Bangec kisiu 10:12 - Deduamiti

¹² Enu Isracelngicngac yeni efaima yacma kporucamangina meickema Sinai bangec kisi wama amabangec heiferecge modacma kengkecmagec hoengngo Pacran bangeckisiu mama heima tarec.

Bangec kisiu 10:12 ပူးပေါင်းရင်းမြစ်များ

Fingec fingec 14:6

Yunuma imohacnac kemma Secir sifecfu horingic yunukporac kengkecma El Paran bangecfu kenggec. Bangec imoc ngiha kpac.

Fingec fingec 21:21

Ye Paran bangeckisiu kefec anu nonggeango Aigita bangecfunac ngac mong wangecma hama miec.

Makekeng 13:20

Anu yeni Sukkot amabangecfunac yacma kengkecma Etam amabangecfu, bangec kisicac tegiau kensikema kporucamangina taigec enu guru mema ihai tacgec.

Bangec kisiu 1:1

177 Isracelngicngac yeni Aigitabangecfunac meickema kengkecmagec kifa kpete yohockang imocac afo kpete yohockanggac wenac kpete mocgu imohai Sinai bangeckisiu kensikema tacgec. Naso imohai Kebungo Kebugoc ewacemeemeac kporucamau Mose yoac yofi edeec,

Bangec kisiu 10:33

Anu yeni efaima yacma kporucamangina meickema Kebuac tiki wama wenac harebec kengkecgec. Nga Kebuac dzadzahac katapango wenac harebec bangec dahai kecnegenggecdeac tatac mong meficgeyemmeudeac waraiyemmema kenec.

Bangec kisiu 12:16

Nga imocac ngadeau ngicngacareng yeni efaima yacma kporucamangina meickema Hatserot wama kengkecma Pacaran bangeckisiu kporucamangina kpedzigec enu guru mema tacyac anggec.

Bangec kisiu 13:26

Kemma Mose nga Aharon amma Isracelac ngichabu hafoangoc Pacaran bangeckisiu Kades amau kecgec yenearu dzigenema hagec. Hama yeri nga ngichabu hafoangoc yoacsiduc ayemmema bangec imocac icgbomea megec imoc edzacyunugec.

Bangec kisiu 13:3

Ifi deu Mose ye Kebuacdederecgeyoac modacma Isracelngicngac yeneac kisicfocnginaacsoc enaramemengicfocngina Pacaran bangec kisiunac sueyunuu kenggec.

Bangec kisiu 2:34

Isracelngicngac yeni Kebungo Mose dederecge ammiec, imocacsoc andacgec. Yeni kpetengina kibiagoc gununggegec enu kporucamangina imocac bageau kpedzigec enu guru mema tackenggec. Amma yeni efaima kporucamangina meickema bangec mong wama kembeso dema ngic tembuc tembuc sasawa yeni fingecsahengina nga amaarengnginasoc modacma monggoc yacma kengkecgec.

Bangec kisiu 9:1

Isracelngicngac yeni Aigitabangecfunac mama kecmagec kifa kpete yohockang imocac afo kpete mocgu imohai Kebungo Sinai bangeckisiu Mose yoac yofi edeec,

Bangec kisiu 9:17

Amma Kebungo hoeng miaru kporucama witiaunac enusoc Isracelngicngac yeni efaima yacma kporucamangina meickema bangec imoc wama kengkecgec. Nga hoengngo bangec damohai mama taru Isracelngicngac yeni imohai kporucamangina kpedzigec enu guru mema tackenggec.

Bangec kisiu 9:5

Edeyunuu yeni afo kpete mocgu, imocac wenac kpete 14, imohai ama marai anu Sinai bangeckisiu onggoc onggongge nasotoa imoc tacgec. Yeni Kebungo Mose dederecge ammiec imocacsoc yombong anggec.