Aposoro 1:6 - Deduamiti

⁶ Ifi deu kpedzucnema tacgec yeneng kpesimigec, “Kebu, ge naso yomohai Isracel ngicngac monggoc kpedzucnununa neni nenang bangec ngictauninagoc amma kecnide me?”

Yoak kekehagocac Dzadzahac gboria nga Mitiyegec

⁶ Ifi deu kpedzucnema tacgec yeneng kpesimigec, “Kebu, ge naso yomohai Israe ngicngac monggoc kpedzucnununa neni nenang bangec ngictauninagoc amma kecnide me?”

Aposoro 1:6 ပူးပေါင်းရင်းမြစ်များ

Fingec fingec 49:10

Amma ngictauyasu imoc Yehuda yearunac mi meickeude nga ngicenaraac yasu haniau wegenac mariango seria mekefude. Mekecmanu yasu minginango hama meu ngicngacareng yeneng yeac yoac modacgecde.

Danicel 7:27

Anu eucerereng nga ngictau kecgecdeac kuc nga ngickuneng amma garengyunugecdeac kuc imoc Engenatoaac kpetiac ngicngac yeni yemmegec yeneng kurumenggac bageu eucerereng sasawa garengyunuma kecgecde. Yeac eucerereng imoc feengkecbesande. Ifi feu ngictau bangec kucnginagoc sasawa yeni ye eweheimima yoara tofohobesandae.”

Amosi 9:11

“Naso mong haude imohai, “Ni Dawidac eucererengnga makpeec imoc monggoc medzuacma me-mengere ambade. Amma hocoda dzamedzamea imocac sesuhau wiac sasawa manganedarec, imoc monggoc mengerema warac tarec ifi isocngoc faibade.

Mika 5:2

Nga “Bet Lehem Efrata, ge ine Yehuda taong kapia yenearunac mong. Gearunac mongngo neac hama Isracel bubunggeude amma yennoc hanac hanaheaunacngoc keceregec yeneac dzitec hania.”

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Mataio 17:11

ifi degec yeng yofi edeyunuec, “Eriango warai hama wiac sasawa memengere anudenoc.”

Mataio 20:21

Ifi deu deec, “Ge noc wiacac anggende?” Deu edeec, “Medachocna yomoc yereng eucererenggau mongngo foigau nga mongngo kanagau tarecde imoc deserinenna.”

Mataio 24:3

Yesungo Oliwa tikiu kemma taru medacfora tembucngina yearu kemma kpesimigec, “Ge yoac dedang imoc noc nasou fingerude? Nga naso wisic wisickea amma geangga hahanasogau noc soi fingecbesande, imoc edenununa.”

Mareko 9:12

Ifi degec yofi edeyunuec, “Eriangonoc hama wiac sasawa memengere anude. Nga mitikibiu yofi oho ohoya fede, ‘Ngicac Medac ye kpendzeng homac kpeu desure ammigecde.’ imoc dafiac negensidae?”

Ruka 17:20

Farisaio goa yeni Anutuac eucerereng noc nasoac haudeac Yesu kpesimigec yofi merengyemmeec, “Anutuac eucerereng hau ngeni imoc kicngo naric mi henggecde.

Ruka 19:11

Ye ifi dema kemma Yerusaleng taong mewegeneec, imocac yeneng yofi negenggec, “Anutuac eucerereng imoc kicninau yombong bic fingectegerude.” Ifi negenggecac amma Yesungo yoac mong heima torokpema yofi edeyunuec,

Ruka 22:29

Mannango eucererenggac kuc neac mariu faiec, ifi isocngoc neng eucererenggac kuc ngeneac mariu faibade.

Yohane 21:21

Nga Petorongo medac imoc hemma Yesu kpesimiec, “Kebu, ge yeac dafi negennec?”