Aposoro 4:7 - Deduamiti

⁷ Tacma Petoro nga Yohane meyuru hama kicnginau faiyurugec. Faiyuruma yofi dekpesi ayecmegec, “Ngeri noc kucfu nga meracac kpacfu faka yomoc medaoc?”

Yoak kekehagocac Dzadzahac gboria nga Mitiyegec

⁷ Tacma Petoro nga Yohane meyuru hama kicnginau faiyurugec. Faiyuruma yofi dekpesi ayecmegec, “Ngeri noc kucfu nga meracac kpacfu faka yomoc medaoc?”

Aposoro 4:7 ပူးပေါင်းရင်းမြစ်များ

Makekeng 2:14

Ifi deu yeng yoac yofi meremmiec, “Mongngo ge neneac desidesingic me ngickuneng mi faiguec, kpac. Ge aigitangic kpehomedang, ifi isoc mi kpebucnuna.” Ifi deu Mosengo kengectoa kpeu yofi negenec, “Fora, faka andua imoc bic negendacdau.”

Mataio 21:23

Yesungo ifi dema taonnu hama womonnu emma kpoukpou ua meu womonggareng enara nga yudangic enarafocngina, yeneng hama kpesimigec, “Ge noc kucfu ua yomoc menec amma merang uayoac imoc genec?”

Mareko 11:28

“Ge noc kucfu ua yomoc menec nga merang ua imoc menadeac uayoac genec?”

Yohane 2:18

Amma yudangic yeneng meremma edegec, “Ge faka imoc andanggac noc faka kuhagoc mena hemma negensinggenide?”

Yohane 8:3

Ifi amma tacmanu mitiac negen negengngic nga farisaio yeneng ngac mong serofaka anu hemma Yesuaru mehama kicnginau faigec nanec.

Yohane 8:9

Anu yeni Yesuac yoac imoc negemma kifanginaac sirihau yadango waraima Yesu wama kendacgec ngac ye botucnginau tembuha nanec.

Aposoro 4:10

Ngeni nga israengic sasawa negenggecdeac yoac yofi deireckeba, ngeneng Yesu Kristo Nadzaretenac mariponnu kpegec homeu Anutungo ye homecfunac megboriu yarec kecde. Nga yeac kpacfu ngic imoc ngereema kicnginau nande.

Aposoro 4:6

Kpeturanggema womonggarengtoa Hanasi nga Kaifa amma Yohane nga Aresande amma womonggareng enara kecdae, yeneac arengfocngina sasawa yenahafoc kpedzucnema tacgec.

Aposoro 4:8

Kpesiyecmegec Petoro ye Tiri Asungo ubeau wakeu yofi edeyunuec, “Enarameme nga Isracel garengfocnina deba negenggec.

Aposoro 5:40

Ifi edeyunuu ireckema aposoro kpacyunugec hagec dzikacngo yunugecdeac edeyunugec. Yunugec wisickeu yeni yoac monggoc Yesuac kpacfu mi dekperagigecdeac deracyunuma sueyunugec.