1 Yohane 1:7 - Deduamiti

⁷ Ye kperagiau kecde, ifi isoc nenang kperagiau kecnideu, ureckekec kecnide. Ifi kecmina medaha Yesuac sacngo kopocsicnina sasawa dzuacnemmekefude.

Yoak kekehagocac Dzadzahac gboria nga Mitiyegec

⁷ Ye kperagiau kecde, ifi isoc nenang kperagiau kecnideu, ureckekec kecnide. Ifi kecmina medaha Yesuac sacngo kopocsicnina sasawa dzuacnemmekefude.

1 Yohane 1:7 ပူးပေါင်းရင်းမြစ်များ

Mitiyegec 104:2

Ngicngac yeneng wamba heiandae, ge ifi isoc kperagiango kperacemema kecnec. Geng kurumenga kurumenga meficyunuma kporucama isoc kpedziyununa fekendae.

Mitiyegec 51:2

Ni ngicngac ogofocna faka mangana ayemmeai. Ge dzuacnuna kongaha ambesare. Ge kopocsicna medzuacna kongac kpebesare.

Mitiyegec 56:13

Ge ubaongana homecfunac mesima hanina meserina mong mi tifainggeai. Ge ifi anna ni Anutuac kicfu kekecac kperagiau kecbade.

Mitiyegec 89:15

O Kebu, ngicngac geac kicmesugaac kperagiau kecandae, yeneng afegugecdeac sing negemma sogaima kpacma afeguandae, yenennoc kenecnginagoc.

Mitiyegec 97:11

Ngicngac dindingac kecandae, yenearu ama wereckenude. Nga ngicngac uba kongahagoc kecdae amma herenginau ikoc nga hamangec mong mi fede, yeni sogac sogai meficgegecde.

Amosi 3:3

Ngic yohockang yereac denegengngira mi femanu yerahafoc naric sing kenecde me?

Dzekarya 13:1

Kecma nasoya hasikebesandeu Dawidac kisic nga Yerusalaimgac ngicngac yeneac amma dokukiwa gboria mong erema doku imocngo kopocsicngina nga seucfakangina imoc sasawa dzuacdacbesande.

Mataio 6:12

Nga neni ngic yeneac kopocsic waandimbe, siriha ifingoc kopocsicninaac turunga wanemmena.

Yohane 1:29

Wereckengau Yohanengo namma henu Yesungo yearu hau ngicngac yofi edeyunuec, “Henggec, imoc Anutuac ramamedaha, yeng bangectoa bangec imocac ngicngac sasawa yeneac kopocsic meickeude.”

Yohane 12:35

Ifi degec Yesungo deec, “Kperagingo naso wegenanecsac ngenigoc kefude. Kundunggac kucngo semengunubacac ngeni kperagi fengemmemanu kperagigoc kecbisia. Ngic mong ye kundunnu kengkecde, ye sing dafiu kende, imoc naric mi negentegerude.

Roma 13:12

Tofocnac bic kpac anudeac ande nga ama wereckenudeac ande, imocac nenang kundunggac angammeme wadacma kperagiaac tebemariku heima mekecbisina.

1 Korinti 6:11

Nga ngenearunac ngicngac goango warac ifi kecgec. Ifi kecmagec Kebungo yengena kpacfu nga Anutuninaac Asu yeac kucfu dzuacngunuma dindingac dengemmema kpetiac arennu faingunuec.

Efeso 1:7

Yesu Kristoac danggunucac dzohong imoc wakema fedeac nenang yearu kpeketaheni ye sawango kirecgenunuu mangana meic meicke fingerec.

Efeso 5:8

Ngeni warac kundunggac areng kecgec nga yaguc ine Kebuaru kpeketahema kperagia areng andae.

1 Timoteo 6:16

Ye mocgungo dzonggo dzongoya kpac nga kperagia manau kecde. Nga kperagi imocac manau ngic mongngo naric mi enude, kpac. Amma kperagi imoc mongngo mi henec nga naric mi henude. Kuha nga eweheihei yearu feecngo fede nga nasoya kpac fekengkecbesande. Imoc fora.

Tito 2:14

Anu Yesu Kristongo singyoac kpekpe arennunac yungecnunuudeac yengenaoc ngabafora maringinau faiemeec. Nga nenang yengena ngicngac amma kpetiac kecma ua gombunga mamangkima menideac faka imoc anec.

Hebiraio 9:14

Kristongo kekecseriac Asugoc namma yengena soronga amma kekeha Anutuaru faiemeec. Yeac sacngo yangburumaka sacngina homac ferahede. Imocngo herenegen negennina dzuacdaru angammemenina kpakparoha kpac anu Anutu kekehagoc kingang kpeminide.

Yakobo 1:17

Anutu ye kurumeng kperagiac manggac amma yearu kundung mong mi kpeude, kpac. Yearu kperagia feec nga fede amma fekengkecbesande. Nga yeng wihacnac wiac gombunga nga soronga suenemmeu maude. Ye ubangereha ifi nemmekecde.

1 Petoro 1:19

Ye Kristoac sacngo bummengunuec. Nga Kristoac sac imoc wiac engena yombong, imoc rama medaha mong puringa kpac nga ebiha kpac, yeac sac isoc. (Mke 12:5; 29:1; Sese 22:17-25)

1 Yohane 1:3

Neni wiac hennegeng aning, imoc ngeneng nenigoc urec kekec kecnideac dekperagidimbe. Nga urec kekec, imocngo Manggac nga Medaha Yesu Kristo, yerigoc fede.

1 Yohane 1:5

Neni yearunac yoac yomoc negemma ngenearu yofi dekperagidimbe, Anutu ye kperagi nga yearu kundung mong mi fede.

1 Yohane 5:6

Yesu Kristongo dokuu nga sacfu haec. Ye dokuusac mi haec, kpac. Ye dokuu nga sacfu momocngoc haec. Amma Asu ye yoac foraac Asu, imocac amma yeng Yesuac hepuc amma ye dekperagiude.

1 Yohane 5:8

Imoc Asu nga doku amma sac, yeni uba mocgu amma yeac hepuc angkecdae.

2 Yohane 1:4

Nambaracfocga goa yeni yoac fora Manggacngo denemmeu meing, imocac enac tofoc tofoho kecdae, ni yoac imoc negemma ubangerectoa negenduae.

3 Yohane 1:4

Nambaracfocna yoac forau kecdae, imoc negemba ubangerecnango wiac sasawa ferahede.

Yohaneac kpefing 1:5

Nga Yesu Kristoarunac ifingoc. Yeng yoac modac modac seria amma ye siducdedengic fora. Ye fingecma, homegec yeneac waracmedac anec. Amma bangecac ngictau yeneac kunengngina kecde. Amma ye nenang songo negemma sawango kopocsicninaunac mesinunuec.

Yohaneac kpefing 12:11

Yeni ramamedahaac sawa nga Kebuac yoac dekperagigec amma yenang kekecngina mi segerema homecac wagecac amma firang anggec.

Yohaneac kpefing 7:14

Kpesinenu merenai, “Kunenna, ge geanggaoc negennec.” ifi deba yeng yofi edenuec, “Ngic yomoc yeni kpendzengtoaunac hama ngakpingina ramamedahaac sawango dzuacgec kongac kongac ande.