Bangec kisiu 10:10 - Deduamiti

¹⁰ Nga sogac sogainginau me nasotoanginau me afo mong monggoc gboria ereude, imohai trampet fifima wama fifima wama, ifi anggec arohobesera. Nga sesegerecngina hafoangoc ohogecde nga ruaeac sese ngenahafoc negecde, imohai ifingoc fifigec arohoec imocngo Anutuac kedzacfu udumeng meficgeu yeng negengngemmeude. Ni KebuAnutungina.”

Bangec kisiu 10:10 ပူးပေါင်းရင်းမြစ်များ

Nehemia 12:35

womonggareng yeni ifingoc tomengngina mema yenigoc kenggec. Nga Dzekaria ye ifingoc modacyunuec. Dzekaria ye ine Yonatanggac medac nga Yonatang ye Tsemaiaac medac nga Tsemaia ye Mataniaac medac nga Matania ye Mikaiaac medac, Mikaia ye Dzakuac medac nga Dzaku ye Asafac medac.

Mitiyegec 150:3

Ngeni trampet fifima udumeng meficgema ye dengerema yoming nga gita kpema udumeng meficgema heiwayong memibisia.

Mitiyegec 81:3

Afo gboria mau nga nasotoanina afo dzongiau trampet fifigec arohobeso.

Mitiyegec 81:4

Anutungo Isracelac singyoac ngemmeec. Yacakowac Anutungo yoac ifi deseringemmeec.

Mitiyegec 89:15

O Kebu, ngicngac geac kicmesugaac kperagiau kecandae, yeneng afegugecdeac sing negemma sogaima kpacma afeguandae, yenennoc kenecnginagoc.

Makekeng 28:29

Anu Aharon ye kpetiac womonnu enude, imohai Isracel medacfora yeneac kpacngina imoc yoac isinggema desigecdeac kasou woucboraac witiau heima kpetiac amau engkecbeso. Imoc Kebungo yeneac negenu fekefudeac yeac kicfu tatahoc heikefude.

Makekeng 30:16

Nga ge dzo imoc Isracel medacfora yenearunac mema Kebugoc ewacemeemeac kporucamaac uangic yemmebesena. Imoc yofiac, ua imoc megec Kebuac kicfu fingeru yeng Isracel medacfora ngeneac negensima turung kpoukpouac dzo imoc bic faifaia, ifi negenude.”

Bangec kisiu 10:9

Nga ngabafocngina yeni bangecnginau hama ngenigoc ewebeso anggec ngeni trampet fifigec kedzac kpegecdeac udumeng yombong fingeru dzikacfu kembisia. Ifi anggec Kebu Anutunginango negengngemmema ngabafocngina yenearunac mesingunuude.

Bangec kisiu 28:11

Nga afo mong monggoc gboria ereude naso imohai wiac yofi imoc Kebuacsesegerec hafoangoc ohogecdeac mehabisia, burumakangiwa yohockang kifangira mocgu angana, ramangiwa mong amma ramangiwa medaha sewen kifangina mocgu angana nga sebingina soronga yombong nga puringa kpac, ifi faiyunubisia.

Bangec kisiu 29:1

Nga afo kpete sewenggac wenac kpete mocgu imohai kpekpedzuc kpetiac tacbisia. Anu wenac imohai ua mong mi mebisia. Ngeni wenac imohai trampet fifigec udumeng meficgebeso.

Mataio 11:28

Ngicngac uatoa mema kucmama kecandae nga ebic homac tofohoandae, ngeni nearu hadacgec neng kecnegeng ngemmebade.

Aposoro 10:4

Ifi deu kpidohoma kengec kpeu kiwango gbong henserimanu deec, “Kebu noc wiac?” deu yeng deec, “Nunumuga nga ubangerecgaac wiac makpekpea yemmeannec, imoc sese isoc Anutuaru enu ye imocac negengngereekecde.

1 Korinti 15:52

Imoc yofiac, trampet wisic wisickea imocac nasoyau trampet mongngo arohomanu wiac sasawa bic yombong piratac heiande me kicparac kpouandimbe, ifi isoc fingerude. Yeng ngicngac bic homegec, yeni megboriyunuu yeni yacma kekec dzonggo dzonggoya kpac megecde. Ifi fingecmanu nenang ifingoc heimerennunuu siric mong ambesandimbe.

1 Tesaronike 4:16

Kebungo imohai yoac kuhagoc demanu angero yeneac enarangina mong yeac ubaudumeng fingerude. Imohaingoc Anutuac trampet arohoude. Arohomanu Kebu yengenaoc kurumennunac sawau maude. Mau ngicngac Kristogoc kpeketahema homegec, yeneng waraima gborima yacgecde.

1 Tesaronike 4:18

Ifi negemma ngeni imocac amma yoac yomocngo denangge angemema meseriemema kecbisia.

Yohaneac kpefing 22:17

Asu nga enembingeha yeri yeac, “Ge hana.” ifi deec mongngo imoc negende, yeng, “Ge hana.” ifi debeso. Mong ye dokuac homeande nga dokuac ammiande, yeng hama kekecac doku buma kpac eng mema nebeso.