2 Yohane 1:8 - Deduamiti

⁸ Ngeni imocac burengina gombunga meemebisia. Wiac megecdeac uatoa meing, imocngo wangunubacac garengemekecma bungngina hafoangoc mebisia.

Yoak kekehagocac Dzadzahac gboria nga Mitiyegec

⁸ Ngeni imocac burengina gombunga meemebisia. Wiac megecdeac uatoa meing, imocngo wangunubacac garengemekecma bungngina hafoangoc mebisia.

2 Yohane 1:8 ပူးပေါင်းရင်းမြစ်များ

Danicel 12:3

Anu negen negengngina irec ireckea yeni sawaac kperagia isoc kperagiagoc anggecde. Nga goa yeni ngicngac homac dindingackekecac sinnu faiyunugec, imoc yeni asomeng isoc kperaginginagoc amma nasoya nasoya feengkecgecde. Yoac imoc fora.

Mataio 24:4

Ifi degec Yesungo meremma yofi deec, “Ngic mongngo ikocfu wangecngunubacac ngeni henghomema kecbisia.

Mareko 13:23

Faka sasawa imoc mi fingecmanu imoc bic edengunuduae. Ngeni imocac negemma henghomebisia.

Mareko 13:9

Imocac ngeni ngenaocngoc garengemema kecbisia. Ngic yeni yoacfu faingunugecde amma kpekpeturang amau dzikacngo ngunugecde. Amma yeni neac amma ngictau nga gawana yenearu yoacfu faingunugec ngeneng ihai namma ni dekperaginubisia.

Ruka 19:19

Ifi deu ngictaungo edeec, ‘Ge taong 5 imocac gareng faiguduae.’

Ruka 21:8

Ifi degec Yesungo deec, “Ngic yeneng ikocfu wangecngunubauac ngeni henghomema kecbisia. Ngic homac yeneng hama neac kpac kpacma yofi degecde, ‘Ni Messia.’ nga ‘Naso bic hadac.’ ifi degec ngeni mi modacyunubisia, kpac.

Yohane 4:36

Ifi anu heihomec nga kpememengic yeri yerahafoc ubangerec negenecdeac kpememengicngo uayaac bung mema kekecseriac fora ifingoc mekpedzuc anude.

1 Korinti 15:8

Nga wisic wisickeau fingecnenec. Nenggac mongngo sabaha kebangsac meude, ni ifi isoc amba yeng sifu fingecnenec.

1 Korinti 3:14

Ngic mongngo ama meu gerecngo uaya tobanggeu seria nanudeu ye imocac ua bung meude.

1 Korinti 3:8

Amma ngic wiac homecande nga ngic doku witiau kpakeande, yeri uangiraac hania mocgu ande. Ngade kecma yeri tembuc tembuc uangiraacsoc bung meecde.

Garata 3:4

Ngeni warac Yesuac amma kpendzengtoa kpegec. Nga yaguc ine imocac fora engsac wadae.

Garata 4:11

Nga uatoa ngenearu meai, imocngo fora kpac ambacac amma negengyohoc anduae.

Firipi 3:16

Nga sing mocgu modacma haing, sing imocngoc modacma kembisina.

Hebiraio 10:32

Ngeni hanahema Kebuac kperagia megec, naso imohai siduc gombunggac amma uatoa mema kpendzeng kpegec, imoc negensigec febeso.

Hebiraio 10:35

Imocac ngeni kengeha kpac kecbisia. Kecma faka imocac buma kuneng meficgegecde.

Hebiraio 12:15

Ngenearunac mongngo Anutuac wosoefacfunac mangunubacac henghomema kecbisia. Nga botucnginaunac wiac herebu nga ubaebic imocngo sera mi kpebeso. Imocngo sera kpema ebic meficgengemmeu wosohodung isoc homac memanganengunuude.

Yohaneac kpefing 3:11

‘Ni bic habade, imocac geng ira mekecnec, imoc ngic mongngo mi meudeac angammemega garenggema seria mekecbesena.