Aposoro 10:2 - Deduamiti

² Ye yengena nga arengfora sasawa, yeneng heregoc Anutuac songo negemma eweheimima kecgec. Konerio ye ubangereac wiac homac ngicngac makpekpea yemmekefec amma Anutu wenacsoc numumikefec.

Yoak kekehagocac Dzadzahac gboria nga Mitiyegec

² Ye yengena nga arengfora sasawa, yeneng heregoc Anutuac songo negemma eweheimima kecgec. Konerio ye ubangereac wiac homac ngicngac makpekpea yemmekefec amma Anutu wenacsoc numumikefec.

Aposoro 10:2 ပူးပေါင်းရင်းမြစ်များ

Fingec fingec 18:19

Anu yeac esamedacfora nga yeneac esamedacfocngina yeni neac sing modacgecdeac ye imoc edeyunuudeac meisinggeai. Yeni faka dindingac modacma yoacfu faka fora angkecgecdeu ni Awraham yeac wiac deserimiai imocac fora sasawa meficgeyemmebade.”

Mitiyegec 102:15

Bangeha bangeha ngicngac yeneng Kebuac kpac kunenggac kengec amma eweheimigec bangecfu ngictau sasawa yeneng geac kuc nga kibikperagigaac ewea heibisia.

Mitiyegec 119:2

Kebungo yoac ngicngac dekperagiyemmeu yeneng imoc modacma heregoc ye hofocandae, yeni kenecnginagoc amma

Mitiyegec 25:5

Anutu ge neac ebicfunac mesi mesingic. Ge imocac yoacga forau hesicnuma faka fora edekpou anenna. Ni asoacnac kemma marai geac tomai kecduae.

Mitiyegec 41:1

Ngic mong ye ngicngac makpekpea yenenggareng ayemmeande, ye kenehagoc. Ebicnasou Kebungo ye ebicfunac mesima

Mitiyegec 55:17

Ebicngo memanuu asoringa anenu ni asoac nga marai amma tofocnac imocac kiacma ebicyoacna edeba yeng ubaudumenna negenude.

Mitiyegec 86:3

O Kebu, ni asoacnac kemma marai gearu kiackecduaeac ge neac ubaga manganeu.

Mitiyegec 88:1

O Kebu, Anutuna, ge neac ebicac mesi mesingic. Ni hadzing tofocnac geac arohoma kiackecba

Danicel 6:10

Anu ngictaungo kpara kibiu ohou ngic kicnginau faigec Danicel ye imoc hemma negemma ameau enec. Nga ameaac mana wi imohai firangnaguya Yerusalaimbingeng witi witia wau nangkecgec. Ye imohai kemma angande, ifi isoc amma wenacsoc atac harebec Anutuyaac kicfu fafoc heimima ye dangge edema numumikefec.

Danicel 6:16

Ifi degec ngictaungo dederecge ayemmeu yeni Danicel mema kemma laion yeneac tennu ukugec kemeec. Kemeu ngictaungo Danicel yofi edeec, “Anutuga tatahoc eweheimima kecnecmoc yeng ebicfunac mesigubeso.”

Danicel 6:20

Ye Danicel teng tarec imohai kensikema ubahodunggac ubaudumenggoc kpacma deec, “Danicel, Danicel, Anutu kekehagocac enactofoc tofohongic, ge Anutuga tatahoc eweheimima kecnec, yeng laion yenearunac mesiguudeacsoc andac me?”

Danicel 6:26

Ni kibi yomoc ngemmema yoacseria mong yofi faiduae, ngicngac neac eucererennu noboc noboc kecdacdae ngeni Danicelac Anutuya yeac kicfu dzonong fedefede nga damugoc kecbisia, Yennoc Anutu kekehagoc ye kecengkefude nga kecbesande. Yeac eucerereng imoc naric mi kpetotiebesandae. Yeng Ngictaungina amma ngicngac garengyunuma kecde, faka imoc nasoya nasoya fekengkecbesande.

Mataio 25:17

Nga ngic tarantong dzo yohockang meec, ye ifingoc kemma emekpesi uaya mema yohockang torokpema meficgeec.

Ruka 18:1

Medac yeneng nasosoc modzotitia kpac nunumu ua megecdeac Yesungo yoac mong heima yofi edeyunuec.

Ruka 2:25

Naso imohai ngic mong Yerusalennu kefec, kpara Simeong. Ye ngic dindingac amma Anutu eweheimima Tiri Asugoc kefec. Amma ye Israengic yenearu memeseri fingerudeac tomai anec.

