Aposoro 22:3 - Deduamiti

³ Nga ye tahockema edeyunuec, “Ni yudangic, Kirikia bangecfu Tarso taonnu fingecma imohai kecma yadiai. Kpoukpou Gamarie yeac bageau kecbare yeng kisicfocnina yeneac singyoac sasawa kpounenu negendarai. Amma ngeni yofinenggac faka andae, imoc ifingoc Anutungo negengngereenubeso dema yoac imoc seria yombong mekefai.

Yoak kekehagocac Dzadzahac gboria nga Mitiyegec

³ Nga ye tahockema edeyunuec, “Ni yudangic, Kirikia bangecfu Tarso taonnu fingecma imohai kecma yadiai. Kpoukpou Gamarie yeac bageau kecbare yeng kisicfocnina yeneac singyoac sasawa kpounenu negendarai. Amma ngeni yofinenggac faka andae, imoc ifingoc Anutungo negengngereenubeso dema yoac imoc seria yombong mekefai.

Aposoro 22:3 ပူးပေါင်းရင်းမြစ်များ

Ruka 10:39

Heitaiu Mataac munea kpara Maria, yeng Kebuac haniu matacma yoara negenec.

Ruka 2:46

Uameme harebec wisickeu Anutuac womong manau emma Yesu meficgeoc. Meficgeec yeng kpoukpou yeneac botucfu womonnu tacma negengyemmema dekpesi ayemmeec.

Ruka 8:35

Kenu ngicngac yeneng imoc negemma faka fingerec, imoc henggecdeac Yesuaru hagec. Hama ngic hadehadeagoc kefec, ye henggec. Yeng negentegecma wamba heima Yesuac haniu tarec. Ifi taru yeni hemma kengecyunuec.

Aposoro 11:25

Nga Banabango Sauro hofocma meficgeudeac Tarso kenec.

Aposoro 15:23

Amma yoackibi mong yofi dema ohoma yemmegec kenggec, “Neni tosofocngina aposoro nga enarango bangec monggac habuunac tosofocnina Antiokia nga Siria amma Kirikia bangecfu kecdae, ngenearu yoackibi yoc faingemmedimbe.

Aposoro 15:41

Kemma yeri Siria nga Kirikia bangecfu kengkecma kpebung demeseri ayemmekenoc.

Aposoro 21:20

Paurongo yoacsiduc ayemmeu Anutu afehegec wisickeu Pauro yofi edegec, “Tosonina, ge yudangic tauseng dafiguc ferahema habunoc efeango Yesu negensinggema kecdae. Nga yeni sasawango Moseac dedeseriyoac seria mekecandae.

Aposoro 21:39

Kpesimiu Paurongo yofi edeec, “Ni yudangic yombong amma Kirikia bangecfu Tarso taong tacde, imohacnac. Ge naric negennenna ngicngac yoac kapia edeyunuba.”

Aposoro 23:34

Faigec ngictaungo kibi osoma Pauro kpesimiec, “Ge Bangecga dahacnac?” deu Paurongo deec, “Ni Kirikia bangectoaunac.”

Aposoro 23:6

Anu enarameme goa yeni sadukaiongic nga goa farisaio arennunac ifingo kecgec. Kecmagec Paurongo imoc negemma ubea miacma tutumangtoau yofi edeyunuec, “Tosofocna, ni farisaiongic amma yeneac arennunac fingerai. Nga homecfunac yacyac fingecbesandeac negensinggema kecma yoac imoc nanggeanduae, imocac yoacfu fainudae.”

Aposoro 26:5

Ni waracngoc farisaio singngina tongganang yeneac botucfunoc kefai. Nga haniana hennegeng anggecngo dena imoc naric edegubau.

Aposoro 26:9

Amma ni Yesu Nadzaretenac, yeac kpacsiduhaac kuc sing hania haniau memabesare dema yofi anai.

Aposoro 5:34

Ifi degec tutumangnginau farisaiongic mong tarec, kpara Gamarie, ye mitiac negen negengngic nga ngicngac yeneng yeac ewea heikecgec. Yeng deec, “Ngeni ngic yomoc ama sobennu meyunu kemema nammagec.”

Aposoro 6:9

Anu yudangic yeneac kpekpeturang amangina mong kpara Feackekec degec, yenearunac ngic goango yacma Stefanogoc yoacngina engemmama anec. Ngic imoc yeni Kirene nga Aresandria amaunac amma Kirikia nga Asia bangectoaunac.

Aposoro 9:1

Sauroac hereu ubagerec kuneng fekefecac Yesuac habu ngaba ayemmema yunumeme amma womonggarengtoa yearu kemma yofi edeec,

Aposoro 9:11

deu Kebungo yofi edeec, “Ge yacma sing kpara Dindingac deandae, ihai kemma Yudaac amau emma ngic mong kpara Sauro, Tarso taonnunac, ye hofocma meficgebesena. Negenna, ye numuma tacde.

Aposoro 9:30

Ifi anggec Yesuac habu yeneng imoc negemma Kaisarea taonnu hesicke kemema faigec kengkecma Tarso taonnu kengsikeec.

Roma 11:1

Imocac amma yofi negemma kpesiduae, Anutungo ngicngacfora bic wayunuec me? Imoc kpac! Neannaoc Israengic Benyaminggac arennunac nga kisicna Abrahang.

2 Korinti 11:22

Yeni hebiraiongic, fora. Nga ni ifingoc hebiraiongic. Yeni israengic nga neng ifingoc israengic. Yeni Abarahanggac bangecfora amma ni ifingoc yeac bangec anduaengoc.

Garata 1:14

Nga yudangic neneac dedeseri nga fakau negen negennango yadikecma yudangicngac ogofocna yeni homac feracyunuai. Amma esangabofocnina yeneac singyoac negemma herena gerec dzeu imoc meserikefai.

Garata 1:21

Anu imocac ngadeau Siria nga Kirikia provinsiu kemma kefai.