Aposoro 2:23 - Deduamiti

²³ Yeacnoc Anutungo bicngoc negenu feec, imocac sing desima ngeneac mariu faiec. Ngeneng ye bangec monnunac ngic, dedeseria kpac kecdae, yeneac mariu faima edeyunugec yeni ye mariponnu kpegec homeec.

Yoak kekehagocac Dzadzahac gboria nga Mitiyegec

²³ Yeacnoc Anutungo bicngoc negenu feec, imocac sing desima ngeneac mariu faiec. Ngeneng ye bangec monnunac ngic, dedeseria kpac kecdae, yeneac mariu faima edeyunugec yeni ye mariponnu kpegec homeec.

Aposoro 2:23 ပူးပေါင်းရင်းမြစ်များ

Fingec fingec 50:20

Ifi dema yofi deec, “Ngeni ni manganebadeac negenggec. Anu Anutungo ine imoc arenggema heimerenu gombungau kenec. Ye ngicngac homac kekecngina onggonggeudeac negenec imoc yaguc fingectegeru hendimbe.

Mitiyegec 76:10

Bangecngic yeneac herebu, imocngo ge dengereguude. Ge herebuac tosea kebanggau dzegena dzikacac wiacga ande.

Danicel 4:35

Ngicngac bangeha bangeha kecdae yeni sasawa sendungsac, ifi isoc negende. Ye kurumenggac wasaiareng negenu naric ande ifi isoc ayemmeude. Ye bangecfu kecdae yeni ifi isocngoc ayemmeude. Mongngo yeac maria naric mi hedzickeude nga mongngo yofi naric mi kpesimiude, ‘Ge nocac faka ifi andang?’ ”

Mataio 20:19

Desima ye bangec monnunac ngic Anutu mi negemmidae, yeneac mariu faigecde. Faigec yeneng deendema ammima dzikacngo kpema sebia kpekperecge amma mariponnu kpegec homeude. Amma uameme harebec kemmanu homecfunac monggoc yarude.”

Mataio 26:24

Ngic ye Ngicac Medac doc meude, ye sowehagoc. Ye nonggeaac here manaunac mi fingecbac dede efaimibac. Nga Ngicac Medac neac negemma mitikibiu yoac yofi oho ohoya fede, yeng wangunuma kenudenoc.”

Mataio 27:35

Nga yeni ye mariponnu kpegec nammanu wambaya kpeing kpema mederegec.

Mareko 15:24

Anu yeni ye mariponnu kpema wambaya mederema wiac mong me mong merang meude, imocac kpeing kpegec.

Ruka 22:37

Mitikibiu yoac oho ohoya fede, imocngo nearu fora fingecbeso, imoc edengunuduae. Yofi, ‘Yeni yeac godzungic degec.’ (Yes 53:12) Neac negemma yoac degec fede, imoc yaguc fora fingecdarude.”

Ruka 23:33

bangec buma mong kpara Hatasic degec, imohai kensikema Yesu mariponnu kpegec amma yarengic mong foiugeng nga mong kanaugeng, ifi yurugec.

Ruka 24:20

Nga womonggareng enara nga israengic enarafocnina, yeneng ye homeudeac dema gamang yeneac mariu faigec yeneng mariponnu kpegec homeec.

Yohane 19:18

Imohai kemma Yesu mariponnu kpegec. Nga yegoc ngic yohockang noboc nga noboc Yesu botucngirau, ifi yunugec.

Yohane 19:24

yeni imoc hemma denengeng amma degec, “Nenang yomoc mi mesuckema meracac anudeac kpeing kpeni.” Anutuac yoac hafoangoc fora fingerudeac wasaingic yeni ifi anggec. Yoac yofi oho ohoya fede, “Yeneng wambana botunginau mederema ngakpina merang meudeac kpeing kpegec.” (Myeg 22:18)

Aposoro 13:27

Nga Yerusaleng ngic engena mamea, yeneng Yesu mi hentegecma ye kpegecdeac desigec. Yoacfu ifi faima desigec nga sabata tatac nasosoc profete yeneac kpefingyoac osonegeng angandimbe, imoc seriec.

Aposoro 15:18

Kebu ye bicngoc yoac ifia deereecngo dedenoc.

