2 Tesaronike 3:3 - Deduamiti

³ Nga Kebungo yoacdedea modacma meseringunuu mangana minginango mi memanganengunuudeac kasongina kpeude.

Yoak kekehagocac Dzadzahac gboria nga Mitiyegec

³ Nga Kebungo yoacdedea modacma meseringunuu mangana minginango mi memanganengunuudeac kasongina kpeude.

2 Tesaronike 3:3 ပူးပေါင်းရင်းမြစ်များ

Fingec fingec 48:16

Kebuac angerongo ebic sasawa imohacnac mesinudarec yeng medac yohockang yomoc kenecyuruu neac kpacngo yerearu fingecma febeso. Amma mangesahocna Awraham nga Itsak yereac kpacngira yerearu ifingoc fingecbeso. Nga medac yeri bangectoa bangecfu fingecsahe amma seregurutoa ambesera.”

Mitiyegec 121:7

Kebungo onggongguu yarefaka hania hania fede, imocngo naric mi memaguude. Kebu ye kekecga onggonggeude.

Mitiyegec 19:13

Ni, kingang ngicgango kopocsicfaka goa yofi negemma mekecbai, “Faka imoc songea andeac angkecbadenoc.” Ni ifi amba geng sinna hedzickena kopocsicngo mi garennubeso. Ge ifi anna ni kopocsic mong mi meficgebade nga singyoac kpema faka mangana mi ambade.

Mataio 5:37

Ngeni yoacngina sasawa yofisac debisia, ‘Fora imoc fora nga kpac imoc kpac. Yoacngina yomoc ferahema torokpema degecde, imoc mangana mingina yearunac hade.’

Mataio 6:13

Ge faitobannu mi fainununa nga manganaunac mesinunubesena.’

Ruka 11:4

Kopocsicnina wanemmena. Neni ifingoc ngic yeneac kopocsicnginaac turung kpoukpouac wayemmekecdimbe. Faitobannu mi fainunubesena.’ ”

Yohane 17:15

Ge bangecfunac meicyununadeac mi numugenduae, kpac. Manganaac minginango memayunubacac geng kaso ayemmebesena, imoc numugenduae.

1 Korinti 1:9

Anutungo Medaha Kebunina Yesu Kristogoc momoc torokpegecdeac kpacngunuec amma yeng yoacdedea modarude.

1 Korinti 10:13

Anu faitobang ngicngac goa yenearu fingecgec, siriha ifia ngenearu ifingoc fingecngemmeude. Nga Anutungo yoac dema imoc modarude. Faitobang fingecngemmeu ngeni ebic imoc tofohoma kecgecde. Nga imocngo kucngina mi feraheudeac faitobang ebiria kpae heimiude. Faitobang hangemmeu yeng imohacnac woragecdeac sing meficgengemmeu faitobangngo kucngina mi memaudeac garengngunuude.

1 Tesaronike 5:24

Anutu heitaingunuec, ye yoacdedea modacma uaya mekecma mesiude.

2 Timoteo 4:18

Ngic yeni ebic hania hania anembesonga negendae nga Kebungo imohacnac ifingoc mesinuu komoc kpeba kurumeng eucererengau fainubesande. Yearu dedengerec nga dedengerec fekengkecbeso, imoc fora.

1 Petoro 5:10

Anutu danggunuc mingina, yeac kuc kibikperagiango fefeseri fede nga yeng ngeni ihai Yesu Kristogoc kecgecdeac kpacngunuec. Nga ngeni kpendzennu naso wegenanec kecekemmagec, yengenaoc mengerengunuma nonggo tacngemmeu seria nanggecde.

2 Petoro 2:9

Ngeni imoc hemma Kebuac sing yofi negenggecde, ngicngac Anutu eweheimima yeac enac tofohoandae, yeneac faitobang fingecyemmeu Kebungo imohacnac onggongyunuudeac kuha fede. Nga fakangina manganagoc kecandae, yeni ine witicamau faiyunuu tacmagec yoacfu faiyunuudeac nasoya habesande.

Yuda 1:24

Anutu yengenaoc garengngunuudeac kuc femide, imocac ngeni naric mi mangunuude. Yeng ngeni hesicngunuma yengena kuc nga kibikperagiaac kicfu faingunuu ngeni kopocsicngina kpac sogac sogaigoc imohai nanggecde.