Amosi 8:3 - Deduamiti

³ Kebu Kpembibiagocngo yofi dede, “Naso imohai womonnu yegec heiheingic yeneac yegecnginango meremma kpabetorenggac yegec anude. Nga fareng homac ukuyunugec fekengfeha andae. Imocac ngeni ning kpegec!”

Amosi 8:3 ပူးပေါင်းရင်းမြစ်များ

Mitiyegec 39:9

Nga gennoc faka yomoc meficgena fingecnendacac amma ni waicke kecma enacna mong mi anggebade, kpac.

Yoele 1:11

Anu semeng fora kpememe anggec imocngo manganedarecac amma heikpenec angandae ngeni kucmama amma songgong engenggec nga waing heihomecngic ngeni wit nga baliac ubahodung negembisia.

Yoele 1:13

Womonggareng arata kiwau waraiyemmema sese meandae, ngeni yukung heima arohoma torengkpegec. Amma Anutunaac hoannu wit nga baliac sese nga waing dokuac sese faiandae, imocngo Anutunginaac amau monggoc mi faigecac amma toforecfu hamma yukunggoc kecbisia.

Yoele 1:5

Imocac minggongngic ngeni yacma kiacgec nga waingnenengic ngeni waing kpac andeac amma songgong engenggec.

Amosi 4:10

“Ni Aigita yenearu hafei mangana seuyai ifi isoc ngenearu angemmebade. Nga sebigbori medacfocngina amma ngabafocngina yeneac becosi mema dzikacfu meyunuma kecgec, yeni wasaibeangngo kpebucyunuba hoac homung imocngo tebacngina sokoma samacngina nefonggeec. Ifi angemmeba hemmaguc ngeneng nearu monggoc mi dzigenegec.” Kebungo ifi dekperagide.

Amosi 5:16

Imocac amma Kebu ye Kebu Anutu Kuctoa Minginango yofi dede, “Naso imohai sintoaac sing bisicfu kpabetoreng fingerude nga yaimmainggac kiac udumengngo kpekpeturang amau feude. Ifi anu heihomec ngic kiac ubahodunggac heitaiyunugecde nga songgonggac ngicngo kpabetorenggoc hagecde.

Amosi 5:23

Yegec udumengnginagoc meickegec. Ni gita udumengngina gombunga imoc negembesonga mi anende.

Amosi 6:4

Anu ngeni fefengina imoc erefanggac baihagocngo me-mengere angana, imohai feandae amma heitatacngina yumea nga herea, imohai feandae nga tacma rama medahaac fusia songea neandae nga burumaka medaha gbofomaac fusia neandae.

Amosi 6:5

Anu ngeni gitangina kpema Dawid isoc udumeng gboria heficgeandae.

Amosi 6:8

Kebu Kpembibiagoc ye yengenaoc yofi deseriemeec, Anutu Kuctoa Minginango dekperagide: “Ni Yacakowac esamedac yeneac sebiengengngina imoc ubango waduae amma amagereha seria imoc ngadeheyombonggeduae. Anu taongngina nga wiac sasawa imocac manau fede, imoc ngabafocngina yeneac mariu faidacbade.”

Amosi 8:10

Amma ni mitiac nasotoangina sasawa imoc heimeremba songgonggac naso anude nga sogacsogai yegecngina imoc meremba ubahodunggac yegec anude. Anu mateng ubahengemmedacba orucdzongina mepotockegecde. Naso imohaingoc mocmedac mongngo homeu kiac songgong hodungaiande, ifi isoc fingerude. Ngeni ifi amma kecmagec dzoura naso imocngo wisickeude.”

Nahum 3:3

Ngic becosicfu tacma gereagoc sikedae, yeni dzikac kpemagec wasaibeangngina nga sangaranginango piratackede. Yeni ngicngac homac yunuhomedae. Farengngina homac fekende imoc naric mi osodacgecde, goa ihai fuseyunude.

Tsefanya 1:7

Kebu ni Kebungina neng sesegerecna mengerema heitaingunuma arengngunuyai. Neac naso wegenedeac ngeni neac kicfu ning kpegec.