Amosi 5:11 - Deduamiti

¹¹ Anu ngeni makpekpea meentimemati ayemmema hodzinnu wit nga baliac takesi neterema meandae. Ifiac amma ngeni hocngo amagerecngina kuneng kuneng megec, imohai tacyac mi anggecde nga waing homecgec urubeacbeac feec, imohacnac waing foraac dokuya mi negecde.

Amosi 5:11 ပူးပေါင်းရင်းမြစ်များ

Amosi 2:6

Kebungo monggoc yofi dede, “Isracel yeni kopocsic homac meficgema silwaac amma ngic dindingac sueyunugec nga hanitabeac amma kpe-kpedadangnga ebicfu faiyunugec. Ifiac amma mi onggongyunubade.

Amosi 2:7

Ammanu kpedaha kecdae yeni sendunnu tipetangyunuma ngic kucmamaya yeneac yoacngina foraya dedeac busickpekecgec. Nga mangmedac yerahafocngo ngacnaroang mocgu yearungoc kengandape, ifi amma kpetiac kpacna ohoandae.

Amosi 3:15

Ni kiafiranggac ama nga wenacnasoac ama yerahafoc kpedzameyurubade. Nga ama gombunga gombunga erefanggac ngirenggoc me-mengere angana, imoc memanganeyunubade amma amagerec kuneng kuneng kpedzacmedacbade.” Kebu yengenaoc ifi dekperagide.

Amosi 3:9

Ngeni yoac yomoc Asido taonnu nga Aigita bangecfu amagerecngina seriau kecdae yenearu dekperagibisia. “Ngeni Samaria tikiu kpedzucnedacma Isracel ngicngac yenearu yare nga faka mangana fede, imoc hennegeng ambisia.”

Amosi 4:1

Ngac Samaria tikiu kecdae, ngeni Basanggac burumaka gbofong isoc ngeni kedzac kpema negenggec, ngac ngeni makpekpea nga kpe-kpedadanga meenti memati ayemmema ebic kuneng witinginau faima ewefocngina yeneac yofi deandae, “Dokuseria mehagec neni!”

Amosi 6:11

Anu Kebu yengenaoc dederecge ayemmeec. Amma amatoatoangina kpedzamedarude nga amabisicbisicngina ifingoc medzameu kpacandarude.

Amosi 6:12

Nga becosingo hoctoatoa witiau naric nedziude me? Amma burumakango bangec medzac medzacmeac aieng taima kondung naric mendzirude me? Ngeneng ine desidesiac yoacfora imoc merenggec hodungagoc angande nga dindingac kekecac foraya imoc merenggec aengagoc angande.

Amosi 8:4

Damoc ngeni makpekpea tipetangyunuandae nga bangecnginau kpekpedadanga meenti memati ayemmeandae, ngeni yomoc negenggec.

Amosi 9:14

Ni Isracel ngicngacfocna witicuau kecdae yeni monggoc meyunu habade. “Anu taongngina manganeec imocac sesuhau monggoc me-mengere amma imohai tacyac anggecde. Nga waing uanginau homecma waing dokuya negecde. Amma semeng uanginau homecma fora menec anggecde.

Mika 1:6

KEBUNGO yofi dede, “Ifiac amma Ni Samaria memanganema seuc isoc heiemba waing heihomecac sobeng anude. Ni yengena hoc imocngoc kpakeba tumeau kememanu titiseria sasawa imoc didiu fingectegecma tarude.

Mika 2:2

Ngeni keracmangang amma ngic yeneac heikpenec nadung nga amagerecngina imoc engsac kucgoc wangecyunuma mingina angandae. Amma ngeni ikocfu kerereyunuma amabangecngina nga maridzomingngina hamangec mema tigec engande.

Mika 6:15

Amma semeng homecma fora mong mi megecde nga oliwa tidzohogecdeu kerehango ine uaya kpac anude. Ngeni waing gbomea tipusuckegecde ammanu dokuya monnec mong mi negecde.

Tsefanya 1:13

Amma dzofinacngina imoc hamangecmemengic yeneac anude nga amangina imoc kisi fingerude. Yeni amagerecngina gboria monggoc megecdeu sifu manau tacyac mi anggecde nga waing heihomec anggecdeu sifu waing dokuya mong mi nebesandae.

Haggai 1:6

Ngeni uau semeng homac homecandae amma fora efeanecsac meandae. Nga yaka neandae amma sifu mi gebecngunuande. Nga doku nemagec mi hetucngunuande amma wamba heiandae imocngo mi higereengunukecde. Nga dzoua mema dzo meandae imoc dzoamea titingagocfu barigec maande, ifi isoc angkecde.

Malecaki 1:4

“Yeni amabangecnina hembarackegec. Hembarackemagec neni amabaranina monggoc medzuacnide.” Edomngicngac yeni ifi degecdeu kurumenggac wasaiareng habuya habuya yeneac Kebungo yoac yofi dede, “Yeni amangina monggoc heigborigecdeu ni hembarackebadengoc.” Ifi ayemmeba yeneac yofi deyemmegecde, “Bangec imocac ngicngac yeneac fakangina mangacmanganea.” Amma monggoc “Kebuac herebungo bangec imocac mingina yenearu feeng kecbesande.”

Yakobo 2:6

Amma ngeni ine ngicngac makpekpea game meficgeyemmeandae. Nga ngic finactoanginagoc yenennoc memanganengunuma yoacfu faingunuandae. Nga ngeni yenisac eweheihei ayemmeandae, imoc mi ngereede. Makpekpea yeni faka ifia mong mi angemmeandae.