Bangec kisiu 1:16 - Deduamiti

¹⁶ Kebungo ngic imoc ngichabu yenearunac meisingyunuec. Yeni kisicfocngina yeneac fingecsaheac enarafocngina kecgec, isracelngic fingecsahengina yeneac engenafocngina.

Bangec kisiu 1:16 ပူးပေါင်းရင်းမြစ်များ

Makekeng 18:21

Nga mong yofi, ge ngicngac sasawa yeneac botucfunac ngic yofia segereyunuma meisingyununa, ngic negen negentegec nga angammemengina gombunga feyemmede amma Anutuac damuyunude. Yoac edeyunugec imoc modacyombonggegecde nga goa yeneng wiac ikoc amma megec yeni imocac modzongina tiande. Ngic ifia meisingyunuma ngicngac yeneac enarafocngina faiyunubesena. Goa yeni ngicngac tauseng dafiguc garengyunubisia, goa yeni handred dafiguc yeneac gareng kecbisia nga goa yeni fifti dafiguc garengyunubisia amma goa yeni ten dafiguc yeneac enara kecbisia.

Makekeng 18:25

Ye Isracel hafoangoc yenearunac ngic ua megecdeac negen negeng gombunga feyemmeec ngic imoc segereyunuma meisingyunuma uayoac yemmema ngicngac yeneac enara faiyunuec, goa ngic tauseng dafiguc yeneac enara, goa ngic handred dafiguc yeneac enara, nga goa ngic fifti dafiguc amma yeni goa ngic ten dafiguc yeneac enara faiyunudarec.

Mika 5:2

Nga “Bet Lehem Efrata, ge ine Yehuda taong kapia yenearunac mong. Gearunac mongngo neac hama Isracel bubunggeude amma yennoc hanac hanaheaunacngoc keceregec yeneac dzitec hania.”

Bangec kisiu 1:15

nga Naftali yearunac Enanggac medaha Ohiran.”

Bangec kisiu 1:17

Ye ngic imoc sasawa kpacngina kparu Mose nga Aharon yeri kemma yeni meyunuoc.

Bangec kisiu 1:4

Nga Isracelac kisicfunac kisic twelf, imoc yeneac ngicenara mocgu mocgu, imoc kisicnginasoc amaarengnginaac ngicenara yombong, yeni ngerearu torokpema tacbisia.

Bangec kisiu 10:4

Nga trampet mocgungosac yoha yoha arohoude naso imohai Isracel kisicfunac yeneac ngicenarafocngina sasawa tembuc tembuc yeni gearu hama kpedzucnedacbisia.

Bangec kisiu 11:17

Nammagec ni mama gegoc yoac denegeng amba gearu Asu fede, Asu imocac noboha ifingoc yeneac witiu faibade. Ifi anu ngicngacareng yeneac ebic gegoc momoc tofohogec geng imoc tembucga monggoc mi tofohonade.

Bangec kisiu 16:2

Amma Isracelac ngichabu enarafocngina kpacnginagoc ngichabuac meisingyunuyunuya yenearunac ngic 250 modacyunugec.

Bangec kisiu 26:9

Eliacaw medacfora imoc Nemucel, Datan nga Awiram. Datan nga Awiram imoc yeri ngichabu yeneac enarahocngina meisingyuruyuruyango Koraac habuu torokpema Mose nga Aharon yereac yoac kpema Kebuac yoackpekpea ifingoc kpeoc.

Bangec kisiu 30:1

Anu Mose ye Isracelngicngac yeneac kisicfunac ngicenarafocngina yoac yofi edeyunuec, “Kebungo yoac yofi dederecge angemmeec, ngeni imoc modacdacbisia.

Bangec kisiu 7:2

Anu Isracelac ngicenarafocngina imoc amaarengnginaac oruhafocngina yeneng ngic arengyunuma kpetengina megec yeneac enarafocngina anggec amma sesengina mehagec.