Amosi 9:14 - Deduamiti

¹⁴ Ni Isracel ngicngacfocna witicuau kecdae yeni monggoc meyunu habade. “Anu taongngina manganeec imocac sesuhau monggoc me-mengere amma imohai tacyac anggecde. Nga waing uanginau homecma waing dokuya negecde. Amma semeng uanginau homecma fora menec anggecde.

Amosi 9:14 ပူးပေါင်းရင်းမြစ်များ

Mitiyegec 107:37

Yeni semeng nga waing uanginau homecgec fora homac anec.

Mitiyegec 53:6

O, ebicfunac mesi mesi imocngo Tsion, imohacnac habeso, imocac yombong anemmede. Anutungo ngicngacfora mengereyunuu kekecngina ngereeude, imohai Yacakowac areng yeni sogaigecde nga Isracelac areng yeni ubangerec negenggecde.

Amosi 5:11

Anu ngeni makpekpea meentimemati ayemmema hodzinnu wit nga baliac takesi neterema meandae. Ifiac amma ngeni hocngo amagerecngina kuneng kuneng megec, imohai tacyac mi anggecde nga waing homecgec urubeacbeac feec, imohacnac waing foraac dokuya mi negecde.

Tsefanya 1:13

Amma dzofinacngina imoc hamangecmemengic yeneac anude nga amangina imoc kisi fingerude. Yeni amagerecngina gboria monggoc megecdeu sifu manau tacyac mi anggecde nga waing heihomec anggecdeu sifu waing dokuya mong mi nebesandae.

Tsefanya 2:7

Bangec imoc yehudahabu toseanec yenengsac komoc kpegecde yeneac bangec ammanu ramafocngina ihai faiyunubesandae. Faiyunuma ama marai anu yenang ine Askelon taonnu ama tackendesoc ihai fenegembesandae. Kebu Anutunginango yeneac negensima feackekecngina monggoc kpakeyemmebesande.