Bangec kisiu 11:18 - Deduamiti

¹⁸ Anu ngicngac yofi edeyununa, ‘Ngeni kpetiac anggecdeac ua mema wereckenuac efaima kecmagec ama wereckenu wiac fusingina songeagoc ngemmeba negecde. Ngeni Kebuac kedzacfu kiacma yofi degec, “Neni Aigitabangecfu naric kefing, yaguc ine merang wiac fusingina songeagoc nemmeu nenide?” Ifi degecac ni Kebungina neng wiac fusingina songeagoc ngemmeba negecde.

Bangec kisiu 11:18 ပူးပေါင်းရင်းမြစ်များ

Fingec fingec 35:2

Ifi deu Yacakowngo arengfora nga ngicngacfora yegoc kecgec sasawa yeni yofi dema edeyunuec, “Ngeni bangec monnunac nemuongafocngina botucnginaunac meicyunudacma ubaongangina hafoangoc kpedzucnedacma wambangina dzuac dzuara heigec kemedacbeso.

Mitiyegec 78:20

Foracngoc, ye hoc kpendziru dokutoa nga doku tunggbaung endzirango mama feec. Nga yaka ine naric mi nemmeude, kpac. Ye ngicngacfora yang naric mi meficgenemmeude.”

Makekeng 16:8

Ifi dema yofi deoc, “Ngeni Kebuac ubakpekpeyoac demigec yeng imoc negendacac ama toforebeso anu wiac fusingina songeagoc ngemmema ama werec wereckenggac icsogong ngemmeu negebec anggecde. Nerinec ngictehec nga ngeni nereac ubakpekpeyoac dema mi anecmedae, ngeni Kebu emmidae.”

Makekeng 19:10

Edeu Kebungo monggoc yofi edeec, “Ge ngicngac yenearu kemma yofi edeyununa, ‘Yaguc nga wereckenu wambangina dzuacbisia.’ Dzuacgec ge yeni kpetiac anggecdeac desiyunubesena.

Makekeng 19:15

Anu ye ngicngac yofi edeyunuec, “Ngeni uameme harebecac manau efaima kpetiac kecma ngac yeneac wegenacfu mong mi kembisia.”

Makekeng 19:22

Nga womonggareng neac wegenahau kengandae yeni memanganeyunubaiac yeni ifingoc kpetiac anggecdeac efaibisia.”

Bangec kisiu 11:1

Ngicngac yeni naso imohai hanahema Kebuac modzotitiyoac yofi dekecgec, “Ebic hania hania fingecnemmema kecde.” Nga yoac imocngo Kebuac kedzahau kemeu negemma herea buyombonggeu yeng gerec deu botucnginau fingecma dzema kporucamabangecnginaac tegiau kecgec, yeni yonohoec.

Bangec kisiu 11:19

Ngeni wiac fusingina songeagoc negecde, imoc wenac mocgu me yohockang me marimong me ten me twenti imoc imocacsocsac kpac.

Aposoro 7:39

“Kisicfocnina yeni yengena wama yoara membaickema Aigita bangecfu dzigenegecdeac ubangina suema