Amosi 6:6 - Deduamiti

⁶ Amma ngeni waingdokuya kude wakewakeau nema kerec homung kerengagocngo sebinginau hosoandae amma Yosefac esamedac ine ubamangangnga kpac memanganeyunuandae.

Amosi 6:6 ပူးပေါင်းရင်းမြစ်များ

Fingec fingec 49:22

“Yosef ye ic foragocac medac. Ye doku wegenac namma ic foragoc amma mari hereango oda semema ferahekefude.

Esta 3:15

Anu imohaingoc kibi mekeng mehangic yeneng ngictauac dederecgeu kibi seria imoc gereagoc Susa amaherec seriau faigec kenu ihai kecgec, yeni negemma sasawango kpidohoma dabiegec. Ammanu ngictau nga Hamang yereng ine nenedoku nesogaigoc kefoc.

Amosi 2:8

Anu tosofocngina yeneac turungngo Isracel yenearu feecac amma yeneac ngakpiherec mema arata sasawaac tegiau tiamema feandae. Amma yenearu monggoc kemma kopocsicac bunggac degec yeni waingdoku yemmegec anutunginaac amau neandae.

Amosi 4:1

Ngac Samaria tikiu kecdae, ngeni Basanggac burumaka gbofong isoc ngeni kedzac kpema negenggec, ngac ngeni makpekpea nga kpe-kpedadanga meenti memati ayemmema ebic kuneng witinginau faima ewefocngina yeneac yofi deandae, “Dokuseria mehagec neni!”

Yohane 12:3

Tacmagec, imohai Mariango sebiac kerec lita noboha, kpete imocacsoc mema Yesuac haniau kpakema nadzicmiec. Kerec, imoc narda foraunac memea amma imocac buma kuneng. Nadzicmima orucdzoeango hania meusuranggeec. Ifi anu kerec imocac homunango fima ama mana sokodacma feec.

Roma 12:15

Ngicngac sogaima kecandae, ngeni yenigoc sogaibisia. Nga ngicngac kiacandae, ngeni yenigoc kiacbisia.

1 Korinti 12:26

Amma sebiac tosea mongngo kpendzeng kpeudeu sebitosofora yenahafocngoc meficgema kpendzeng kpegecde. Nga sebiac tosea mong dengereudeu sebiac tosea sasawa yeni yenahafocngoc sogaigecde.

1 Timoteo 5:23

Herekiki nga hafei homac anggengande, imocac doku tehecsac mi nebesena. Ge ine heregaac amma waing kapianec ifingoc nebesena.