Amosi 5:12 - Deduamiti

¹² Nga singyoac kpena dafiguc anec, imoc ni negenduae amma kopocsic ebiria dafiguc meficgenec imoc negendacduae. Ifiac amma ngeni hania kpacfu ngic dindingac faka mangana ayemmeandae amma ngeni ngic mangana wayunugec yeneng hiedzo ngemmema kererengunuandae. Anu desidesingic ngeneng makpekpea yeneac yoac gombunga mi desigec yoacfu makpeandae.

Amosi 5:12 ပူးပေါင်းရင်းမြစ်များ

Mitiyegec 127:5

Ngic mong ye medacfora ifia homac kpedzucyunuma meyunukecde, ye kenehagoc. Ngabafora taong naguu yoacfu nangandae, yeng imohai yenigoc nanu yeneng game kpekpeu naric mi faigecde.

Makekeng 23:3

Amma ngic makpekpea monggac yoac mong fingeru gombungaya nga manganaya ifingoc mi hesonggebesena.

Makekeng 23:6

Ngic makpekpea mong botucnginau kecdengo yoac ua mema kecmanu ge ye ngic makpekpea andeac yeac yoara mi denggbaringgebesena.

Amosi 2:16

Naso imohai dzikacac enarameme seria yeneng entegeng wama woragecde.” Kebungo ifi dekperagide.

Amosi 2:3

Ni Mocawac ngictau nga garengenarafora sasawa memanganeyunuma yengenagoc kpebucyunudacbade.” Kebungo ifi dede.

Amosi 5:10

Ngeni ngic yoacfu namma yoacfora desiandae nga ngicngac yoacfora deandae yeni ubango ukuyunuandae.

Amosi 5:7

Ngeni desidesiacyoac imoc merenggec hodungnga angande nga faka dindingac imoc ngadehema hanitiandae.

Amosi 8:4

Damoc ngeni makpekpea tipetangyunuandae nga bangecnginau kpekpedadanga meenti memati ayemmeandae, ngeni yomoc negenggec.

Mika 3:11

Ammanu enara ngeni ngicngac yeneac desidesi ua gombunga megecdeac dzongo kererengunuandae amma womonggareng ngeni bummengunugecdeac dederecge ayemmeandae nga profete ngeni hiedzo ngemmegecdeac negemma wiac ngade fingerudeac edeyunukecdae. Ifi ammaguc ineKebuacmemeficarugeng fima yofi deandae, “Kebungo nenang botucfu kecmanu ebicngo naric mi hanemmebesande.”

Mika 7:3

Yeni mangana megecdeac maringina miacgec efaiande. Ngic oruha nga desidesingic yeneng ngic ikocfu demekiri ayemmema kerereyunumagec hiedzo yemmegec ebicngina meandae. Amma ngickucnginagoc yeni songonginaac areng yoac dindingac imoc membaickema desiandae.

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Aposoro 7:52

Kisicfocngina yeni profete sasawa yunukporac ayemmegec. Profete yeneng dindingac mingina fingecbesandeac kpefingyoac degec nga ngeneac kisicfocngina yenennoc yenahafoc profete imoc yunugec. Kecma Ngic Dindingac yengena fingeru ngenennoc doc mema ye kpehomegec.

Yakobo 5:4

Negenggec, uangicfocngina yeni semeng uanginaunac fora kpengemmegec ngeni ua bung yemmebeso wagec, imocngo kiackecde. Nga uangic yeneac kiacngo ifingoc Kebu Kuctoa mingina yeac kedzacfu bic kemeec.

Yakobo 5:6

Ngeni ngic dindingac yoacfu faima kopocsihagoc dema kpebucgegec nga yeng ngaba mong mi mekefec.

Ruti 4:1

Anu Bocadzi ye taonnu emma taonggac odatoaac naguyau kemma matarec. Tacmanu, Bocadzingo Ruti asoac ngic siduha ammiec, Rutiac eweaac sacarennunac memeficngic, ngic yenoc imohacsing hasikeec. Hasikeu Bocadzingo hemma kpacma deec, “Ogona, ge yoc hama matacna!” Ifi deu kemma matarec.