1 Yohane 2:7 - Deduamiti

⁷ Songo tosofocna, ni singyoac gboria mong mi ohongemmeduae, kpac. Ngeni yoac esea warac hanac hanaheaunacngoc negemma mekecgec, imocngoc monggoc ohongemmeduae. Ngeni yoac warac negenggec, imocngo singyoac esea ande.

Yoak kekehagocac Dzadzahac gboria nga Mitiyegec

⁷ Songo tosofocna, ni singyoac gboria mong mi ohongemmeduae, kpac. Ngeni yoac esea warac hanac hanaheaunacngoc negemma mekecgec, imocngoc monggoc ohongemmeduae. Ngeni yoac warac negenggec, imocngo singyoac esea ande.

1 Yohane 2:7 ပူးပေါင်းရင်းမြစ်များ

Mataio 5:43

Yoac mong yofi fede, ngeni imoc warac bic negenggec, ‘Ngicngac gegoc wegenac kecdae, yeni heresongogoc hoangyunubesena amma ge ngabafocga ngadeyunubesena.’

Yohane 13:34

Singyoac gboria mong ngemmeduae, ngeni ngenaocngoc heresongogoc hoangemebisia. Neng ngeni heresongogoc hoangngunukecduae, ngeni ifi isoc ngenaocngoc heregoc tembuc tembuc songogoc hoangemebisia.

Aposoro 17:19

Ifi dema sobengtoa mong kpara Areopage ihai hesicke emma degec, “Ge yoac furia denec, imoc naric edenunubesena.

Hebiraio 6:9

Songo tosofocnina, ngeni ngicngac ifia kpac amma ngeneng komoc kpegecdeac areng, ifinoc negensima kecdimbe. Ifi negensima sifu goroyoacngina dedimbe.

1 Yohane 2:24

Ngeni yoac hanahema negenggec, imocngo ngeneac hereu fekecbeso. Ngeni ifi anggecdeu Medac nga Manggac yereac heremanau kecgecde.

1 Yohane 3:11

Ngeni hanac hanaheaunacngoc dedekperagi yofi negenggec, nenang songogoc hoangemebisina.

1 Yohane 3:2

Songo tosofocna, nenang yaguc Anutuac nambaracfora kecdimbe. Kecma dafi annide, imocac mi dekperaginemmeu negendimbe. Kecma yeng fingectegeru yengenangoc hennide imocac yeac siric isoc amma yengena onga ambesandimbe, imoc ine negendimbe.

1 Yohane 3:21

Songo tosofocna, ubahereninango yoacfu mi fainunuudeu Anutugoc seria kecnide.

1 Yohane 3:23

Nenang Medaha Yesu Kristoac kpac negensinggema yeng edenunuec, ifi isoc heresongogoc hoangemebisina. Yeng singyoac imocnoc nemmeec.

1 Yohane 4:1

Songo tosofocna, profete ikoha homacngo bangectoa bangec yomohai kemma kecdaeac amma ngeni asu sasawa mi negensingyunubisia. Ngeni hengising amma asu imoc Anutuarunac me kpac, imocac hentegecbisia.

1 Yohane 4:11

Songo tosofocna, Anutungo heresongogoc ifi hoannunuecac nenang ifingoc heresongogoc hoangemebisina.

1 Yohane 4:21

Kebungo singyoac yofi nemmeec, ngic mong Anutuac songo negende, yeng ifingoc tosoya heresongogoc hoanggebeso.

1 Yohane 4:7

Songo tosofocna, nenang heresongogoc hoangemebisina. Heresongogoc hoangeme kekec, imoc Anutuarunac, imocac heresongogoc hoangemema kecbisina. Nga ngicngac ogofocngina heresongogoc hoangyunuandae, yeneng Anutuarunac fingecgec amma yeni Anutu negemmidae.