Aposoro 5:14 - Deduamiti

¹⁴ Ifi anggecac ngicngac homac yeni Kebu negensinggema yenearu kentorokpe anggec Yesuac habu yadiec.

Yoak kekehagocac Dzadzahac gboria nga Mitiyegec

¹⁴ Ifi anggecac ngicngac homac yeni Kebu negensinggema yenearu kentorokpe anggec Yesuac habu yadiec.

Aposoro 5:14 ပူးပေါင်းရင်းမြစ်များ

Nehemia 8:2

Anu afo sewengac uameme hanac hanaheau ngic nga ngac amma damoc yeneng naric negengtegecgecde, yeni hama kpedzucnemagec womonggareng Edzerango singyoacac kibi imoc yenearu mehaec.

Makekeng 35:22

Anu ngic nga ngac yeni mocgu mocgu sasasawango ubanginau songo fingerecsoc puri nga samacac nga kedzacac wiac kambac kambac nga gbonggac wiac kambac kambac ongeagoc nga sibuc, imoc kicnginau songo meficgeudeac wiac golngo memea tembuc tembuc sasawa yeni Kebuac sese dema mehadacgec.

Aposoro 11:24

Ye ngic gombunga amma ye ubeau Tiri Asu nga negen negensing wake wakea femiu ngicngac homacngo imoc hemma Kebuaru torokpegec.

Aposoro 2:41

Anu wenac ihai ngicngac 3 tauseng yeni Petoroac yoac negensinggema doku nadzicma Yesuac habuu torokpegec.

Aposoro 2:47

Ifi amma Anutu dengerema kecgec ngicngac habutoango yeneng dzidziema eweheihei ayemmegec. Anu Kebungo wenaha wenaha ngicngac kopocsicfunac mesiyunuu komoc kpegec yengena arennu torokpeyunuec.

Aposoro 22:4

Amma ngicngac momoc sing gboria modacgec yunukporac ayemmema witicyunuma witicamau faiyunukecma yunukpebuc ayemmegecdeac deaingoc.

Aposoro 4:4

Anu habutoango Petoro yoac deu negenggec, yenearunac homacngo imoc negensinggema Yesuac habuu torokpegec. Anu ngicngac imoc kpetengina 5 tauseng anec.

Aposoro 6:7

Anu Anutuac yoacngo Yerusalennu yadima sokoma kenu Yesuac habu yenearu nasoya nasoya torokpeu torokpe fingeckenec. Fingeckenu Anutuac womonggareng yenearunac homacngo siduc gombung negensinggema modacgec.

Aposoro 8:12

Anu Firipongo Anutuac eucererenggac siduc gombung nga Yesu Kristoac kparaac hania deireckeyemmeu ngicngac yenahafoc negensinggema mitidoku nadzicgec.

Aposoro 8:3

Anu Sauro ye kpebung yunukporac ayemmeudeac amaya amaya emma ngicngac metai ayemmema witicamau faiyunuec.

Aposoro 9:2

“Ngic me ngac Damasko taonnu sing gboria modacdae, yeni meficyunuma meyunuma maringina dedeckema Yerusaleng taonnu meyunu habadeac Damasko kpekpeturang amaac enara, yeneac kibi mong ohoma nenna.”

Aposoro 9:31

Anu kpebung Yudaia nga Gariraia amma Samaria bangecfu kecgec, yenearu ruae fingerec. Fingeru ruaegoc kecgec kpetengina kuneng anu serima kecma Kebu eweheimima ubango hoanggema afehegec. Anu Tiri Asungo ubaebicngina meickema meseriyunuec.

Aposoro 9:35

Ifi anu ngicngac Rida taong nga Sarong bangecfunacngo ye hemma ubangina meremma Kebuaru kenggec.

Aposoro 9:42

Nga yeni siduc imoc degec, imocngo Yope taonnu sokoma kenu homacngo Kebu negensinggegec.

2 Korinti 6:15

Kristongo Beriagoc uba mocgu naric mi anude. Nga ngicngac negen negensinggoc yeni ngicngac negen negensingngina kpac, yenigoc negen negengngina mocgungoc naric mi anggecde.

Garata 3:28

Imoc yudangic me grikngic me wanacngic minginagoc me ngic witiha kpac, ngic me ngac, ngeni areng mong mong mi andae, ngeni sasawango Yesu Kristoaru kpeketahema areng mocgu andae.