Amosi 6:3 - Deduamiti

³ Anu ngeni ebictoaac naso imoc nigera anggec nga faka angandae imocngo ebictoaac naso imoc kpedziu mewegenengunuande.

Amosi 6:3 ပူးပေါင်းရင်းမြစ်များ

Mitiyegec 94:20

Ngicenara goa yeni Anutu ngadehema mangana megecdeac ayemmeande, yeneng geac ogofocga naric mi anggecde. Yeni singyoac hania hania ohoandae, imocngo ngicngac ogofocngina faitobang ayemmema memangnaneyunugecde.

Amosi 3:10

Kebungo monggoc yofi dekperagide, “Yeni faka dindingac angang mi negendae yeni yarefaka amma hamangecfunac wiac mema amagerecngina seriau atiha atiha heiengandae.”

Amosi 3:9

Ngeni yoac yomoc Asido taonnu nga Aigita bangecfu amagerecngina seriau kecdae yenearu dekperagibisia. “Ngeni Samaria tikiu kpedzucnedacma Isracel ngicngac yenearu yare nga faka mangana fede, imoc hennegeng ambisia.”

Amosi 5:12

Nga singyoac kpena dafiguc anec, imoc ni negenduae amma kopocsic ebiria dafiguc meficgenec imoc negendacduae. Ifiac amma ngeni hania kpacfu ngic dindingac faka mangana ayemmeandae amma ngeni ngic mangana wayunugec yeneng hiedzo ngemmema kererengunuandae. Anu desidesingic ngeneng makpekpea yeneac yoac gombunga mi desigec yoacfu makpeandae.

Amosi 5:18

Ubahodung kuneng ngicngac damocngo Kebuac naso imocac tomai kecdae! Ngeni noc haniaac Kebuac nasotoaac tomai kecdae? Uameme imoc kperagiaac naso kpac kundungtoaac naso anude.

Amosi 6:12

Nga becosingo hoctoatoa witiau naric nedziude me? Amma burumakango bangec medzac medzacmeac aieng taima kondung naric mendzirude me? Ngeneng ine desidesiac yoacfora imoc merenggec hodungagoc angande nga dindingac kekecac foraya imoc merenggec aengagoc angande.

Amosi 9:10

Isracel ngicngacfocna yeneac botucfu damocngo kopocsic meficgemaguc yofi deandae, “Ebictoango feracnunuma naric mi mewegenenunuude,” imoc yeni ngabafocngina yeneac wasaibeannu homedacgecde.

Mika 6:12

Nga ngicngac dzo finactoanginagoc yeneng mangana homac meficgeandae amma ngicngac gegoc neemenec angandae yeneac ngedzarangnginango ine faitobang yoac homac deandae.

Mataio 24:48

Nga wanacngic mangana, ye ine yengenaoc negensiude, ‘Ni minginna naso herea kecmaguc haude.’

1 Tesaronike 5:3

Nga ngicngac yeni degecde, “Ruae nga garengagoc kecdimbe.” Ifi dekecmagec, naso imohaingoc memangac manganea ebic fingecyemmeude. Ebic imoc ngac heregoc medac meudeac naso mi negemmanu gadze kiande, ifi isoc bic fingecyemmeude. Fingecyemmeu naric mi woragecde.

2 Petoro 3:4

degecde nga debesandae, “Haudeac edengunuec, ye damoc kecde? Anutungo hanac hanaheaunacngoc wiac sasawa deu fingerec nga mangesafocnina homegecfunac nang erekecma yaguc kecdimbe, imoc sasawa yeni warac feec isoc siriha mockicngoc fede.”

Yohaneac kpefing 18:17

Imoc aua mocguac manau finactoa sasawa gerecngo memanganeu kpac andarec.’ Amma wage kisang kisang sasawa nga yeneac bagenginau wageu ua meandae amma ngicngac sasawa kondunnu ua meandae, yeni hereau namma