Aposoro 7:51 - Deduamiti

⁵¹ “Ngicngac gori goria, ngeni ubakedzacngina fonggo fonggoya, kisicfocngina yeni Tiri Asu deendema ammikecgec, ngeni ifingoc ifi andae.

Yoak kekehagocac Dzadzahac gboria nga Mitiyegec

⁵¹ “Ngicngac gori goria, ngeni ubakedzacngina fonggo fonggoya, kisicfocngina yeni Tiri Asu deendema ammikecgec, ngeni ifingoc ifi andae.

Aposoro 7:51 ပူးပေါင်းရင်းမြစ်များ

Nehemia 9:16

Amma esangabofocnina yeneng ine sebiengeng nga ubaseri amma geac dederecgeyoac mi modackecgec.

Nehemia 9:30

Anu geng kifa homac yumiau tomaingina kecnecac amma Asugango profete yeneac enacfu yoac faiu gorongina kpemagec yeneng sifu yoacngina mi negenggec. Ifi anggec geng ngicngac wegenac kecgec yeneac mariu faiyununec.

Mitiyegec 75:5

Ngeni kucngina wi kurumennugeng miacma ubangina meemma yoackpekpe kpeandae, faka imoc wadacbisia.”

Mitiyegec 78:8

Yeni mangesafocngina yeni isoc ambauac ifi anec. Mangesafocngina yeni serima kecma yoackpekpe areng amma herenginango ye seria mi modacgec nga asunginango Anutu wama kecgec.

Makekeng 32:9

Ifi dema yofi edeec, “Negennec, ngicngac imoc yeni yenengkecba ubaseri yombong andae anu ge ifingoc yennennec.

Makekeng 33:3

Meicyunuma ngeni bangec namu nga hanifosoc doku isoc hakecde, imohai hesicngunuu kenggecde. Nga ngeni ngicngacareng ubaseri andaeac sinnu kemma memanganengunubaiac ni ngenigoc mi kembade.”

Makekeng 33:5

Anu Kebungo Mose yofi edeec, “Ge Isracel medacfora yofi edeyununa, ‘Ngeni ngicngac ubaseri yombong, ni naso wegenanec me naso mocgu ngeneac botucfu kecma memanganengunuba kpacambauac. Imocac amma ringnganoc heiandae imoc meickedacbisia. Meickegec dafi angemmebade, imocac negengising ambesare.’ ”

Makekeng 34:9

yofi deec, “O Kebu ge neac negenna ngereeudeu nenigoc botucninau kengkecbesena. Neni ngicngac ubaseri nga fakanina dindingac kpac. Anu geng sifu kopocsicnina wama geangga ngicngac annideac menununa.”

Bangec kisiu 27:14

Warac Tsin bangeckisiu ngichabu yeneng yoacna kpegec. Tsin bangeckisiu Kades imohai Meriwa doku fede ngeri imohai ngichabu yeneac kicfu namma kpetiac anduae imoc mi mekperagiyemmema waocac ifi fingecgenude.”

Aposoro 6:10

Nga Stefano ye Tiri Asuac kucfu yoac negentegecma deu yeni yoac turunga merembesonga osigec.

Aposoro 7:27

“Ifi deu ngic ogea kpeecngo Mose kpefahama yofi deec, ‘Mongngo mi nereac desidesingic me gareng faiguec.

Aposoro 7:35

“Ngic yeneng Moseac yoac wama yofi degec, ‘Mongngo ge desidesingic me ngickuneng mi faiguec, kpac.’ (Mke 2:14) Anutungo ngic yenoc israengic yeneac enarameme nga mesi mesingicngina anudeac dema angero sueu gerecborang manau fingecmima ua imoc demiec.

Aposoro 7:39

“Kisicfocnina yeni yengena wama yoara membaickema Aigita bangecfu dzigenegecdeac ubangina suema

Aposoro 7:9

Kisicfocnina yeni munangina Yosefe keracmangang ammima Aigita bangecfu faigec ngic goa yeneng bummema mekenggec. Ihai kecmanu Anutungo yegoc kefecac amma

Roma 2:25

Ge sebi tosaga herecgema dedeseriyoac modacnadeu imocngo memefihagoc anude. Nga dedeseriyoac kpenadeu ine sebi tosaga herec herecgeango sifu sebi herec herecgea areng mi annade.

Efeso 4:30

Ngeni Anutuac Tiri Asu ubaebic mi mibisia. Anutungo ebicfunac yungecngunuudeac naso faiec, imohai nanggecdeac dzadzahacac dzic Tiri Asu faingemmeec.

Firipi 3:3

Anutuac Asungo faka nenearu meu Anutuac ua mekecdimbe, nenannoc sebi tosa herec herecgea areng andimbe. Neni Yesu Kristoac negenni engena ande amma negen negensinnina nenannu mong mi fainide.

Kolosai 2:11

Anu ngeni yegoc kpeketahema kecgec ngenearu herec herecgeac faka fingerec. Ua imoc ngic mariu mongngo mi meec, kpac. Kristongo herec herecge ua imoc mema ubangina esea herecgema hesima ukuec.