Amosi 8:6 - Deduamiti

⁶ Ifi amma kpekpedadanga silwa dzo kapianecngo ngeneac wanacuaac bummeyunuandae nga makpekpea hanitabeac buma mocguacsocngo bummeyunuandae amma wit foraseuha ifingoc sueandae.

Amosi 8:6 ပူးပေါင်းရင်းမြစ်များ

Nehemia 5:8

Mema ngickiwa nga garengenara yeneac yofi deai: “Nenang ua kuneng mema, Yehudaareng sactosofocnina mikic yenearu dzoac amma sueyunuing, imoc yeni monggoc bummeyunuing. Anu ngeni yaguc sactosofocngina yenearu sueyunugec yeneng nenanggaru monggoc sueyunugecdeac dedae me.” Ifi deba yoac hofocgecac amma yoacngina dugungkpeec.

Yoele 3:3

Yeni ngicngacfocna meyunugecdeac kpeing kpegec. Amma yeni sintoangac yeneac amma medacfocngina yenigoc emekpesi anggec nga waing dokuya negecdeac amma naroangfocngina sueyunukecgec.

Yoele 3:6

Amma ngeni Yehuda nga Yerusalaim ngicngac meicyunuma Grik yenearu sueyunugec, yenang amabangecngina wama agac kenggec!

Amosi 2:6

Kebungo monggoc yofi dede, “Isracel yeni kopocsic homac meficgema silwaac amma ngic dindingac sueyunugec nga hanitabeac amma kpe-kpedadangnga ebicfu faiyunugec. Ifiac amma mi onggongyunubade.

Amosi 3:9

Ngeni yoac yomoc Asido taonnu nga Aigita bangecfu amagerecngina seriau kecdae yenearu dekperagibisia. “Ngeni Samaria tikiu kpedzucnedacma Isracel ngicngac yenearu yare nga faka mangana fede, imoc hennegeng ambisia.”

Amosi 4:1

Ngac Samaria tikiu kecdae, ngeni Basanggac burumaka gbofong isoc ngeni kedzac kpema negenggec, ngac ngeni makpekpea nga kpe-kpedadanga meenti memati ayemmema ebic kuneng witinginau faima ewefocngina yeneac yofi deandae, “Dokuseria mehagec neni!”

Amosi 8:4

Damoc ngeni makpekpea tipetangyunuandae nga bangecnginau kpekpedadanga meenti memati ayemmeandae, ngeni yomoc negenggec.

Dzekarya 5:6

Ifi deu fima hemma kpesimiai, “Imoc noc wiac.” deba yofi edenuec, “Imoc sakac mong fingecde.” Ifi dema torokpeec, “Sakac imoc Yehuda bangectoaac kopocsic sasawa imocac onga ande.”