Aposoro 2:17 - Deduamiti

¹⁷ ‘Anutungo yofi dede, “Naso wisickebeso ammanu ni Asuna kpakeba mau ngicngac sasawango medacbesandae. Amma naroang medacfocngina yeni profeteyoac degecde nga sebigborifocngina onga henggecde amma yadafocngina gaukpefing henggecde.

Yoak kekehagocac Dzadzahac gboria nga Mitiyegec

¹⁷ ‘Kebungo yofi dede, “Naso wisickebeso ammanu ni Asuna kpakeba mau ngicngac sasawango medacgecde. Amma naroang medacfocngina yeni profeteyoac degecde nga sebigborifocngina onga henggecde amma yadafocngina gaukpefing henggecde.

Aposoro 2:17 ပူးပေါင်းရင်းမြစ်များ

Fingec fingec 49:1

Anu Yacakow ye medacfora heitaiyunuma yofi deec, “Ngeni kecenggecde imocac manau noc faka fingecngemmebesande ni imocac yoac edengunubadeac ngeni kpedzucnema hadacgec.”

Fingec fingec 6:12

Anu wiac sasawa sebifusinginagoc yeni bangecfu fakangina mangana angkecgec mengec mengereac sing mong mi fingerec. Ifi anu Anutungo bangec hemma negenec imoc mengec mengereasoc kpac.

Mitiyegec 65:2

O Kebu, ge nunumuac turunga merengannec. Bangecngicngac sasawa yeni gearu hakecdae.

Mitiyegec 72:6

Neni semeng uanina mengereni kiango imohai heiande, ye semeng ua ifia isoc amma kiango bangecfu heiu dokuyagoc angkecde, ye bangec ifia isoc ambeso.

Danicel 10:14

Wayunuma gearu yaguc hadua. Anu kpefinnu onga hendang imoc ngadeguc fingecbesandeac ni ge imoc negentegecnadeac deireckegembade. Imoc geac ngicngacfocga yenearu noc faka fingecyemmeude, imocac yoac.”

Mika 4:1

Naso wisic wisickeau Kebuac womonggac tikingo engena amma tiki sasawa yeneac botucfu feracyunuma nanu, ngiha ngiha yeneng yearu kembesandae.

Dzekarya 12:10

Anu neng Dawidac kisic nga Yerusalaimgac ngicngac yenearu danggunuc nga nunumuac asu kpakeyemmebesandua. Anu nembaracnugec, ngic imoc yeni kicnginango nembesandae. Nemma nenggac manggac mong yereac morocmedacngira homeu yeac kiacsonggong angkecdape ifi isoc neac ambesandae. Me nenggac manggac yereng waracmedacngira mong homeu kiacubahodung angkecdape ifi isoc neac kiacubahodungtoa ambesandae.

Dzekarya 2:13

Imocac bangecfu wiac sasawakekecnginagoc ngeni ning kpedacgec. Kebu ye haudeac kpetiacamayaunac mama yacma nande, imocac yeac kicfu ifi ambisia.

Ruka 3:6

Anutungo ngicngac manganaunac mesinunuude, imoc ngiha ngihango hendacbesandae.’ ” (Yes 40:3-5)

Yohane 17:2

Geng bangecngicngac sasawa yeac kuc bageau faiyununec. Nga yeac areng denec yeng kekecseri yemmeudeac yeni yeac bageau kecgecdeac uayoac nga kuc ye minec.

Yohane 7:39

Ngicngac ye negensinggema kecdae, yeneng Tiri Asu ngade megecde, imocac ifi deec. Yesungo naso imohai kurumennu emma kuc nga kibikperagiagoc mi anecac amma Asu imoc mi yemmeyemmea.

Aposoro 10:45

Mau ngic sebi tosangina herec herecgeango Yesu negensinggegec nga Petorogoc kenggec, yeni Tiri Asungo wosoefahaac kuc bangec monnunac ngicngac, yenearu ifingoc kpakeyemmeu

Aposoro 11:27

Naso imohai profetengic goa Yerusalennac Antiokia taonnu magec.

Aposoro 11:28

Yenearunac tosongina mong kpara Agabo. Asungo kpefing edeu yeng yacma bangecsoc boditoa fingerudeac deficgeec. Nga bodi imoc Roma ngictau Sisa Kraudio kecmanu naso imohai fingerec.

Aposoro 2:16

Nga faka yomocacnoc, profete Yoelengo yoac yofi deec,

Aposoro 2:18

Amma naso imohainoc ni enac tofoc tofoho ngicngacfocna, yenearu Asuna kpakeba mau yeni profeteyoac degecde.

Aposoro 2:33

Ye yacma dzigene enu Anutu marifoiango seseheec. Nga Mamango warac Tiri Asu miudeac deec, ye imoc mema kpakeu maec, imoc yagucnoc hennegeng andae.

Aposoro 21:9

Ye naroangfora neakpac ngacnaroang kecgec, yeni Anutungo wosoefac ayemmeu profeteyoac dekecgec.

Roma 5:5

Ifi kecmina ubaninaac kuha naric mi maude. Nocac Tiri Asugoc anni Anutungo songoya ubahereninau kpakeec fede.

1 Korinti 12:10

Asu imocngoc ngic mong faka hania hania kuhagoc meudeac negen negeng miude. Nga mongngo profete yoac deudeac negen negeng miude. Amma mongngo asu hania hania isingyunuudeac negen negeng miude. Nga mongngo nedzarangyoac hania hania deudeac negen negeng miude. Amma mongngo nedzarangyoacfusing yoac merenudeac negen negeng miude.

1 Korinti 12:28

Amma Anutungo kpebunnu ngicngac goa yofi faiyunuec, warac warac aposoro nga yeneac ngadeau profete amma yeneac ngadeu mitiac kpoukpou faiyunuec. Ifi faiyunumaguc goa faka kuhagoc megecdeac faiyunuec. Ngicngac goa yeni hafei ua hania hania megecdeac Asungo imocac kuc yemmeec. Amma ngicngac meficyunugecdeac areng goa faiyunuec nga wiac garenggegecdeac ngicngac ifia faiyunuec amma goa nedzarangyoac hania hania degecdeac faiyunuec.

Hebiraio 1:2

Nga yofinenggac naso wisic wisickeau ye yoara Medahaac enacfu faiu yeng yoac edenunuec. Bangecfu nga sawau amma kurumennu wiac sasawa fekende, imoc Anutu medahaarusing yegoc meficgeoc nga wiac imoc sasawa medahango meudeac desimiec.

Yakobo 5:3

Hufengngo gol nga silwangina meude nga hufeng imocngo siducdede amma haniangina dekperagiu sebinginau gerec isoc ngonohoude. Ngeni naso wisic wisickeaunoc hiefinac mekpedzuc anggec, imocngo ifi fingecngemmebesande.

2 Petoro 3:3

Ngeni yofinoc negenghomebisia. Naso wisic wisickeau desusuic ngicngac goa yeneng fingecma yenang faka manganaac hereyacyac modacma desusuic angemmema