1 Yohane 2:3 - Deduamiti

³ Anu nenang Anutuac singyoac modacnide, imocngo ye negemmima negentegecnide.

Yoak kekehagocac Dzadzahac gboria nga Mitiyegec

³ Anu nenang Anutuac singyoac modacnide, imocngo ye negemmima negentegecnide.

1 Yohane 2:3 ပူးပေါင်းရင်းမြစ်များ

Mitiyegec 119:32

Ge negen negentegecna meyadikecna geac nonoyoacgaac sinnu nedzikecbade.

Mitiyegec 119:6

Ni geac nonoyoac sasawa hengkecba ngic yeneng game kpekpeu naric mi fainugecde.

Ruka 6:46

Ngeni nocac Kebuna Kebuna kpacnuandae nga yoacna wama mi modacnugecde?

Yohane 14:15

Ngeni heregoc neac songo negenkecdaeu singyoacna modacgecde.

Yohane 15:10

Ni Mannaac dederecge yoac modacma yeac songo manau kpeketahema kecduae. Ifi isoc ngeneng neac singyoac modacgecdeu neac songoac manau kpeketahema kecgecde.

Yohane 15:14

Nga ni singyoac ngemmeai, imoc sasawa modacgecdeu ngeni neac ogofocna anggecde.

Yohane 17:3

Anu yeni Anutu mocgungo fora kecde amma yeng Yesu Kristo sueu maec negennurugecde, imocngo kekecseriac hania.

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.

Hebiraio 5:9

Amma ye kpendzeng kpema hafoangoc gombunga anec. Yeng ifi anu ngicngac yeneng yeac enac tofohoma uayaac amma komoc kpema wisic wisickea kpac kecengkecgecde.

1 Yohane 2:13

Hanac hanaheaunacngoc kefec nga kecde, manggac ngeni ye bic negemmigecac amma kibi yomoc ohongemmeduae. Nga sebigbori ngic, ngeni mangana mingina bic ferahegecac amma kibi yomoc ohongemmeduae.

1 Yohane 3:14

Nenang tosofocnina heresongogoc hoangyunuandimbeac amma homec wama ferecgema kekecfu ening, imoc negendimbe. Nga ngic me ngac mong ye heresongogoc kekec mi negende, ye homecfungoc kefude.

1 Yohane 3:19

Ifi amma yoac foraac arennu kecdimbe, imoc negendimbe. Anu ubahereninango wiac monggac yoacfu fainunuu Anutuac kicfu monggoc meseriemenide. Anutu ye engenatoa nga ye nenang ubahereu wiac sasawa fede, imoc negendacde. Amma Anutungo nenang ubahere ferahede.

1 Yohane 3:6

Nga ngicngac yeac heremanau kecdae, yeneng kopocsic mi mekecgecde. Anu ngicngac kopocsicgoc kecdae, yeni ine ye mi henggec nga ye mi negemmigec.

1 Yohane 4:13

Anu ye yengena Asuya nemmeecac amma yofi negendimbe, nenang yeac heremanau kecni yeng nenang heremanau ifingoc kefude.

1 Yohane 4:7

Songo tosofocna, nenang heresongogoc hoangemebisina. Heresongogoc hoangeme kekec, imoc Anutuarunac, imocac heresongogoc hoangemema kecbisina. Nga ngicngac ogofocngina heresongogoc hoangyunuandae, yeneng Anutuarunac fingecgec amma yeni Anutu negemmidae.

1 Yohane 5:19

Anu nenang Anutuac nambaracfora kecdimbe, imoc negentegecdimbe. Nga bangectoa bangec yomoc mangana minginaac kucac bageu fede.

1 Yohane 5:2

Imocac sirihau nenang heregoc Anutuac songo negemma singyoara tofohonideu Anutuac nambaracfora yeneac anemmeude, imoc negendimbe.

1 Yohane 5:3

Nenang Anutuac singyoac tofohoma yeac songo heregoc negengyombonggenide. Nga yeac singyoac imoc ebira kpac.

Yohaneac kpefing 12:17

Nedaru sekactoango ngacac amma herebu negemma kemma yeac arengfora tosea Anutuac singyoac modacma kecdae nga Yesu Kristoac dedekperagi mekecdae, yenearu dzikac kpeudeac kenec.

Yohaneac kpefing 14:12

Ifi anu ngicngac kpetiac Anutuac singyoac modacma Yesu negensinggema kecdae, yeni modzotitia kpac seria kecbisia.”

Yohaneac kpefing 22:14

Mehaba ngicngac kekecac icac deyecdeyemmea nga naguusing taongtoau naric eregecde amma wambangina dzuac dzuara, yeni kenecnginagoc.