Aposoro 2:36

Imocac amma israengicngac sasawa, ngeni yofi negengyombonggebisia: Ngeni Yesu mariponnu kpegec, ngic imocnoc Anutungo Kebu nga Messianina fainemmeec kecde.”

Aposoro 3:18

Foracngoc, Anutungo Messia meisinggeec, yeng kpendzeng kpekecma homeudeac profete sasawa yeneac enacfu yoac faiu degec, imoc sasawa Anutu deecfu fingecdarec.

Aposoro 4:28

Amma waracngoc geangga kucfu nga enacgango denecac sirihau ifi ammidacgec.

Aposoro 5:28

“Ngeni ngic yeac kpacsiduha ngicngac edekpou mi ayemmegecdeac dederac angemmeing. Nga ngeni ine yoac imoc edekpou ayemmema Yerusalennu monggoc desahedae. Amma ngic imoc yeac sawaac kopocsic, imoc neneac witiu faibeso dedae.”

Aposoro 5:30

Ngeni Yesu maringinango mariponnu kpema kpehomegec kisicfocninaac Anutungo ye homecfunac megboriu yarec.

Aposoro 7:52

Kisicfocngina yeni profete sasawa yunukporac ayemmegec. Profete yeneng dindingac mingina fingecbesandeac kpefingyoac degec nga ngeneac kisicfocngina yenennoc yenahafoc profete imoc yunugec. Kecma Ngic Dindingac yengena fingeru ngenennoc doc mema ye kpehomegec.

Roma 2:12

Ngicngac dedeseriyoac yenearu mi faifaia, yeni kopocsic meficgegec Anutungo dedeseriyoara kpac, yeni sasawa manganaac areng desiyunuma wayunuude. Nga ngicngac dedeseriyoacac bageau kecma kopocsic meficgegec, yeni dedeseriyoacngo yoacfu faiyunudaru kopocsicnginagoc kecma manganedacbesandae.

Roma 4:17

Nga Abrahanggac negensima yofi oho ohoya fede, “Ni faiguai, imoc ge ngicngacareng homac yeneac kisicngina ambesannec.” (Fing 17:5) Nga Anutungo ngic homemea megboriyunuande nga wiac mong mi fede, imoc bic fede, ifi isoc ye imoc dema kpara kparu fingecande. Ifiac amma Abrahang ye nenang mannina, imoc Anutuac kicfu nga negen negensinggac sinnu.

1 Tesaronike 2:15

Yenennoc Yesu nga profete yunuhomegec nga yeneng ifingoc nunukporac anemmegec. Bangec monnunac ngicngac yeneng komoc kpegecdeac neni Anutuac yoac edeyunuandimbe. Anu yeni imoc mi anggecdeac yudangic yeni uanina kpetarima ngicngac sasawa ngadeyunuandae. Anutungo imoc hemma negenu mi ngereeande, yeni nasosoc kopocsicngina torokpeu torokpe kecdae. Yudangic yeneng ifi anggec yeng imocac turunga wisic wisickeau yemmeec.

1 Petoro 1:2

Anutu Manggacngo bic negenu feecac yeng meisingngunuma yofi desiec, Tiri Asungo ngenearu ua meu yadiseri amma kpetiac anggecde. Ifi amma ngeni yeac enac tofohogec Yesu Kristoac sacngo kpegiu nadzicngemmeec kecdae. Yeac danggunuc nga ruaengo ngenearu sahema febeso.

1 Petoro 1:20

Bangec nga kurumeng mi fingecmaec Anutungo Kristo bic meisinggeec. Meisinggeu yeng yaguc naso wisic wisickeau nenanggac amma fingectegerec.

1 Petoro 2:8

“Nga yeni hoc imohai kpondzong heigecde nga peperandziu tifainggema negemmangang meficgegecde.” (Yes 8:14) Yeni Anutuac yoac kpeandaeac ifi anggecde, yoac imoc yeneac bic dedea.

Yohaneac kpefing 13:8

Ifi migec ngicngac sasawa bangecfu kecdae, yeneng wasaipusi numumigecde amma ramamedaha kpebucgegec, yeac kekecac kibiu ngicngac kpacngina bangec meficmeficgeaunac mi fede, yeneng wasaipusi numumigecde.