Aposoro 10:22

Ifi deu ngic yeneng yofi degec, “Wasaingic gareng Konerio ye Anutu eweheimima faka gombunga modackecde. Nga yudangic sasawa yeni yeac negenggec ngereeande, yenoc angero kpetiac mongngo fingecmima ameau heitaiguma enacgaunac yoac negenudeac edeec.”

Aposoro 10:31

yofi edenuec, ‘Konerio negenna, Anutungo nunumuga nga ubangerecgaac wiac makpekpea yemmeannec, imocac negengngereede.

Aposoro 10:35

Ngic bangeha bangeha eweheimima angammeme dindingac angkecdae, yeneac negenu ngereeande.

Aposoro 10:4

Ifi deu kpidohoma kengec kpeu kiwango gbong henserimanu deec, “Kebu noc wiac?” deu yeng deec, “Nunumuga nga ubangerecgaac wiac makpekpea yemmeannec, imoc sese isoc Anutuaru enu ye imocac negengngereekecde.

Aposoro 10:7

Angerongo yoac imoc edema kenu Konerio ye enac tofoc tofohongic yohockang nga wasaingickereng mong, ngic imoc heitaiyunuma yoac deu negenec.

Aposoro 11:14

Yeng yoac edeguu ge nga arengfocga ngeni yoac imoc negemma hoanggema komoc kpegecde.” ’

Aposoro 13:16

Ifi degec Paurongo yacma waickema tacdacgecdeac maribarac kpouyemmema yofi edeyunuec, “Israengicngac, ngeni nga habu goa Anutu eweheimiandae, ngeni edengunuba negenggec:

Aposoro 13:26

Tosofocna, Abrahanggac bangecfora nga habu goa Anutu eweheimiandae, ngeni yoacna deba negenggec, kopocsicac ebicfunac mesi mesiac sing fede nga komoc kpeni, yoac imoc Anutungo nenannu faiec fede.

Aposoro 13:50

Taong imocac ngac kuneng goa yeni yudangic yenearu torokpema kecgec. Yudangic yeni amagareng nga ngac imoc wosoumeme ayemmema meyunu kemma Pauro nga Banaba yurukporac ayecmema amabangecngina segerema kisangyurugec kenoc.

Aposoro 18:8

Nga yudangic yeneac kpekpeturang amaac gareng kpara Krispo, ye nga arengfora yeni Yesu negensinggegec. Nga Korinti ngicngac homacngo Kebu negensinggema mitidoku nadzicgec.

Aposoro 2:5

Anu yudangic homac bangec noboc nobocnac hahayango Yerusaleng taonnu tacgec, yeni Anutuac yoac modacma kecgec.

Aposoro 22:12

Ihai ngic mong kefec kpara Anania, yeng dedeseriyoac henanggema memodacma kefu yudangic taong imohaingoc kecgec, yeni sasawango yeac negenggec ngereec.

Aposoro 8:2

Amma ngic goa Kebu eweheimima kecgec, yeneng Stefano mema kiacsonggongtoa yombong ammima tonggogec.

Aposoro 9:11

deu Kebungo yofi edeec, “Ge yacma sing kpara Dindingac deandae, ihai kemma Yudaac amau emma ngic mong kpara Sauro, Tarso taonnunac, ye hofocma meficgebesena. Negenna, ye numuma tacde.

Aposoro 9:31

Anu kpebung Yudaia nga Gariraia amma Samaria bangecfu kecgec, yenearu ruae fingerec. Fingeru ruaegoc kecgec kpetengina kuneng anu serima kecma Kebu eweheimima ubango hoanggema afehegec. Anu Tiri Asungo ubaebicngina meickema meseriyunuec.

Aposoro 9:36

Yope taonnu ubamereng ngac mong kefec, kpara Tabita, kpara grikyoacfusing Dorkas. Yearu memeficac faka gombunga feecac makpekpea meficyunuma kefec.

Kolosai 4:2

Anu ngeni nunumu uau serima ubagbori kecma dengerebisia.

1 Tesaronike 5:17

Amma ngeni tatahoc numuma kecbisia.

Yakobo 1:5

Anutungo pakeng dedea kpac songogoc kecma ngicngac wiac homac yemmekecde. Imocac ngeneac botucfunac ngic me ngac mongngo negen negentegecac kpedadanggeudeu ye Anutuaru numuma kpesimiu miude.

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”