1 Yohane 1:9 - Deduamiti

⁹ Nga kopocsicnina deficgenideu Anutu faka dindingac mekecdengo yoac dedea modacma kopocsicnina wanemmema mangananina sasawa dzuarude.

Yoak kekehagocac Dzadzahac gboria nga Mitiyegec

⁹ Nga kopocsicnina deficgenideu Anutu faka dindingac mekecdengo yoac dedea modacma kopocsicnina wanemmema mangananina sasawa dzuarude.

1 Yohane 1:9 ပူးပေါင်းရင်းမြစ်များ

Nehemia 1:6

Ge kicga fima kedzacga nearu faima wanacngicga neng hadzing toforec wanac arengfocga Isracel yeneac amma numuduae, nunumuna imoc negenna. Ni Isracel areng nga mannaac arengfora amma neanna areng sasawa neneac enac mema gearu kopocsic meficgeing imoc hafoangoc deficgedacduae.

Mitiyegec 19:12

Ngic yengenaocngoc isingemema kopocsiha naric mi hentegerude, kpac. Kebu, ge kopocsicna sufu sufuya wana.

Mitiyegec 32:5

Anu ni kopocsicna gearu deficgeai. Ni kopocsicna mi semema yofi deai, “Ni singyoac kpekefai, imoc kebuaru deficgebade.” ifi deba geng kopocsicna wama ubamanganna meickena kpac anec. Selac

Makekeng 34:7

Amma ye yoac dzegema imoc modackefu imocngo tausenga tausenga yenigoc seria fekefude. Nga faka mangana ngicngac ayemmekecgec amma singyoac ferahegec amma turungnginagoc yeni kopocsicngina wayemmeude. Ye mangana megec imocac turunga eng mi wadarude. Ye imocac kpemeting imoc esamedacfocngina nga bangecfocngina yeneac fingecsahe arenga harebec nga neackpac yenearu imoc kpouyemmeude.”

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Mataio 3:6

Kemma kopocsicngina deficgemagec Yodannu doku nadzicyemmeec.

Mareko 1:5

Nga ngicngac yeni Yudaia provins nga Yerusaleng taonnunac amanene yearu kenggec. Kemma kopocsicngina deficgemagec yeng Yodang dokuu namma doku nadzicyemmeec.

Ruka 22:57

Ifi deu Petorongo ine sebi heima deec, “Ngac, ge denec, ni ye mi negemmiduae.”

Yohane 17:25

Faka dindingacac Manggac, bangecngic yeneng ge mi negenggugec neng ine negengguai. Nga geng ni suenuna mayai, neac ngicngacfocna imoc bic negendae.

Aposoro 19:18

Dengerema ngicngac Yesu negensinggegec, yenearunac homacngo sikema angammemengina mangana angkecgec, imoc nonongkac deficgedacgec.

Roma 3:26

naso herea modzotitia kpac tomaingina kefec. Ye naso yofinenggac ngicngac Yesu negensinggekecdimbe, nenang dindingac denemmeude. Ye yengena dindingac, imoc edzacnunuudeac negensima Yesuac uaac amma dindingac denemmeude.

1 Korinti 1:9

Anutungo Medaha Kebunina Yesu Kristogoc momoc torokpegecdeac kpacngunuec amma yeng yoacdedea modarude.

1 Korinti 6:11

Nga ngenearunac ngicngac goango warac ifi kecgec. Ifi kecmagec Kebungo yengena kpacfu nga Anutuninaac Asu yeac kucfu dzuacngunuma dindingac dengemmema kpetiac arennu faingunuec.

Efeso 5:26

Anu nenang kpetiac annideac ye yengena yoaraac kucfu mitidokuyango dzuacnunuec.

1 Timoteo 1:15

Yesu Kristongo bangecfu kopocsicmeme mengerenunuude nga komoc kpenideac maec. Yoac imoc seria nga fora amma ngicngac sasawango imoc negemma hoanggegec ngereeude. Ni kopocsimeme sasawa feracyunuma ngic mangana yombong anai.

Tito 2:14

Anu Yesu Kristongo singyoac kpekpe arennunac yungecnunuudeac yengenaoc ngabafora maringinau faiemeec. Nga nenang yengena ngicngac amma kpetiac kecma ua gombunga mamangkima menideac faka imoc anec.

Hebiraio 10:23

Kebungo dedzegeac foraya nemmeudeac yoac deseriec, yeng dedea modarude. Nga imoc nenanggaru fingerudeac negenserima kecma deficgekecbisina.

Hebiraio 11:11

Anu Sara ye sabacmeme nasoya kpac anec. Nga ye Anutuac yoac negensinggema kefecac heregoc amma medac kpenanggema meec. Anutungo dzadzahac yoac dema imoc modarudenoc, ye ifi negensiec.

Hebiraio 6:10

Anutungo sing dindingacfu yoac nga fakangina isinggeude. Ngeni uanina meandae nga kpara songogoc hoanggeandae, yeng imoc naric mi nigeckpeude. Amma ngeni kpetiac areng heimefic ayemmegec nga torokpema ayemmekecdaengoc, ye imoc ifingoc naric mi nigeckpeude.

1 Yohane 1:7

Ye kperagiau kecde, ifi isoc nenang kperagiau kecnideu, ureckekec kecnide. Ifi kecmina medaha Yesuac sacngo kopocsicnina sasawa dzuacnemmekefude.

Yohaneac kpefing 15:3

Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.