Aposoro 7:3 - Deduamiti

³ ‘Ge amabangecga nga arengfocga wayunuma neng bangectoa mong edzacgubade, ihai kemma kecbesena.’ (Fing 12:1)

Yoak kekehagocac Dzadzahac gboria nga Mitiyegec

³ ‘Ge amabangecga nga arengfocga wayunuma neng bangec mong edzacgubade, ihai kemma kecbesena.’ (Fingec fingec 12:1)

Aposoro 7:3 ပူးပေါင်းရင်းမြစ်များ

Fingec fingec 12:1

Anu Kebungo Awram yofi dema edeec, “Ge bangecga nga arengfocga amma manggaac amabangec wadacma neng bangectoa mong edzacgubade imohai kembesena.

Fingec fingec 15:7

Amma yofi edeec, “Ni Kebu, neng bangec yomoc gemba ge imocac mingina annadeac dema Kased bangecfu Ur amaunac wangecguba hanec.”

Fingec fingec 20:13

Nga Anutungo suenuu mannaac amabangec wama bangec monnu hayai naso imohai neng yofi dema edeai, ‘Bangec ihai me ihai kemma neac ewena heima yofi edeyunubesena, Awraham ye nainna.’ ”

Nehemia 9:8

Amma ye here nengennegenga hafoangoc gearu feecac geng imoc henna ngereeu Kenacangareng, Hitiareng, Amoriareng, Peridziareng nga Yebuareng amma Gilgarareng, yeneac bangec sasawa imoc esamedacfora yemmenadeac yegoc dzadzahac menec. Ge dzadzahacga imoc modacnec amma geac fakaga imoc dindingac.

Mataio 10:37

Ngic mong ye nonggomanghora heresongogoc hoangyuruma neac songo mamea negengande, ye neac areng anudeac siric mi anude. Nga mong ye medaha me naroanga heresongogoc hoanggema neac songo mamea negenude, yeng neac areng kefudeac siric mi anude.

Ruka 14:33

Imocac ngenearunac mongngo yengena wiac sasawa mi ngadehedarudeu ua medacna naric mi anude.

Aposoro 7:4

Anu ye yoac ifi negemma Kardea bangec wama Harang taonnu kemma kefec. Ihai kecmanu mama homeec. Homeu Anutungo bangec ngeni yofinenggac kecdae, Abrahang imohai sueu haec.

2 Korinti 6:17

Imocac amma, “Kebungo yofi dede, ‘Ngeni yeneac botucfunac meickema wayunuma tembucngina kecma wiac mong wonongagoc mekpesere mi ambisia. Ngeni ifi anggecdeu neng hoangngunuma negengngemmebade. (Yes 52:11; Edz 20:24, 41)

Hebiraio 11:8

Anutungo Abrahang kparu yeng yoara negensinggema imoc modacma bangeha wama bangec dahai kenudeac obohoec. Nga bangec Anutungo miudeac deec, ihai tacyac amma kefec.