Amosi 6:8 - Deduamiti

⁸ Kebu Kpembibiagoc ye yengenaoc yofi deseriemeec, Anutu Kuctoa Minginango dekperagide: “Ni Yacakowac esamedac yeneac sebiengengngina imoc ubango waduae amma amagereha seria imoc ngadeheyombonggeduae. Anu taongngina nga wiac sasawa imocac manau fede, imoc ngabafocngina yeneac mariu faidacbade.”

Amosi 6:8 ပူးပေါင်းရင်းမြစ်များ

Fingec fingec 22:16

“Kebungo yofi dede, ‘Ge medacyombongga mocgu mi segerema desima faka imoc andang. Imocac amma ni neanna kpacfu deseriduae

Mitiyegec 106:40

Imocac Kebungo ngicngacfora ngaba ayemmema bangecarengfora yenenu seucnginagoc anggec ifi hemma modzea tiu wayunuec.

Mitiyegec 47:4

Yeng Yacakowac songo negendeac amma bangec imoc meisinggeu Yacakowngo imoc negenu wiac engena anec. Kebungo fingecsaheyaac negensima bangecyombonnina nemmeec. Selac

Mitiyegec 50:12

Bangectoa bangec nga wiac sasawa imohai fedacde, imoc neac andeac herenaac homebadeu imoc ngeni mi edengunubai, kpac.

Mitiyegec 78:59

Anutungo imoc negemma herebu kuneng fingecmiu Isracel habu wayunudarec.

Amosi 3:10

Kebungo monggoc yofi dekperagide, “Yeni faka dindingac angang mi negendae yeni yarefaka amma hamangecfunac wiac mema amagerecngina seriau atiha atiha heiengandae.”

Amosi 3:11

Ifiac amma Kebu Kpembibiagocngo yofi dede, “Ngaba yeneng amabangecngina sokodacma amabangecnginaac odaya seria imoc hembarackema amagerecngina seriau wiacngina senghamangecfu tigec enude.”

Amosi 4:2

Kebu Kpembibiagocngo kpetiac nanangau namma deseriec: “Naso mong hamakecde, imohai ngeni ngabafocngina yeneac honacfu endacgec mengunuma kenggecde, ammanu medzihafocngina yeni ifingoc hawicfu endacgec kpedziyunu kenggecde.

Amosi 5:21

Kebungo yofi dede, “Ni kpekpeturang nasotoangina imoc ubango wayombonggema ngadeheanduae nga miti negen negenggac adzoc adzorohongina imocngo asenga mangacmanganea.

Amosi 8:3

Kebu Kpembibiagocngo yofi dede, “Naso imohai womonnu yegec heiheingic yeneac yegecnginango meremma kpabetorenggac yegec anude. Nga fareng homac ukuyunugec fekengfeha andae. Imocac ngeni ning kpegec!”

Amosi 8:7

Kebu yengenaoc yofi deseriemeec, “Ngeneng yofi deandae, ‘neni Yacakowac areng dema sebiengeng angandae,’ amma fakangina mangana sasawa andagec, imoc naric mi nigecnuude.

Dzekarya 11:8

Amma afo mocguac manau gareng harebec meicyunuai. Yeni neac modzongina tiu sisicnuma herena miacgec.