Amosi 5:5 - Deduamiti

⁵ Anu Gilgal taongngo bangec monnu witicuau kenude nga Bet-Elngo kparakpac anude. Imocac amma ngeni Bet-Elu kpachofoc mi anembisia nga Gilgal mi kembisia amma singkpema Bertseba mi kembisia.”

Amosi 5:5 ပူးပေါင်းရင်းမြစ်များ

Fingec fingec 21:31

Anu yeri imohai yoac demeserima deocac bangec imocac kpara Becer Sewa kpacgec.

Fingec fingec 21:33

Anu Awraham ye ine Becer Sewa bangecfu tamarisk ic mong homecma Kebu Anutu kecde nga kecengkecbesande yeac kpara kpacma dengerema eweheihei ammiec.

Fingec fingec 26:23

Anu ye imohacnac Becer Sewa kenec.

Fingec fingec 26:33

Ifi degec doku imocac kpara Siwca kparec. Imocac yaguc bangec imocac kpara Becer Sewa kpacandaengoc.

Mitiyegec 33:10

Bangec monnunac ngicngac Anutu mi negemmidae, yeneng negen negengngina arenggegec Kebungo imoc meu kemma kpac anude. Nga ngiha ngiha yeneng ua mong mebesonga arenggegec yeng singngina hedzickeu imoc naric mi megecde.

Amosi 1:5

Amma Ni Damasko taonggac oda naguya imoc kpembarackebade nga ngictau damocngo Awen tumeau kecde, amma ngictau Bet Edennu yasu kapongnga mekecde, imoc yeri meicyurubade. Nga Siria ngicngac yeni Kir bangec ihai witicuau kenggecde,” Kebungo ifi dede.

Amosi 3:14

Naso imohai Ni Isracel kopocsihaac turung kpoubadeu, Bet-El sesegerecac arata kpembarackeba arata sasawaac baic imocngo takema bangecfu makpedarude.

Amosi 4:4

“Isracel ngicngac ngeni Bet El kemma kopocsic meficgebisia, nga ngeni Gilgal kemma kopocsic engngoc torokpema ambisia. Amma asoacsoc sesegerecngina mehagec nga uameme harebec ammanu tenunac mocgungina faibisia.

Amosi 7:10

Anu Bet-El bangecac womonggareng Amadzia yeng Isracel yeneac ngictau Yeroboanggaru yoac yofi faiu kenec, “Amosi ye Isracel dzongiaunacngo geac kpackunengga memama Isracel ngicngac yeneac heremiacmiac anu geac ngaba anggecdeac andae. Anu ge Amosi wana yei kefudeu, yeac yoacngo hendzicnunuude.

Amosi 7:13

Yomoc ngictauac kpetiacsobeng nga eucrerenggac womong, imocac amma ge Bet-Elu monggoc hama profeteyoac mi debesena.”

Amosi 7:17

Ifiac amma Kebungo yofi dede, ‘Amadzia, geac enenggango taongtaoac singtoangac anude nga naroangfocga nga medacfocga wasaibeangngo yunuhomegecde. Amma bangecga kpetea faima hendzicma medacgecde. Anu geangga ine mikic bangecfu homenade nga forayombong, Isracelngo fingecfingec bangecngina ihacnac meicyunuma agac yombong witicuau meyunu kenggecde.’ ”

Amosi 7:9

“Amma Itsakac esamedacfora yeni tiki bumau kebu ikoha afeheandae, imoc memanganeyunudacbade nga Isracel yeneac kebu ikohaac kpetiac sobeng deandae, imoc ifingoc memanganedacbade. Anu neng ngaba sueyunuba yeneng hama ngictau Yeroboanggac arengfora wasibeangngo kpebucyunudacgecde.”

Amosi 8:14

Anu damoc yeni Dan nga Bertseba taong ngereac kebu kecde dema Samariaac kopocsicfu nesunggema yoacngina deseriandae, ngicngac imoc yeni makpegecdeu monggoc mi yacgecde, kpac.”

1 Korinti 1:28

Nga ngicngac yeneac kicfu wiac mamea angande nga wiac seuha deandimbe amma wiac kpac amma mi fede deandimbe, Anutungo imocnoc meisinggeec. Meisinggeu wiac goa engena angande, imoc kpac anudeac ye ifi negenec.

1 Korinti 2:6

Imocac amma goa ngeni bic yadiseri anggec, ngeni yoac negen negentegecgoc edengunuandimbe. Yoac dedimbe, imoc naso yomocac negen negentegec kpac nga naso yomocac engena yeneac negen negentegec mi ande, nocac ngadeau kpac andacgecde.

Yohaneac kpefing 18:17

Imoc aua mocguac manau finactoa sasawa gerecngo memanganeu kpac andarec.’ Amma wage kisang kisang sasawa nga yeneac bagenginau wageu ua meandae amma ngicngac sasawa kondunnu ua meandae, yeni hereau namma