Aposoro 2:11 - Deduamiti

¹¹ Amma yudangic nga bangec monnunac ngic yudangic yenigoc torokpegec, kretangic amma arabiangic. Nenang ifingoc kecma yoacninasoc Anutu fakatoayaac yoacsiduc degec negendimbe.”

Yoak kekehagocac Dzadzahac gboria nga Mitiyegec

¹¹ Amma yudangic nga bangec monnunac ngic yudangic yenigoc torokpegec, kretangic amma arabiangic. Nenang ifingoc kecma yoacninasoc Anutu fakatoayaac yoacsiduc degec negendimbe.”

Aposoro 2:11 ပူးပေါင်းရင်းမြစ်များ

Mitiyegec 107:15

Kebungo yoac dedzege amma imoc modarude nga yeneng imocac ubangerec memibisia. Yeng bangecngic medacfocngina meficyunuma faka bibiagoc mekecdeac ubangerec memibisia.

Mitiyegec 107:21

Kebungo yoac dedzege amma imoc modackecde, yeneng imocac ubangerec memibisia. Yeng bangecngicac medacfocngina meficyunuma faka bibiagoc mekecdeac ye ubangerec memibisia.

Mitiyegec 107:8

Kebungo yoac dedzege amma imoc modackecde, ngeni imocac ubangerec memibisia. Yeng bangecngic medacfocngina meficngunuma faka bibiagoc mekecdeac ngeni ubangerec memibisia.

Mitiyegec 111:4

Ye uaya bibiagoc meec, imoc yeng negemmanu negenggec fekefude. Kebungo neneac ubea manganeu ubangerec anemmeude.

Mitiyegec 136:4

Kebu kucfaka bibiagoc mekecde, ye ubangerecyoac memibesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 26:7

Ni ubana miacma ubangerec megemma kucfakaga wiac engena negemma dekperagiba negenggecde.

Mitiyegec 40:5

O Kebu Anutuna, ge isoc mong mi kecde. Ge neneac negemma kucfaka wiac engena homac meannec, imoc monggoc nga monggoc mekecnec. Ni imoc dekperagima ngicngac edeyunubade dema kucfakaga kpetea homac, imoc osoosoac siriha kpac.

Mitiyegec 71:17

O Anutu, ni sebigborinaungoc kecbare geng wiac edekpou anennec nga ni naso yofinenggac kucfakaga wiac engena hemma dekperagima kecduaengoc.

Mitiyegec 77:11

Kebungo faka warac meec, imoc negensibade. Oc, geng warac kucfaka bibiagoc menec, imoc negen negennau faiba fekefude.

Mitiyegec 78:4

Neni nambaracfocninango imoc negenggecdeac wiac mong naric mi mesufunide nga fingecsahenina ngade feengkefudesoc, yeni edeyununide. Kebungo kuc nga kibikperagiagoc kecma uatoa meec, imoc edeyununide. Nga yeng kucfaka bibiagoc mekefec, imocac siduc ayemmenide.

Mitiyegec 89:5

O Kebu, ge kurumenga kurumenga sing faiyemmena yeni geac kucfaka bibiagoc oyang boyang mebisia. Ge yoac modac modac Kebu, fakaga imoc kpetiac areng yeneac adzoc adzorou dengerebesonga.

Mitiyegec 96:3

Kebu ye kuc nga kibikperagiagoc, imoc bangeha bangeha ngicngacareng botucnginau dekperagima edeyunugec. Nga yeng kucfaka bibiagoc meec, imoc ngiha ngiha botucnginau edeyunubisia.

Makekeng 15:11

O Kebu, nemuonga nga anutu hania hania yeneac botucfu ge isoc mong mi kecdae! O, ge isoc mong mi kecdae. Ge engenatoa ngictauac kucgagoc amma ge kpetiac. Ge damu damugagoc amma faka bibiagoc angkecnecac geac heiwayong anggemma yegec heigembesonga.

Aposoro 2:10

amma monggoc Firigia bangecfunac, neni Pamfiria bangecfunac nga Aigita bangecfunac amma Ribia bangecfu Kirene ama tegia tegia, imohacnac amma Roma taongtoaunac hading.

Aposoro 2:12

Ifi dema kerectegec amma obohoma denegeng amma degec, “Faka fingecde, imoc wiac siriha mong yombong, imoc mi negentegecdimbe.”

Aposoro 27:12

Nga kondung medaha bic henggec wagengo ihai kianomanggoc tatacacsoc mi anec. Ifi anu yeni imoc wama Kreta nuc imocac taong mong brisiagoc kpara Foiniki, ihai naric endacma tacmagec kianomang naso wisickeudeac homacngo degec. Ihai mura seria mi kpeande, yowarecngosac efea kpeande.

Aposoro 27:13

Anu kondunggac firang firang gombunga kpeu wagengic yeneng degec, “Naric kennide.” dema angka kpedzigec ereu Kreta nuc kpegegenggema kening.

Aposoro 27:7

Emma uameme goa dengec dengec kengkecma ua ebiriangoc mema Kinido taong tarecfugeng sikeing. Sikeni firangngo kpemerennunuu Kreta nucfugeng kening.

1 Korinti 12:10

Asu imocngoc ngic mong faka hania hania kuhagoc meudeac negen negeng miude. Nga mongngo profete yoac deudeac negen negeng miude. Amma mongngo asu hania hania isingyunuudeac negen negeng miude. Nga mongngo nedzarangyoac hania hania deudeac negen negeng miude. Amma mongngo nedzarangyoacfusing yoac merenudeac negen negeng miude.

1 Korinti 12:28

Amma Anutungo kpebunnu ngicngac goa yofi faiyunuec, warac warac aposoro nga yeneac ngadeau profete amma yeneac ngadeu mitiac kpoukpou faiyunuec. Ifi faiyunumaguc goa faka kuhagoc megecdeac faiyunuec. Ngicngac goa yeni hafei ua hania hania megecdeac Asungo imocac kuc yemmeec. Amma ngicngac meficyunugecdeac areng goa faiyunuec nga wiac garenggegecdeac ngicngac ifia faiyunuec amma goa nedzarangyoac hania hania degecdeac faiyunuec.

Garata 1:17

Amma ngic warainemma aposoro anggec yenembadeac Yerusalennu mi kenai, kpac. Ni ine Arabia bangecfu kemma monggoc Damasko dzigeneai.

Garata 4:25

Amma Yerusaleng imoc Hagaac ongea ande. Yerusaleng ye yaguc yengena nambaracforagoc wanacareng amma witicfu kecdae.

Tito 1:12

Kreta ngic yenang kpefing ngic mongngo yenanggac yofi deec, “Kretangic yeni nasoya nasoya ikoc angkecdae amma yaka ondzonggboc nekecma oyong kecma kateyang mangana isoc kecdae.”

Tito 1:5

Ua noboha feec, imoc mesinadeac negemma Kreta nucfu waguba tacnec. Amma ua areng edzacguai, imoc modacma taong fekendaesoc, imohai kemma kpebunggac enara meisingyunuma uayoac yemmebesena.