Aposoro 13:30 - Deduamiti

³⁰ Feu Anutungo ine homecfunac megboriu yarec.

Yoak kekehagocac Dzadzahac gboria nga Mitiyegec

³⁰ Feu Anutungo ine homecfunac megboriu yarec.

Aposoro 13:30 ပူးပေါင်းရင်းမြစ်များ

Mataio 28:6

Nga ye ine yei mi fede. Ye edengunuecmoc, ifi yacdac. Ngeri yoc hama fefea henec.

Yohane 10:17

Ni kekecna wama monggoc mebadeac amma Manggacngo neac songo negende.

Yohane 2:19

Ifi degec Yesungo meremma yofi edeyunuec, “Ngeni womong yomoc hembarackegec ni uameme harebecfu imoc miacbade.”

Aposoro 10:40

Homema femanu wenac harebec anu Anutungo ye megboriu yacma ngicngac fingecyemmeu henggec.

Aposoro 13:33

imoc Yesu megboriu nambaracfocngina nenannu fora fingeru imocac siduc gombung edengunuandimbe. Imocacnoc Mitiyegec nadung yohockang, imohai yoac yofi oho ohoya fede, ‘Ni yagucnoc megudua. Ge medacna nga ni geac Mangga.’ (Myeg 2:7)

Aposoro 13:34

Yeng Yesu megboriu yarec nga ye ngade homehome nga hoachoae imoc yearu monggoc mi fingerude nga fingecbesande. Yoac imocac Anutungo yofi deec, ‘Ni Dawidigoc dzahacemeic, imocac fora kenec kenehe kpetiac ngemmebade.’ (Yes 55:3)

Aposoro 13:37

Anu Anutungo ngic megboriec, yeng ine hoac hoaea kpac.

Aposoro 17:31

Yeng bicngoc naso mong deec, imoc fede. Naso imohai bangeha bangeha ngicngac hanianina desima turunga dindingac merennemmeude. Amma ngic mong ye ua imocnoc meudeac demiec, ye ngic imoc edzacnunuudeac homecfunac megboriu yarec.”

Aposoro 2:24

Anu homecngo ye naric mi segereec. Imocac Anutungo homecac kpendzennunac megboriu yarec.

Aposoro 2:32

Anu Yesu yenoc Anutungo homecfunac midiu yaru neni kicninango fora hendaring.

Aposoro 3:13

Imoc kpahac, kisicfocngina Abrahang nga Isaka amma Yakobo, yeneac Anutu yennoc enac tofoc tofohoa Yesu ngickunenggac kuc kibikperagiagoc miec. Ngeni ine ye ngadehema bangec monnunac ngic Anutu mi negemmidae, yenearu faigec. Foracngoc, Piratongo yoara isinggema yungecbesonga desiec. Nga ngeneng ine wagec.

Aposoro 3:15

kekecac enarameme kpegec. Nga Anutungo ye homecfunac megboriu yarec, neni imocac hepuc aning.

Aposoro 3:26

Ngeneacnoc bic negensima Anutungo medaha sueu mama fingerec, imoc ngeni sasawa kpenggodzuac sinnunac merengngunudacma kenecngunuudeac ifinoc anec.”

Aposoro 4:10

Ngeni nga israengic sasawa negenggecdeac yoac yofi deireckeba, ngeneng Yesu Kristo Nadzaretenac mariponnu kpegec homeu Anutungo ye homecfunac megboriu yarec kecde. Nga yeac kpacfu ngic imoc ngereema kicnginau nande.

Hebiraio 13:20

Ruaeac Anutungo dzadzahac fefeseriac sacngo, ramagarengtoa Kebunina Yesu homecfunac megborima miarec,