Amosi 4:13 - Deduamiti

¹³ Yennoc tiki deu fingecdacgec nga firang meficgeec amma yengena negen negengnga sufusufuya, imoc ngiha ngiha mekperagiyemmeande. Nga unung unung meragia imoc merennu kundung kpeande amma bangec buma buma sasawau kecdacande. Yeac kpara Kebu Anutu Kuctoa Mingina.

Amosi 4:13 ပူးပေါင်းရင်းမြစ်များ

Mitiyegec 135:7

Yennoc bangec tegiau hoeng uayoac yemmeu yacgecde. Nga yeng kia nga piratac meficyuruu heiandape nga firang tohongameaunac memau ngadeau mama fingecande.

Mitiyegec 139:2

Ni takecduae nga yacma nangkecduae, geng imoc sasawa negendacma hereaungoc tacma negen negenna hentegecdacnec.

Mitiyegec 147:18

Ye nomanggbomea yoac edeyunuu yeni sisingaima doku monggoc anggecde. Ye firang minginango firang sueu bangec fifiranggeu doku dzuamagoc hakecgecde.

Mitiyegec 65:6

Ge kucga heina kemeu kucgango tiki meficyunuma tatacnginau faiyununec.

Makekeng 10:22

Ifi deu Mose ye maria sawau sineu Aigitabangec kundungtoa kpema wenac uameme harebec ifi feu

Makekeng 14:20

Ifi amma Aigita yeneac wasaihabu nga isracel yeneac wasaihabu botucnginau kpae isoc amma nanec. Namma tofocnac hafoangoc hoengngo Isracel kperagi yemmekefec nga Aigita ine kundung meficgeyemmeu yeni Isracel mi mewegeneyunumagec ama wereckenec.

Danicel 2:28

Anu Anutu mong kurumenga kurumenga imohai kecde, yeng wiac sufu sufu dekperaginemmeande. Amma ngictau, yennoc ngadeguc noc faka fingecbesande imoc dekperagigenec. Yeng kpefinnu onga yofi negen negenggau faiu ge fefegau fema gaukpefing imoc hennec.

Danicel 2:30

Nga negen negentegec nearu fede imocngo ngicngac sasawa kecdae yeneac mi ferahade, kpac. Nga wiac sufu sufuya ni dekperaginendac imocac hania yofi, Ngictau, ge heregango negen negeng ua mekecde imoc negentegecnadeac gaukpefinggac hania ngictau ge dekperagigende.

Yoele 2:2

Kebuac naso imocngo kundung dzicnambac nga hoeng amma hoeng dzadzuac naso anude. Anu ipua yeneng wasai habu kunengngoc kuctoanginagoc tiki witiau Unung unungmeragiaac iroroyango sokoma maande, ifi isoc hagecde. Warac naso ifia mong mi fingerec nga dengec fingecsahe feenude, imohai mong mi fingecbesandengoc.

Amosi 3:13

Kebu Anutu Kuctoa Mingina ye Kebunoc, yeng yofi dekperagide, “Ngeni yoac yomoc negemma Yacakowac esamedac yenearu hania dekperagigec.

Amosi 5:27

Imocac amma ni Damasko ferahama tihereema witicuau faingunubade.” Imoc Kebu kpara Anutu Kuctoa Mingina, yeng ifi dede.

Amosi 5:8

Kebungo asomeng habuya habuya sasawa meficyunuec, ye hurubia merennu unung unungmeragia angande nga hadzing mekundungkpeu toforeande. Amma kondunggac doku kpacyunuma bangec kiwau kpakeyunuu sokoma fedae. Ye kpara Kebunoc.

Amosi 6:8

Kebu Kpembibiagoc ye yengenaoc yofi deseriemeec, Anutu Kuctoa Minginango dekperagide: “Ni Yacakowac esamedac yeneac sebiengengngina imoc ubango waduae amma amagereha seria imoc ngadeheyombonggeduae. Anu taongngina nga wiac sasawa imocac manau fede, imoc ngabafocngina yeneac mariu faidacbade.”

Amosi 8:9

Kebu Kpembibiagocngo yofi dede, “Naso imohaingoc, Ni deba wenac dzongiau wenackiwango kundung kpeude, nga wenacdzongiau amango kundung kpeude.

Amosi 9:6

ye euriring amea kurumennu mema titiseria imoc bangecfu faiude. Amma kondungdoku kparu hau bangec witiau kpakeande. Ye kpara Kebunoc.

Mika 1:3

Henggec! Kebu ye tataha hombonangaunac wama habesande; Ye mama bangec bumabuma witiau tima kembesande.

Dzekarya 12:1

Kebungo sawa mederema tiameec fede amma bangecac sering faiec nga ngic nenang hereu asu memengere amma faiec, yeng Isracel yeneac negemma profeteyoac yofi deu haec,

Mataio 9:4

Ifi negenggec Yesungo negen negengngina hemma yofi deec, “Ngeni ubanginau negen negeng mangana mi negensigec.

Yohane 2:25

Imoc yofiac, ye yengenaoc ngic yeneac ubaherenginau wiac sasawa fede, imoc negenecac ngic monggac haniaac ngic mong mi kpesimiec.

Yohane 3:8

Firangngo yengena songo modacma kpeu udumenga negengannec. Nga ye dahacnac hade amma dahai kenude, imoc ine mi negennec. Ngicngac Asuunac fingec fingera, yeni sasawango siricngina ifia.”