1 Yohane 3:2 - Deduamiti

² Songo tosofocna, nenang yaguc Anutuac nambaracfora kecdimbe. Kecma dafi annide, imocac mi dekperaginemmeu negendimbe. Kecma yeng fingectegeru yengenangoc hennide imocac yeac siric isoc amma yengena onga ambesandimbe, imoc ine negendimbe.

Yoak kekehagocac Dzadzahac gboria nga Mitiyegec

² Songo tosofocna, nenang yaguc Anutuac nambaracfora kecdimbe. Kecma dafi ambesandimbe, imocac mi dekperaginemmeu negendimbe. Kecma yeng fingectegeru yengenangoc hennide imocac yeac siric isoc amma yengena onga annide, imoc ine negendimbe.

1 Yohane 3:2 ပူးပေါင်းရင်းမြစ်များ

Mitiyegec 16:11

Geng kekecac sing kpounennec. Geac kicfu sogac sogai hafoangoc fede nga marifoigau ubangerec feengkecbesande.

Mitiyegec 17:15

Anu ni dindingac kecma kicmesuga hembade nga gauunac gborima geac kicsiric hemba gunucnude.

Mitiyegec 31:19

Ngicngac ge eweheihei anggendae, yeni gombungagango garengyunuannec. Nga ngicngac neneng geac hoannu hama sufuni geng ngicngac sasawa yeneac kicfu gombunggango meficnununade, fakaga gombunga imoc homac yombong.

Malecaki 3:2

Yeac sike sikenasou mongngo naric mi serima kecbesande nga yeng fingectegeru mongngo naric mi serima nambesande. Nocac yeac siriha imoc gerecngo silwa dzeu seuha isinggema meickeandae ifi isoc ande nga saifengo wamba dzuacgec kongac kpeande ye fakaya ifia mebesande.

Mataio 5:8

Ngicngac ubangina kongaha kecandae, yeni kenecnginagoc, yeni Anutu henggecde.

Ruka 17:30

Nga Ngicac Medac fingectegerudeac nasoyau faka ifia isoc fingecbesande.

Ruka 20:36

Yeni homecfunac yacyac, imocac kisic anggecde. Amma yeni Anutuac nambaracfora kecma angero isoc anggecdeac yeni monggoc naric mi homegecde.

Yohane 1:12

Nga ngicngac ama heimima kpara negensinggegec, yeni Anutuac nambaracfora anggecdeac deyemmeec.

Yohane 11:52

Ye yeneacsac homeudeac mi maec. Ye Anutuac nambaracfora sinsararang kpegec kecdae, yeni kpedzucyunuu areng mocgu anggecdeac ifi deec.

Yohane 17:24

Manggac, bangec nga kurumeng mi fingecmaec ge bic heresongogoc hoannuma kuc nga kibikperagi nennec. Nga ngicngacfocna nennec, yeni neac kuc kibikperagiagoc imoc henggecdeac neng kecbade, imohaingoc nenahafoc kecbesandimbeac anende.

Roma 8:16

Nenang Anutuac nambaracfora kecdimbe, yoac imocnoc Anutuac Asu yengenaoc hepuc amma ongaasuninau faiu dekecdimbe.

Roma 8:18

Imoc yofi negensiduae, kuc kibikperagiagoc ngadeu nenannu fingectegecbesande, imoc wiac engena yombong nga yofinenggac ebic fingecnemmekecde, imoc wiac mamea.

Roma 8:19

Anutungo deu wiac fingecdarec imoc sasawango Anutuac medacfora didiu fingectegecgecdeac mamangkima yeneac tomai kecdae.

Roma 8:29

Imoc yofiac, Anutungo ngicngac bic negengyunuec, yeni meisingyunuu yadiseri amma yengena Medaha isoc anggecdeac desiyunuec. Medahango munafora homac yeneac waracdacngina anudeac ifi arenggeec.

1 Korinti 13:12

Anu yofinenggac wiac hengandimbe, imoc wikinnu onga irec ireckea kpac, ifisac wiac hengkecdimbe. Ngade kecma wiac fora kicngo hennide. Yofinenggac wiac noboha negengandimbe. Anutungo hafoangoc negennenec, ni ifi isoc naso imohai wiac hafoangoc negendacbade.

