1 Yohane 5:7 - Deduamiti

⁷ Wiac harebec yeneng Yesuac hepuc amma ye dekperagikecdae.

Yoak kekehagocac Dzadzahac gboria nga Mitiyegec

⁷ Wiac harebec yeneng Yesuac hepuc amma ye dekperagikecdae.

1 Yohane 5:7 ပူးပေါင်းရင်းမြစ်များ

Mitiyegec 33:6

Kebungo yoac dema kurumenga kurumenga meficyunuec. Ye enacasuyango wenac nga afo amma asomeng habutoanginagoc meficyunuec.

Mataio 17:5

Anu Petorongo ifi denammanungoc hoeng mong kperagiagocngo mama semeyunumanu hoeng manaunac yoacudumeng mong yofi kpacma deec, “Yomoc neac Songomedacna, ye hensongo ammiduae. Ngeni yeac yoac negembisia.”

Mataio 18:16

Nga ye yoacga mi negenudeu geng ine ngic mocgu me yohockang meyuruna ngenahafoc ebic imoc mengeregecdeac tacbisia. Ifi amma ngic yohockang me harebec dede sasawa demeseri ambisia.

Mataio 28:19

Imocac ngeni kemma ngicngacareng sasawa neac sing negemma yoac modac modacareng anggec ngeneng meyunuma yenenggareng ayemmebisia. Amma ngeneng Manggac nga Medac amma Tiri Asu yeac kpacfu doku nadzicyemmebisia.

Yohane 1:1

Hanac hanaheaunacngoc enacyoacngo kefec nga enacyoac ye Anutugoc kefec amma enacyoac ye Anutu.

Yohane 10:30

Ni nga Manggac neri mocgu.”

Yohane 12:28

Manggac, ge kpacga mekperagina.” Ifi demanu kurumennunac udumeng mong yofi fingerec, “Ni kpacna bic mekperagiai amma monggoc mekperagibade.”

Yohane 14:17

Amma ye yoac foraac Asu. Nga bangecfunac ngicngac yeni ye naric mi megecde. Yeni ye mi hengandae nga ye mi negemmigecde. Nga ngeneng ye negemmidae, ye ngeneac botucfu amma herenginaunoc kefude.

Yohane 15:26

Memeficngina haude, ye Manggacarunac suengemmeba haude amma yennoc yoac foraac Asu nga yeng hama ni dekperaginuude.

Yohane 5:26

Manggac yengenaaru kekec fede, siriha imocngoc yeng kekec Medac miu Medacaru ifingoc kekec fede.

Yohane 8:18

Imocac amma neannaocngoc dekperagiemeba Manna suenuec, yeng ifingoc hepucna amma dekperaginuude.”

Yohane 8:54

Ifi degec Yesungo yofi edeyunuec, “Ni neannaoc dengereemebadeu imocngo fora mi ambac. Nga Manna ngeneac Anutungina kecde, yeac ifi deandae, yeng eweheihei anende.

Aposoro 2:33

Ye yacma dzigene enu Anutu marifoiango seseheec. Nga Mamango warac Tiri Asu miudeac deec, ye imoc mema kpakeu maec, imoc yagucnoc hennegeng andae.

Aposoro 5:32

Anutungo Tiri Asu enac tofoc tofohofora yemmeande. Nga Tiri Asu nga neni Yesuac siduc imoc nenahafoc dekperagidimbe.”

2 Korinti 13:14

Kebunina Yesu Kristoac danggunuc nga Anutuac heresongogoc hoangemekekec amma Tiri Asugoc ureckekec, imocngo ngicngac sasawa ngenearu fekecbeso.

1 Yohane 1:1

Bicngoc bicngoc yombong hanac hanaheaunacngoc kefec, neni ye kedzacninango negemma kicninango siriha nga fakaya hemma marininango kpesereing. Kekecac Yoac, ngic yenoc dekperagidimbe.

1 Yohane 5:6

Yesu Kristongo dokuu nga sacfu haec. Ye dokuusac mi haec, kpac. Ye dokuu nga sacfu momocngoc haec. Amma Asu ye yoac foraac Asu, imocac amma yeng Yesuac hepuc amma ye dekperagiude.

1 Yohane 5:8

Imoc Asu nga doku amma sac, yeni uba mocgu amma yeac hepuc angkecdae.

Yohaneac kpefing 19:13

Nga ye wamba mong sacfu nemuc nemuruckea heiec. Ngic yeac kpara imoc Anutuac yoac.