Amosi 5:18 - Deduamiti

¹⁸ Ubahodung kuneng ngicngac damocngo Kebuac naso imocac tomai kecdae! Ngeni noc haniaac Kebuac nasotoaac tomai kecdae? Uameme imoc kperagiaac naso kpac kundungtoaac naso anude.

Amosi 5:18 ပူးပေါင်းရင်းမြစ်များ

Yoele 1:15

Naso imocac kuku heigec! Imoc yofiac: Kebuac nasotoango bic mewegenenunude, imoc Anutu Kuctoa Mingina yearunac kpendzengngagoc haude.

Yoele 2:10

Naso imohai bangecngo kpemindzaheude nga kurumenga kurumenga yeneng dzonong fedefede anggec ammanu wenac nga afo yereac kperagingirango kundung kpeu nga asomeng yeneng monggoc mi kperagigecde.

Yoele 2:11

Anu Kebungo wasaifora kpetengina kpac yenigoc waraiyemmema parandanggemanu wasaihabu yeac dederecgea modacgecac amma yeni kuctoanginagoc. Ifi anu Kebu nasotoa imocngo kuneng nga bibiagoc ammanu naso imohai merang naric serima nanude?

Yoele 2:31

Kebuac nasotoa imocngo kpudamuyagoc mi fingecmanu wenackiwango meremma kundung kpedarude nga afongo sac anude.

Owadya 1:15

Kebuac nasotoango ngiha ngiha mewegenengunuude. Edom ngeni faka anggec faka siriha imocngoc ngenearu fingerude. Amma angammemengina imocngoc monggoc ngenang witiu dzigenengemmebesande.

Malecaki 4:1

Kurumenggac wasaiareng habuya habuya yeneac Kebungo yoac yofi dede, “Negendae, naso hade imoc gerectoayagoc hade. Imocac ngic damoc yeni dehesi nga deengdema amma mangana meandae yeni naso imohai gerec seriango dzema yonohodacbesande. Imoc wiac mong dzuama harandanggeu gerecngo godeagoc sasawa dzemusunggeude ifi isoc yenearu fingecbesande.

2 Petoro 3:10

Nga Kebuac hahanaso, imoc hamangec ngicngo haandae, ifi isoc haude. Naso imohai sawau wiac sasawa fedacde, imoc gerecngo yonohodarude nga sawango udumengtoagoc aockema kpac andarude. Amma bangec nga wiac sasawa maringo memea imocac witiau fede, imoc monggoc mi feude.

2 Petoro 3:4

degecde nga debesandae, “Haudeac edengunuec, ye damoc kecde? Anutungo hanac hanaheaunacngoc wiac sasawa deu fingerec nga mangesafocnina homegecfunac nang erekecma yaguc kecdimbe, imoc sasawa yeni warac feec isoc siriha mockicngoc fede.”