Amosi 2:7 - Deduamiti

⁷ Ammanu kpedaha kecdae yeni sendunnu tipetangyunuma ngic kucmamaya yeneac yoacngina foraya dedeac busickpekecgec. Nga mangmedac yerahafocngo ngacnaroang mocgu yearungoc kengandape, ifi amma kpetiac kpacna ohoandae.

Amosi 2:7 ပူးပေါင်းရင်းမြစ်များ

Amosi 4:1

Ngac Samaria tikiu kecdae, ngeni Basanggac burumaka gbofong isoc ngeni kedzac kpema negenggec, ngac ngeni makpekpea nga kpe-kpedadanga meenti memati ayemmema ebic kuneng witinginau faima ewefocngina yeneac yofi deandae, “Dokuseria mehagec neni!”

Amosi 5:11

Anu ngeni makpekpea meentimemati ayemmema hodzinnu wit nga baliac takesi neterema meandae. Ifiac amma ngeni hocngo amagerecngina kuneng kuneng megec, imohai tacyac mi anggecde nga waing homecgec urubeacbeac feec, imohacnac waing foraac dokuya mi negecde.

Amosi 5:12

Nga singyoac kpena dafiguc anec, imoc ni negenduae amma kopocsic ebiria dafiguc meficgenec imoc negendacduae. Ifiac amma ngeni hania kpacfu ngic dindingac faka mangana ayemmeandae amma ngeni ngic mangana wayunugec yeneng hiedzo ngemmema kererengunuandae. Anu desidesingic ngeneng makpekpea yeneac yoac gombunga mi desigec yoacfu makpeandae.

Amosi 8:4

Damoc ngeni makpekpea tipetangyunuandae nga bangecnginau kpekpedadanga meenti memati ayemmeandae, ngeni yomoc negenggec.

Mika 2:2

Ngeni keracmangang amma ngic yeneac heikpenec nadung nga amagerecngina imoc engsac kucgoc wangecyunuma mingina angandae. Amma ngeni ikocfu kerereyunuma amabangecngina nga maridzomingngina hamangec mema tigec engande.

Mika 2:9

Ngeni ngicngacfocna yenearunac ngachotsec songo amanginaunac meicyunuandae. Amma ngeni ngachotsec yeneac nambaracfocngina yeneac kenecngina yemmeai, imoc wangecyunuandae.”

Tsefanya 3:3

Enarafocngina yeni laionyangngo yakaac homema arohoandae ifi isoc nga katekasi yeneng tofocnac yang kpema tusuc nedacgec asoac yacma henna kpac anude, desi desingicfocngina yeni katekasi yeneac faka imocnoc modacandae.

Roma 2:24

Mitikibiu yoac yofi oho ohoya fede, “Ngeni ifi angkecdaeac amma bangec monnunac ngicngac, yeneac botucfu Anutuac kpac denggbaringgegecde.” (Yes 52:5; Edz 36:22)

1 Korinti 5:1

Ngenearu kaiserofaka fede, yoac ifi degec negening. Kaiserofaka mong bangec monnunac ngicngac Anutu mi negemmidae, yeneac botucfu mi feande, imocnoc ngeneac botucfu fede. Imoc ngic mongngo mamaac enemagoc feyac angandape.