Bangec kisiu 11:23 - Deduamiti

²³ Ifi deu Kebungo yoac yofi edeec, “Neac maringo ua imoc meudeacsoc ande. Yoacna ikoc me fora imocac fora yagucngoc fingeru hennade.”

Bangec kisiu 11:23 ပူးပေါင်းရင်းမြစ်များ

Fingec fingec 18:14

Ifi dema yofi deec, “Kebungo wiac sasawa naric mema wiac monggac naric mi obohoude. Ni kifa fanic naso deduamoc imohai dzigenema gearu habade. Anu naso imohai Sara ye medac mong mema kefude.”

Mitiyegec 78:41

Ifi ammima Anutu monggoc nga monggoc faitobannu faima Isracelac Kpetiac Ngic heremiac miac ammikecgec.

Makekeng 6:1

Ifi deu Kebungo Mose yofi edeec, “Ni yaguc Parecoaru faka hania hania ammiba hembesena. Ni marina kuctoayagocngo ngombonggeba yeng uaac ebicfunac yungecyunuu kenggecde. O, ye Isracelac kisicfunac ngeni kucgoc yombong kporacngunuudeac ngombonggeba ngeni Aigitabangec wama kenggecde.”

Danicel 6:20

Ye Danicel teng tarec imohai kensikema ubahodunggac ubaudumenggoc kpacma deec, “Danicel, Danicel, Anutu kekehagocac enactofoc tofohongic, ge Anutuga tatahoc eweheimima kecnec, yeng laion yenearunac mesiguudeacsoc andac me?”

Mika 2:7

Yacakowac esamedac ngeni yofi deandae, “Kebungo herebu mi anude, me? Nga yeng faka sasawa ifia naric anude, me?” “Damocngo faka dindingac angandae yenearu neac yoacngo faka gombunggac sing naric mi meficgeyemmeude, me?

Bangec kisiu 11:22

Nga yeneac amma ramaburumakafocnina kpehou anni naric mi socyunuude. Nga kondununac kondungyang sasawa meyunudacma gumecyununide isoc naric mi socyunuude.”

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Mataio 19:26

Ifi degec Yesungo yenemma yofi deec, “Ngic ngeni imoc obohoma wagecde nga Anutungo wiac sasawa naric meude.”

Mataio 24:35

Fingeru bangec nga kurumeng kpac anecde nga neac yoac, imoc ine mi kpac anude.

Ruka 1:37

Anutuaru faka kpungge kpunggea mi fede.”