu Kebuac hoengngo kporucwomong witiau tackefec nga tofocnacsoc hoeng manau gerec dzema fekefec. Isracel ngicngacareng hafoangoc sinnu kenggecsoc yeneac kicnginau ifi fingeckefec.

Bangec kisiu 11:17

Nammagec ni mama gegoc yoac denegeng amba gearu Asu fede, Asu imocac noboha ifingoc yeneac witiu faibade. Ifi anu ngicngacareng yeneac ebic gegoc momoc tofohogec geng imoc tembucga monggoc mi tofohonade.

Bangec kisiu 12:5

Kenggec Kebungo hoeng manau mama kporucama naguyau namma Aharon nga Miryam wegenac kenecdeac kpacyuruu yeri kenoc.

Bangec kisiu 16:25

Ifi edeu Mose ye yacma Datan nga Awiram yerearu kenu Isracel enarafocngina yeni ye modacgec.

Bangec kisiu 24:2

Fima henu Isracel yeni kisicfocnginasoc modacma guru mema kporucamanginau tacyac anggec. Ifi henu Anutuac Asungo yeac witiu maec.

Bangec kisiu 27:18

Ifi deu Kebungo Mose yofi edeec, “Nun medaha Yehosuac yeac hereu asu femide. Ge ye mema mariga yeac witiau faibesena.

Aposoro 11:28

Yenearunac tosongina mong kpara Agabo. Asungo kpefing edeu yeng yacma bangecsoc boditoa fingerudeac deficgeec. Nga bodi imoc Roma ngictau Sisa Kraudio kecmanu naso imohai fingerec.

1 Korinti 14:32

Profete asungo ngicngac profeteyoac deandae yeneac negen negeng tofohoande.

Yakobo 1:17

Anutu ye kurumeng kperagiac manggac amma yearu kundung mong mi kpeude, kpac. Yearu kperagia feec nga fede amma fekengkecbesande. Nga yeng wihacnac wiac gombunga nga soronga suenemmeu maude. Ye ubangereha ifi nemmekecde.

2 Petoro 1:21

Imoc yofiac, profeteyoac imoc ngic songou fingeru mi degec, imoc Anutuarunac nga Tiri Asungo imoc mehama enacnginau faiu degec.