Amosi 4:11 - Deduamiti

¹¹ “Ni Sodom nga Gomora taong memanganeyuruai, ifi isoc ngenearunac goa ifingoc memanganeyunuyai. Ngeni gerec tofeasac isoc dzesibesonga ammagec kucgoc kpedzingunuba hemmaguc ngeneng nearu monggoc mi dzigenegec.” Kebungo ifi dekperagide.

Amosi 4:11 ပူးပေါင်းရင်းမြစ်များ

Amosi 4:6

“Ni taong sasawa imohai herehomehome meficgengemmeai nga taongnginasoc icsogonggac bodi meficgeai. Ifi angemmeba hemmaguc ngeneng nearu monggoc mi dzigenegec.” Kebungo ifi dekperagide.

Haggai 2:17

Anu neng deba maringinango nenesemeng uanginau homecgec nomanggbomea sueba imocngo memanganeec nga semenggac hafeia sueba maria dzeu hafoekefec. Anu ngeni sifu nearu mi dzigenegec.

Dzekarya 3:2

Nammanu Kebuac angerongo Satang yofi edeec, “Satang, Kebungo demeting anggembeso. Ye Yerusalaim meisinggeecac amma Yehosuacac yoac menannec ye geac yoac imoc wama metinggubeso dede. Yehosuac ye gerecac nenea ammanu gerecfunac memea.”

Roma 9:29

Nga Yesaiango kpefingyoac yofi bic deec, “Kebu Kuctoa Mingina, yeng bangecfocnina noboha goa mi onggongyunuu komoc kpebau debac Sodong nga Gomora yeni isoc ambing.” (Yes 1:9)

1 Korinti 3:15

Nga monggac uaya dzeude isoc wiaha tegecma kpac anude nga Anutungo yengena gerecfunac mesiu komoc kpeude.

2 Petoro 2:6

Anu Sodong nga Gomora taong, yeri desiyuruma memanganeyuruu hamangirasac feec. Nga ngicngac Anutuac sing kpema kecdae, yenearu kecma ifi isoc fingecbesandeac ongea edzacyunuma ifi anec.

Yuda 1:23

goa gerecfunac meicyunubisia. Nga yeni uba eseango wambangina meu wonong angande, yeneac ifingoc ubamangang negembisia. Ifi amma yeneac kopocsicac kengecngunuu uba eseaac wambangina wonongagoc ngadehebisia.

Yuda 1:7

Yeneng warac Sodong nga Gomora ngicngac amma guruama yereac wegenacfu tackenec, yeneng faka angandae, ifi isoc anggec. Yeni kaisero amma sebinginaac songo sicsauc modacgec. Sodong nga Gomora ngicngac, yeni gerecfu yonohoec, yeneng gerec wisic wisickea kpac imocac ongea andae amma ihai yaguc kecma kopocsicnginaac turung mekecdaengoc.

Yohaneac kpefing 9:20

Anu ngicngac tosea kpendzeng 6 yomocngo mi yunuhomeec, yeneng ine ubangina mi dzigenegec. Amma yeni asu mangana nga nemuonga gol silwa kopa nga hoc amma icngo memea numuyemmegecdeac faka mi wagec nga nemuonga maringinango memea, imoc mi ngadehegec. Nemuonga ifia yeneng wiac mong mi henggecde nga kedzacnginango mong mi negenggecde amma haningnginango naric mi tikenggecde.