Bangec kisiu 11:1 - Deduamiti

¹ Ngicngac yeni naso imohai hanahema Kebuac modzotitiyoac yofi dekecgec, “Ebic hania hania fingecnemmema kecde.” Nga yoac imocngo Kebuac kedzahau kemeu negemma herea buyombonggeu yeng gerec deu botucnginau fingecma dzema kporucamabangecnginaac tegiau kecgec, yeni yonohoec.

Bangec kisiu 11:1 ပူးပေါင်းရင်းမြစ်များ

Fingec fingec 38:10

Anu ye ifi anu Kebungo yeac negenu naric mi anu yeac kekeha ifingoc meickeu homeec.

Mitiyegec 106:18

Gerecngo mama ngicngac yeni modacyunukecgec, yeni sasawa yonohoec. Gerecborangngo yarengic yonohodarec.

Mitiyegec 78:21

Imocac amma Kebungo yoacngina negemma herebu kuneng yombong negemma Yacakowac areng yenereudeac gerec mong fiu dzeu ngabayango Isracel yenearu fingecma feec.

Mitiyegec 78:63

Gerecngo sebigbori medacfocngina yonohou homegec naroangfocngina ngiha kpac kecma memeturanggac yegecngina mong mi heigec.

Makekeng 16:7

Ngeni Kebuac ubakpekpeyoac demima kecdae, imoc yeng bic negendacac ama werec wereckenggac yeac kuc kibikperagiagoc henggecde. Nerinec ngictehec nga ngeni nereac ubakpekpeyoac dedae, imoc mi ngereede.”

Makekeng 16:9

Ifi dema Mosengo Aharon edeec, “Ge kemma Isracelkpebung hafoangoc yofi edeyununa, ‘Kebungo ubakpekpeyoacngina negendacac ngeni yeac kicfu hama fingecmibisia.’ ”

Nahum 1:5

Tiki yeni yeac kicfu kpemindzaeandae amma bangec buma buma yeni sisingaiandae nga bangec goa gboria monggoc yadima eremagec ngicngac nga wiac sasawa ihai kecdae yeni dzonong fedefede anggecde.

Bangec kisiu 10:33

Anu yeni efaima yacma kporucamangina meickema Kebuac tiki wama wenac harebec kengkecgec. Nga Kebuac dzadzahac katapango wenac harebec bangec dahai kecnegenggecdeac tatac mong meficgeyemmeudeac waraiyemmema kenec.

Bangec kisiu 11:18

Anu ngicngac yofi edeyununa, ‘Ngeni kpetiac anggecdeac ua mema wereckenuac efaima kecmagec ama wereckenu wiac fusingina songeagoc ngemmeba negecde. Ngeni Kebuac kedzacfu kiacma yofi degec, “Neni Aigitabangecfu naric kefing, yaguc ine merang wiac fusingina songeagoc nemmeu nenide?” Ifi degecac ni Kebungina neng wiac fusingina songeagoc ngemmeba negecde.

Bangec kisiu 12:2

Ammima yeri yofi deoc, “Kebungo Mosearusac yoac deande imoc negende fora mi ande. Ye goa nenearu ifingoc yoac deande.” Ifi demaec Kebungo imoc negenec.

Bangec kisiu 14:2

Nga Isracelngicngac sasawa nga ngichabu hafoangoc yeni Mose nga Aharon yereac ubakpekpeyoac yofi deyecmegec, “Neni Aigitabangecfu kecma homebing imoc ngereebac! Me bangec kisi yomohai homebing imocngo naric ambac!

Bangec kisiu 14:22

Ngic sasawango neac kibikperagina henggec amma Aigitabangecfu nga bangeckisiu negensinggegecdeac faka morora mema edzacngunuba imoc hengkecgec, yenennoc faitobannu fainuma ubaudumennaac kedzac mi kpegec, imoc naso ten ande.

Bangec kisiu 14:27

“Ngichabu yomoc yeni ubaherenginau faka mangana arenggema neac ubakpekpeyoac denemma kecdae, ngeni fakangina mangana imoc mong mi wadae. Isracelngicngac imoc yeni ubakpekpeyoac tatahoc denengkecdae imoc negemma kecduae.

Bangec kisiu 14:28

Imocac yoac yofi edeyununa, ‘kebungo yofi dede, Forangoc, ni kecduae. Imocac ngeni yoac degec kedzacnango negenai, imocac siricfu wiac angemmebade.

Bangec kisiu 16:11

Imocac amma ge nga habufocga sasawa ngeni kpeturanggema Kebuac yoac kpema Aharon ubakpekpeyoac homac demidae, faka imoc dindingac mi ande!”

Bangec kisiu 16:35

3Anu Kebuarunac gerecngo hama ngic 250 hosuc homuna gombunga mehagec imoc yonohodarec.

Bangec kisiu 17:5

Femagec ngic meisinggebade yeac yasungo sera kpeu Isracelngicngac yeni imoc hemma ubakpekpeyoac dengecmema kecdae imoc wadacgecde.”

Bangec kisiu 21:5

Modzongina tiu Anutu nga Mose yereac ubakpekpeyoac yofi deyecmegec, “Ngeri nocac Aigitabangecfunac bangeckisiu homenideac wangecnunu hadape? Yomohai nenedoku mong mi fede nga yaka neandimbe imocac modzonina tiyombonggede.”

1 Korinti 10:10

Nga ngicngac goa yeneng modzotitiac yoac degec ngickpekpe angerongo hama kpebucyunuec. Nenang siriha imocngoc modzotitiac yoac mi debisina.

Hebiraio 12:29

Foracngoc, Anutunina ye gerecborang amma wiac sasawa dzeu kpac andarude. (Dser 4:24)

Yakobo 5:4

Negenggec, uangicfocngina yeni semeng uanginaunac fora kpengemmegec ngeni ua bung yemmebeso wagec, imocngo kiackecde. Nga uangic yeneac kiacngo ifingoc Kebu Kuctoa mingina yeac kedzacfu bic kemeec.

Yuda 1:16

Yeni yoac homac osoma negeung nga ubakpekpe amma ubasebinginaac songo modacandae. Ifi modacma ngicngac yeni gombunga ayemmegecdeac, yeni sebingina meemma dekerec ayemmeandae.