1 Korinti 15:49

Nenang bangecngic yeac siric meing, ifi isocngoc kurumenggac ngic yeac siric mema kecbesandimbe.

1 Korinti 2:9

Imocac yofi oho ohoya fede, “Anutungo wiac kicngo mi hehena nga kedzacngo mi negen negena amma ngic hereau mi negen negenga, imoc arenggema ngicngac ye hoanggema heregoc yeac songo negenggecde, wiac imoc yeni yemmeude.”

2 Korinti 3:18

Nga nenang sasawa kicmesunina kperaha kpac kecni Kebuac kuc kibikperagingo kicninau wiking isoc heimerenu yeac onga annide. Amma yeac kperagingo kekecninau yadima saheude. Kebu ye Asu amma Asungo uaya meu faka imoc fingerude.

2 Korinti 4:17

Anu ebic nga kpendzeng kpeandimbe, imoc naso wegenanecsac feude, imocngo wiac kuneng mi ande. Imocngo ine sinnina meu kekecseriac kuc nga kibikperagia engenatoa menide.

Garata 3:26

Ngeni sasawango negen negensinnu Yesu Kristogoc kpeketahema kecma Anutuac medacfora andae.

Garata 4:6

Ngeni nambaracfora andae, imocac amma Anutungo Medahaac Asu sueu hereninau kecma yofi kiackecde, “Manggac, neac Manna.”

Firipi 3:21

Ye wiac sasawa yengena bageu faiudeac kuc femide. Amma yeac kuc imocngo bangecsebinina makpekpea heimerenu yengena sebi isoc kuc nga kibikperagiagoc anude.

Kolosai 3:4

Kristo ye kekecnginaac hania. Yeng fingectegeru, naso imohai ngeneng yegoc yeac kuc nga kibikperagiau ngenahafoc fingectegecgecde.

Hebiraio 9:28

Ifi isocngoc Kristongo naso mocgusac ngicngac sasawa nenanggac kopocsic tofohodarudeac amma sesenina anec. Amma ngade haude, imohai kopocsic tofohoudeac mi haude. Naso imohai Kristongo ngicngac yeac tomai kecdae, yenearu fingecma mengereyunuu komoc kpegecde.

2 Petoro 1:4

Bangecac songo imocngo faka dzonggo dzonggoya meficgeude. Nga ngeni Anutuac kekecfu torokpema bangecac songo imoc wagecdeac Anutungo Kristoac kuc nga kibikperagia manau yoac dedzege engena angemmeec.

1 Yohane 2:28

Nambaracfocna negenggec, Kebungo fingectegeru neni hahanasoyau yeac kicfu gamea kpac serima nambesandimbeac ngeni yeac heremanau kecbisia.

1 Yohane 2:7

Songo tosofocna, ni singyoac gboria mong mi ohongemmeduae, kpac. Ngeni yoac esea warac hanac hanaheaunacngoc negemma mekecgec, imocngoc monggoc ohongemmeduae. Ngeni yoac warac negenggec, imocngo singyoac esea ande.

1 Yohane 3:1

Negenggec, Manggac ye nenanggac noc isoc ammiecac songogoc hoannunuma yengena nambaracfora denecdenemmea. Nga nenannoc nambaracfora kecdimbe. Anu bangectoa bangecac ngicngac yeni Manggac mi negemmidaeac nenang ifingoc mi negennunugecde.

1 Yohane 3:10

Anu ngicngac faka dindingac mi mekecdae me tosofocngina heregoc yeneac songo mi negengandae, yeni sasawa Anutuarunac kpac. Imohainoc Anutuac nambarac damoc nga mangana minginaac nambarac damoc, imoc fingectegerude.

1 Yohane 3:21

Songo tosofocna, ubahereninango yoacfu mi fainunuudeu Anutugoc seria kecnide.

1 Yohane 5:1

Yesungo ebicfunac mesinunuudeac maec, ngicngac ifi negensinggedae, yeneng Anutuarunac fingecgec. Nga ngicngac Manggacac songo heregoc negendae, yeni Medacyombonga yeac songo ifingoc negenggecde.

Yohaneac kpefing 2:28

Amma ni asoacac asomeng ifingoc mibesandua.

Yohaneac kpefing 22:4

Yeni yeac kicmesuya henggecde nga yeac kpara mesunginau oho ohoya feude.