Aposoro 7:60 - Deduamiti

⁶⁰ ifi dema fafoc heima arohoma kpacma deec, “Kebu ge kopocsicngina yomoc wayemmena.” ifi dema homeec. Homeu Saurongo faka imocac negenu ngereec.

Yoak kekehagocac Dzadzahac gboria nga Mitiyegec

⁶⁰ ifi dema fafoc heima arohoma kpacma deec, “Kebu ge kopocsicngina yomoc wayemmena.” ifi dema homeec. Homeu Saurongo faka imocac negenu ngereec.

Aposoro 7:60 ပူးပေါင်းရင်းမြစ်များ

Danicel 12:2

Anu bangec manau fekendae yenearunac homacngo gborima yacma goa yeni kekecseri mema kecgecde nga goa yeni ine ebic manau yofi kecgecde, ngadeyunuma game kpekpeu faiyunugec ifi kecengkecbesandae.

Danicel 6:10

Anu ngictaungo kpara kibiu ohou ngic kicnginau faigec Danicel ye imoc hemma negemma ameau enec. Nga ameaac mana wi imohai firangnaguya Yerusalaimbingeng witi witia wau nangkecgec. Ye imohai kemma angande, ifi isoc amma wenacsoc atac harebec Anutuyaac kicfu fafoc heimima ye dangge edema numumikefec.

Mataio 27:52

Nga kicsere fekenec, imoc anggeu ngic kpetiac warac homegec, yenearunac homacngo sebigoc gborigec.

Mataio 5:44

Neng ine yofi edengunuduae, ngeni ngabafocngina heresongogoc hoangyunubisia amma ngicngac ngunukporac angemmeandae, yeneac numubisia.

Ruka 22:41

Ifi dema medacfora wayunuma kapianec kpesima kemma fafoc heima

Ruka 23:34

Yunugec Yesungo deec, “Manggac, yeni ua medae, imoc mi negentegecma andaeac kopocsicngina wana.” Nga yeneng wambaya kpeing kpema mederegec.

Ruka 6:28

Nga ngic sowecyoac edengunuandae, ngeni yeni kenecyunubisia amma memanganengunuandae, ngeni yeneac numubisia.

Yohane 11:11

Ifi dema yoac monggoc torokpema edeyunuec, “Nenang ogonina Radzaro gau feu ni midiba yarudeac ihai kembade.”

Aposoro 13:36

Dawidiac yofi negendimbe, Anutungo ye ua demiec, imoc ngicfora yenearu mesima homeec. Homeu esangabofora faiyunugec, ihaingoc tonggogec hoaema kpac anec.

Aposoro 20:36

Paurongo yoac ifi desima yenigoc fafoc heima numuec.

Aposoro 21:5

Anu kekeng nasonina wegeneu ngicngac nambaracfocnginagoc hesicnunugec nenahafoc taong wama kondung tegiau kemeing. Kemema sangiu fafoc heima numuing.

Aposoro 9:40

Edzahegec Petorongo sueyunuu kemedacgec fafoc heima numuec. Numuu wisickeu farenga feecfu dzigenema yofi edeec, “Tabita ge yacna.” deu ye kiwa fima Petoro hemma yacma tarec.

1 Korinti 11:30

Fakangina ifiac amma botucnginau ngicngac homac yeni kucmama nga hafeinginagoc andae. Amma goa yeni bic wangunuma homegec.

1 Korinti 15:18

Nga ngicngac goa yeni Kristogoc kpeketahema kecma bic homegec, yeni bic sufuma kpac ambau.

1 Korinti 15:20

Foracngoc, Kristongo homecfunac gborima yarec. Ye homecfunac yacyac imocac buma heima ngicngac homemea yeni waraiyemmema homecfunac gborima yarec.

1 Korinti 15:51

Yoac mong sufu sufuya fede, imoc dekperagiba negenggec, nenang sasawa mi homemina Kebungo homemea yenigoc nenahafoc sasawa heimerennunuu siric mong andacnide.

1 Korinti 15:6

Imocac ngadeau tosofocnina kpetengina 500 ferahade, yeni yenahafoc tacmagec yeng yeneac kicfu fingeru henggec. Anu yenearunac goa bic homegec nga homacngo yofinenggac kecdaengoc.

1 Tesaronike 5:10

Gbori kecdimbe me bic homegec, nenang sasawango yegoc gbori kecnideac yennoc nenanggac amma homeec.

2 Timoteo 4:16

Anu ni hanahema Roma ihai yoacfu namma haniana deai, naso imohai ngic mongngo neac hepuc mi nanec, sasawango ine wanudacgec. Nga ifi anggecac imocngo mi meebiriyunubeso.

2 Petoro 3:4

degecde nga debesandae, “Haudeac edengunuec, ye damoc kecde? Anutungo hanac hanaheaunacngoc wiac sasawa deu fingerec nga mangesafocnina homegecfunac nang erekecma yaguc kecdimbe, imoc sasawa yeni warac feec isoc siriha mockicngoc fede.”