Amosi 2:4 - Deduamiti

⁴ Kebungo mongoc yofi dede; “Yehuda yeni kopocsic homac meficgema, esangabofocngina yeneac kebuikohaac sing segesega modacgec. Amma yeni Neac singyoacna kpema dedeserina mi modacgec, imocac mi onggongyunubade.

Amosi 2:4 ပူးပေါင်းရင်းမြစ်များ

Nehemia 1:7

Neni geac kicfu faka mangana yombong aning. Amma dederecgeyoacga nga nonoyoacga amma dedeseri yoacga uangicga Mosearu fainec, imoc mi modaring.

Nehemia 9:26

Anu yeneng ine ifi ammaguc yoacga kpema ngadegugec nga singyoacga uba ngadenginau faiandae. Amma faka wonongagoc eweheiheiya kpahac amma Profetefocga yeneng ubangina dzigeneudeac goroyoac edeyunugec, yeneng imoc kpebucyunudacgec.

Amosi 1:3

Kebungo yofi dede, “Damasko taonggac ngicngac yeni kopocsic faka naso homac meficgegec. Yeni Gilecadac bangec nobohaac ngicngac witinginau aiengenaragocngo tidzodzonggegecac amma mi onggongyunuubade.

Amosi 3:2

“Nga bangecfu ngicngac sasawa kecdae, yenearunac ngenisac meisingngunuyai, ifiac amma kopocsicngina sasawa imocac turunga ngunumengere angemmebade.”

Mika 6:12

Nga ngicngac dzo finactoanginagoc yeneng mangana homac meficgeandae amma ngicngac gegoc neemenec angandae yeneac ngedzarangnginango ine faitobang yoac homac deandae.

Roma 1:25

Anutungo wiac sasawa deu fingerec, yearu dedengerec nga dedengerec fekengkecbeso, imoc fora. Nga yeni ine Anutuac yoac fora wama ikocyoac hoanggegecde. Nga ye wiac sasawa deu fingerec, yeac eweheihei faka wama yeac bageu monggoc mi kecandae. Yeng deu wiac fingerec, yeni imoc afehema imocac kingang kpeandae.

1 Tesaronike 4:8

Imocac amma yofi ande, ngenearunac mongngo yoac yomoc kpema ngadeheude, ye ngic yoac mi ngadehede, ye ine Anutu kpetiac Asu ngemmeec, yengena yoac kpeude.

1 Petoro 1:18

Ngeni warac bangecfocngina yeneac sicsauc fakau kecmagec Anutungo bungngina mema meisingunuec, imoc silwa me golngo kpac nocac silwa nga gol imoc kpac anecde.