Aposoro 17:16 - Deduamiti

¹⁶ Pauro ye Ateng taonnu yereac tomai kefec. Nga nemuonga wakemangoc tackenggec ye imoc hemma ubahodung kuneng negenec.

Yoak kekehagocac Dzadzahac gboria nga Mitiyegec

¹⁶ Pauro ye Ateng taonnu yereac tomai kefec. Nga nemuonga wakemangoc tackenggec ye imoc hemma ubahodung kuneng negenec.

Aposoro 17:16 ပူးပေါင်းရင်းမြစ်များ

Mitiyegec 119:136

Ngicngac yeneng geac dedeseriyoac mi modacandaeac kickumanango doku isoc made.

Mitiyegec 119:158

Ngicngac goa yeni negen negensingngina kpac kecandae, yeni geac dedeseriyoac mi modacandaeac ni yenemma modzona tide.

Mitiyegec 69:9

Ni amawomonggaac amma herena gerec dzema dzendandannuude nga dedenggbaring areng yeneng denggbaringgugec, dedenggbaringngina imocngo neac witiu enec.

Mika 3:8

Ni neanna ine Kebuac Asuac kuc imocgoc wakewakea kecma faka dindingac nga kucgoc namma Yacakowac esamedac yeneac yoackpekpe faka nga Isracelac kopocsic, imoc dekperagibade.

Mareko 3:5

Ning kpegec yeng ubaseringinaac negenghodungaima herea buu kic fikengfiha amma ngic yofi edeec, “Ge mariga sinena!” deu ngic ye maria sineu ngereec.

Yohane 2:13

Kecgec yudangic yeneac makekenggac naso wegene hau Yesungo Yerusaleng taonnu enec.

Aposoro 17:15

Anu ngic yeneng Pauro hesicke kengkecma Ateng taonnu faigec. Faigec yeng Sira nga Timoteo bic haecdeac edeyunuu ngic yeni dzigenegec.

Aposoro 17:21

Ateng ngic kuric nga ama mingina sasawa, yeni yoacsiduc furia negemma yoac imocsac denegeng amma siduc homac angkecgec.

Aposoro 17:23

Ni taongnginau kengha amma nemuongafocngina yenengkecma arata monnu kibi yofi oho ohoya feu henai, ‘Nemu mi hennegeng angana, yeac arata.’ Nga nemu imoc mi negemma eweheimiandae, yeac hania dekperagingemmeba negenggec.

Aposoro 18:1

Paurongo uaya mesima Ateng wama Korinti taonnu kenec.

Aposoro 20:22

Anu yoc Asungo ubanau derecgenendeac Yerusalennu kenduae. Kemba faka mong dafia ihai fingecnenude, imoc mi negenghomeduae.

1 Tesaronike 3:1

Anu neni ngeneac negensima ubanina fafic kuneng anu yofi deing, “Neneng Ateng amau naric tacma tosonina Timoteo sueni kembeso.” Ifi dema sueni haec. Timoteo ye Anutuac uangicngo nenigoc momoc kecma Kristoac siduc gombung dekperagikecde. Yeng ngenearu hama negen negensinnu meficngunuma negen negengngina midima meseringunuudeac dema sueni haec.

2 Petoro 2:7

Yeneng kaiserofaka nga mangana hania hania amma Anutuac yoac kpegec, Roti ye ngic dindingacngo fakangina ifia hemma ubea ebiriu Anutungo onggonggeec.