Aposoro 2:5 - Deduamiti

⁵ Anu yudangic homac bangec noboc nobocnac hahayango Yerusaleng taonnu tacgec, yeni Anutuac yoac modacma kecgec.

Yoak kekehagocac Dzadzahac gboria nga Mitiyegec

⁵ Anu yudangic homac bangec noboc nobocnac hahayango Yerusareng taonnu tacgec, yeni Anutuac yoac modacma kecgec.

Aposoro 2:5 ပူးပေါင်းရင်းမြစ်များ

Makekeng 23:16

Ge nenesemenggac desi desinasotoa tacnade imoc uagau nenesemengga heihomec angannec, uaga imocac fora warac warac memeac nasotoa. Anu ge kifa wisic wisickeau uagaac fora uaunac mekpedzuc angannec imohai kpememe nasotoa tacbesena.

Dzekarya 8:18

Ammanu kurumenggac wasaiareng habuya habuya yeneac Kebu yeac yoacngo nearu monggoc hau negenai.

Mataio 24:14

Nga ngicngac yeneng eucererenggac siduc gombung yomoc edeyunugec dedekperagi imoc bangec sasawa sokodaru ngicngac yeni imoc negendacmagec naso wisickebesande.

Ruka 17:24

Imoc yofiac, sawau piratac heiu kperagiango nobocnac ferecgema noboc kengande, Ngicac Medac ye ifi isocngoc hahanasoyau fingectegecbesande.

Ruka 2:25

Naso imohai ngic mong Yerusalennu kefec, kpara Simeong. Ye ngic dindingac amma Anutu eweheimima Tiri Asugoc kefec. Amma ye Israengic yenearu memeseri fingerudeac tomai anec.

Ruka 24:18

Namma mong kpara Kereopa, yeng kpesimiec, “Ge kuricngic mocgungosac Yerusalennu kecmina sonda yomocac manau ihai faka fingecdac, imoc mi negendang me?”

Yohane 12:20

Anu ngicngac hombanggac Anutu afehegecdeac Yerusalennu kenggec, yeneac botucfu grikngic goa momoc kecgec.

Aposoro 10:2

Ye yengena nga arengfora sasawa, yeneng heregoc Anutuac songo negemma eweheimima kecgec. Konerio ye ubangereac wiac homac ngicngac makpekpea yemmekefec amma Anutu wenacsoc numumikefec.

Aposoro 10:7

Angerongo yoac imoc edema kenu Konerio ye enac tofoc tofohongic yohockang nga wasaingickereng mong, ngic imoc heitaiyunuma yoac deu negenec.

Aposoro 13:50

Taong imocac ngac kuneng goa yeni yudangic yenearu torokpema kecgec. Yudangic yeni amagareng nga ngac imoc wosoumeme ayemmema meyunu kemma Pauro nga Banaba yurukporac ayecmema amabangecngina segerema kisangyurugec kenoc.

Aposoro 2:1

Pentekos tacyacac naso wegenemanu yenahafoc ama mocguu kpedzucnema engensicfu tacgec.

Aposoro 22:12

Ihai ngic mong kefec kpara Anania, yeng dedeseriyoac henanggema memodacma kefu yudangic taong imohaingoc kecgec, yeni sasawango yeac negenggec ngereec.

Aposoro 8:2

Amma ngic goa Kebu eweheimima kecgec, yeneng Stefano mema kiacsonggongtoa yombong ammima tonggogec.

Aposoro 8:27

Ifi dema edeu Firipongo efaima kenec. Anu Etiopia bangectoau ngactau mong kefec kpara Kandake, yeac ngickuneng mong dzofinahaac garengtoa, yeng Yerusalennu Kebu afeheudeac kengenecfunac

Kolosai 1:23

Ngic yeneng warac siduc gombung imoc dekperagigec ngeni nga wiac sasawa Anutungo deu fingecgec, ngenahafoc yoac imoc negenggec. Anu ngeni siduc gombunggac fora ihai tiserima namma mi wagecdeu ngeni yeac kicfu nambesandae. Nga Pauro neng yoac imocac kingangkpekpe kecbadeac Anutungo meficnuec.