1 Yohane 3:4 - Deduamiti

⁴ Anu kopocsicngo dedeseri kpekpefaka andeac amma ngicngac kopocsic meficgeandae, yeni dedeseriyoac kpegecde.

Yoak kekehagocac Dzadzahac gboria nga Mitiyegec

⁴ Anu kopocsicngo dedeseri kpekpefaka andeac amma ngicngac kopocsic meficgeandae, yeni dedeseriyoac kpegecde.

1 Yohane 3:4 ပူးပေါင်းရင်းမြစ်များ

Danicel 9:11

Isracel sasawa neni geac singyoac ferahema imoc wama monnu kening. Neni geac ubaudumenggac kedzac mi kpema kopocsic meficgeinggac amma enactofoc tofohongicga Mosengo sowecyoac deserima dedeseri kibiu ohoec, imocngo witininau hetinggegec enec.

Bangec kisiu 15:31

Ye Kebuac yoac ngadehema dederecgeyoara kpeecac amma ye botucnginaunac meickebeso. Ye godzufaka ayemmeecac turunga imocac ebiha yeac witiau feude.’ ”

Mataio 5:19

Imocac amma yofi ande, mong ye dedeseriyoac yomohacnac wiac kapiabisic mong meickeude amma ogofora ifingoc anggecdeac kpouyemmeude, yennoc kurumenggac areng yenearunac ngic mamea yombong demigecde. Nga ngic mong ye dedeseriyoac tofohoma ogofora modacgecdeac kpouyemmeude, ye kurumennu ngicngac yeneac engena demigecde.

Aposoro 23:3

Ifi deu Paurongo yofi edeec, “Anutungo guude, ge katapa mangana gbakingo oho ohoya, ifia manau bic dzame dzamea. Ge dedeseriyoacac modacma yoacna isinggema desinnunadeac ua mebesena. Nga imoc wama nugecdeac serima denec, ifi amma dedeseriyoac fede, imoc ferahanec.”

Roma 3:20

Ngic mong ye dedeseriyoac modackecma Anutuaru haude, ye Anutungo yofi naric mi demiude, “Ngic imoc ye dindingac.” Dedeseriyoac imoc ine kopocsicnina dekperaginemmeu negennide.

Roma 4:15

Dedeseriyoacngo kopocsicac turunga heficgeude nga dedeseriyoac mong mi feudeu dedeseriyoac ifingoc mi kpebau.

2 Korinti 12:21

Nga haba ngicngac homac ngenearunac kopocsic meficgema faka wonongagoc nga serofaka mekecma sicsauc kekec mong mi wagec, imoc hemma kiac ubamangang amba Anutungo ngeneac kicfu memanubacac kengecnude.

Yakobo 5:15

Ifi anggec nunumu negen negensinggoc, imocngo hafeigoc yearu ngerec ngeree fingecmiude nga Kebungo meficgema miaru yarude. Nga kopocsihagoc andeu Kebungo kopocsiha wau kpac andarude.

1 Yohane 5:17

Mangana sasawa imoc kopocsic nga kopocsic goa imocngo ngic homecfu mi faiyunuude.