1 Yohane 5:16 - Deduamiti

¹⁶ Ngic mongngo kopocsic mong homecac sinnu mi kende, ifia meficgeu tosoyango imoc hemma yeac numuudeu Anutungo kopocsicmeme ye kekec miude. Nga kopocsic goango homecfu kengkenggac sinnu fede, kopocsic ifiaac numugecdeac ine mi deduae.

Yoak kekehagocac Dzadzahac gboria nga Mitiyegec

¹⁶ Ngic mongngo kopocsic mong homecac sinnu mi kende, ifia meficgeu tosoyango imoc hemma yeac numuudeu Anutungo kopocsicmeme ye kekec miude. Nga kopocsic goango homecfu kengkenggac sinnu fede, kopocsic ifiaac numugecdeac ine mi deduae.

1 Yohane 5:16 ပူးပေါင်းရင်းမြစ်များ

Fingec fingec 20:17

Kebungo Awraham enema Saraac amma Awimelecac enema nga ameau ngac kecdacgec yeni momoc sasawa kufing andacgecdeac negengyemmeec. Ifi anggec Awraham ye numumiu Anutungo Awimelecac enema nga wanacngacfora yeni monggoc kogoc megecdeac mengereyunuec.

Fingec fingec 20:7

Awraham ye neac profete imocac amma ge yeac enema meremmibesena. Anu ge kecnadeac yeng geac numubeso. Anu negennec, ge enema mi meremminadeu ine ge nga wiacfocga ngeni sasawa homedacgede.”

Mitiyegec 106:23

Yeneng ifi anggec yeng kpetotieyunuudeac deu Mose meising ngihango Anutuac kicfu namma yeac herebu menomaneec. Ye ifi mi nambac dede Anutungo kpetotieyunuu kpac ambau.

Makekeng 34:9

yofi deec, “O Kebu ge neac negenna ngereeudeu nenigoc botucninau kengkecbesena. Neni ngicngac ubaseri nga fakanina dindingac kpac. Anu geng sifu kopocsicnina wama geangga ngicngac annideac menununa.”

Bangec kisiu 12:13

Ifi deu Mose ye Kebu kpacma yofi dema numumiec, “O Anutu, ge naric ye mengerenadeac numugenduae.”

Bangec kisiu 15:30

Nga mongngo memanganeyunuudeac faka arenggema imoc meude, ye Kebu emmima kopocsic meficgeude. Ngic ifia Isracel ngenang bangecfu fingecgec me kuric hama kecdae, ngic imoc ngicngacareng botucnginaunac meicyunudacbeso.

Ruka 12:10

Ngic mong ye Ngicac Medac emmiude, yeac kopocsic wamigecde nga mongngo Tiri Asu denggbaringgema emmiude, imocac kopocsic wawaya ine mi fede.

Yohane 17:9

Imocac yeneac numugenduae. Bangectoa bangec yomocac ngicngac yeneac mi numuduae, kpac. Ni geng ngicngac nennec, yeneac amma numugenduae nocac yeni geac ngicngacareng

2 Timoteo 4:14

Aieng gerecfu oho ohongic Aresande, yeng ebic homac meficgenenec. Nga Kebungo angammemeaac turunga kpoumiude.

1 Yohane 5:17

Mangana sasawa imoc kopocsic nga kopocsic goa imocngo ngic homecfu mi faiyunuude.