Aposoro 26:6 - Deduamiti

⁶ Anutungo homemea megboriyunuude, yeng yoac imoc bangecfocnina bicngoc deseriyemmema edeyunuec, yoac imoc fora fingecbesande, imoc negensinggeduaeac yaguc yoacfu nanduae.

Yoak kekehagocac Dzadzahac gboria nga Mitiyegec

⁶ Anutungo homemea megboriyunuude, yeng yoac imoc bangecfocnina bicngoc deseriyemmema edeyunuec, yoac imoc fora fingerude, imoc negensinggeduaeac yaguc yoacfu nanduae.

Aposoro 26:6 ပူးပေါင်းရင်းမြစ်များ

Fingec fingec 12:3

Nga ngicngac kenecgugecde imoc neng ifingoc kenecyunubade. Nga ngicngac sowecgugecde imoc sowecyunubade. Anu ngicngacareng bangeha bangeha kecgecde yeni geac amma kenecyunudacbesandua.”

Fingec fingec 22:18

Nga geng yoacna tofohodang imocac amma geac bangecgaac arennu bangecfu ngicngacareng sasawa kenecnginagoc ambesandae.’ ”

Fingec fingec 26:4

Nga bangecfocga yeni negengyemmeba fingecsahe homac amma sawau asomeng tackendae ifi isoc ambesandae. Nga ni bangec yomoc sasawa bangecfocga yeni yemmebade. Anu bangecgaac arennu ngicngac bangeha bangeha kenecyunudacbesandua.

Fingec fingec 3:15

Anu ni ge anggemba ngacac ngabaya annade nga ngac ye ifingoc geac ngabaga kefude. Amma geac fingecsahe yeni ngacac bangecfora yeneac ngabafocngina anggecde. Amma yeac bangecfora yeni geac fingecsahegaac ngabafocngina anggecde. Amma ye geac orucga tidzameu geng meremma hania kinade.”

Fingec fingec 49:10

Amma ngictauyasu imoc Yehuda yearunac mi meickeude nga ngicenaraac yasu haniau wegenac mariango seria mekefude. Mekecmanu yasu minginango hama meu ngicngacareng yeneng yeac yoac modacgecde.

Mitiyegec 132:11

Kebungo yoac deserima Dawid yoac edeec, imoc naric mi meickeude. Ye yofi deec, “Ni geac bangecyombongga yeneac arennunac medacga mong meisinggema ye ngictautatacgau faiba tacbeso.

Mitiyegec 132:17

Ni imohai Dawidac arennununac ngic mong faima yeac kuc heigboriba besaiude. Ni ngicna kerecdokungo nadzicmiba kefu yeac kifa mong mengeremiai.

Mitiyegec 98:2

Kebungo firang bic anec, imoc dekperagiyemmeec. Ye faka dindingac modacma ngicngac yoacngina dema nanggeyunuec, imoc bangec monnunac ngicngac ye mi negemmidae, yeni imoc didiu edzacyunuu yeneng imoc kicnginango henggec.

Yoele 2:32

Nga damoc yeneng Kebuac kpac kpacgecde, yeni komockpegecde. Imocac Kebungo yofi deec; ngicngac goa Tsion tikiu nga Yerusalaimnu kecdae, yenearu yungecyungec fingerude nga ebic imocngo ine mi memayunuude. Kebungo ngicngac meisingyunuec, yenennoc komockpegecde.

Owadya 1:21

Amma Isracelngicngac ngabaunac mesiyunugec yeneng Tsiontikiu emma ihai tacma Edombangecac sifec garenggebesandae. Garenggegec ngictau ua imocngo Kebuac ambeso.

Mika 5:2

Nga “Bet Lehem Efrata, ge ine Yehuda taong kapia yenearunac mong. Gearunac mongngo neac hama Isracel bubunggeude amma yennoc hanac hanaheaunacngoc keceregec yeneac dzitec hania.”

Mika 7:20

Ge warac mangesahocnina Yacakow nga Awraham yerigoc dedeseri fora menec, imoc modacma yereac fingecsahe neni ubamangang anemmema songoga edzacnununade.

Dzekarya 13:1

Kecma nasoya hasikebesandeu Dawidac kisic nga Yerusalaimgac ngicngac yeneac amma dokukiwa gboria mong erema doku imocngo kopocsicngina nga seucfakangina imoc sasawa dzuacdacbesande.

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Dzekarya 6:12

Anu yofi edebesena, ‘Kurumenggac wasaiareng habuya habuya yeneac Kebu yeng yofi dede, “Negennec, ngic mong kpara Icfawa ye sera kpema erema yadiseri amma Kebuac womong monggoc gununggebesande.

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Malecaki 3:1

Kurumenggac wasaiareng habuya habuya yeneac Kebungo yoac yofi dede, “Negenggec, ni siduc dedena sueba yeng warainemma sinna memengere anudeac habesande.” Anu ngeni Kebu henggecdeac kicfifi anggec yennoc womongau piratac isoc bic habesande. Ngic imoc hembeso negengkecdae ye habesandenoc amma ye dzadzahacac siducdedengic ambesande.

Malecaki 4:2

Anu kpacna eweheimiandae ngenearu dindingac kekec wenac isoc ereu memengerec meficgeyemmeude. Ifi anu burumakamedaha yeneng amanginaunac mesiyunugec bangecfu mama sogac sogai yuengyuma kengkecdae ngeni ifi isoc ambesandae.

Aposoro 23:6

Anu enarameme goa yeni sadukaiongic nga goa farisaio arennunac ifingo kecgec. Kecmagec Paurongo imoc negemma ubea miacma tutumangtoau yofi edeyunuec, “Tosofocna, ni farisaiongic amma yeneac arennunac fingerai. Nga homecfunac yacyac fingecbesandeac negensinggema kecma yoac imoc nanggeanduae, imocac yoacfu fainudae.”

Aposoro 24:15

Amma kecma ngic mangana nga gombunga homecfunac yacyac nasoya haude, ngic yomoc yaguc nesunggedae, yeni nga ni nenahafoc wiac imoc fingecbesandeac negensinggema kecdimbe.

Aposoro 24:21

Ni yoac mocgusac botucnginau namma yofi kpacma deai, ‘Homecfunac yacyac fede, yoac imoc nanggeanduae.’ Imocac yaguc geac kicfu menu hama yoacfu fainudae.”

Aposoro 26:8

Amma Anutungo homemea megboriyunukecde, imoc ngeni nocac negenggec mi angana isoc angkecde.

Aposoro 28:20

Ni imocacnoc negemma ngenigoc denegeng annideac kpacngunuba sikedau. Israengicngac nenang Anutu dedeseriyaac fora fingecbesandeac negensinggema kecdimbeac amma seng yomoc marinau witicnugec kecduae.”

Aposoro 3:24

Naso yomohai faka fingecdac, imoc Samuearunac profete sasawa nangeregec, yeneng bic dekperagigec.

Roma 15:8

Ni yofi edengunuduae, Anutungo warac bangecfocnina yenigoc yoac dedzege anec. Nga Kristongo Anutuac yoac fora meseriudeac sebi tosangina herec herecgea yeneac kingang kpekpe anec.

Garata 4:4

Kecmina naso dedea, imoc hasikeu Anutungo yengena Medaha sueu maec. Ye dedeseriyoacac bageu ngacfu fingerec.