1 Timoteo 5:3 - Deduamiti

³ Ngachotsec ewefocngina homemea memeficngina kpac kecdae, kpebung ngeneng yeni eweheihei ayemmema meficyemmebisia.

Yoak kekehagocac Dzadzahac gboria nga Mitiyegec

³ Ngac hodzec memeficngina kpac kecdae, kpebung ngeneng yeni eweheihei ayemmema meficyemmebisia.

1 Timoteo 5:3 ပူးပေါင်းရင်းမြစ်များ

Mitiyegec 146:9

Ngicngac kuric kecgec Kebungo yenenggareng ayemmema ngachotsec ewefocngina homemea nga beging nanggeyunuude. Ngic Anutu ngadehema mangana megecdeac ayemmeande, yeneac singngina ine memanganeude.

Mitiyegec 68:5

Anutungo kpetiac womongau tacde. Ye beging mang ayemmema hotsec ewefocngina homemea yenenggareng ayemmema onggongyunuude.

Mitiyegec 94:6

ngachotsec ewefocngina homemea nga kuricngic yunuma beging kpebucyunuma

Makekeng 20:12

Anutungo bangec gemma faiguude, imohai naso herea kechereenadeac nonggomanghocga seseheyurubesena.

Mataio 15:6

Ye ifi dema nonggomanghora mi seseheyuruude. Ifi amma ngeni singyoacngina kpabanggema Anutuac yoac semegecde.

Mataio 23:13

Mitiac negen negengngic nga farisaio, ngeni kurumeng eucererenggac nagu kpebung yeneac kicnginau heiandae. Ngeneng imohai enggecdeac segeandae nga kpebung yeneng embesonga ammagec kpae ifingoc heiyemmekecdae. Ngeni ikocfakangina ifia mekecdaeac ngeni sowecnginagoc.

Ruka 2:37

Homeu ye hotsec kecmanu kifaya 84 anec. Amma yeng womong mi wawa hadzing toforec yaka segekecma Anutu numumikefec.

Ruka 7:12

Kemma taongodaac nagutoayau kensikemanu ngic yeni medac mong homeec, yeac farenga tofohoma magec. Medac imoc ye ngachotsec mong ewea homemea yeac medac mocgusac anu ngicngac habu homacngo ye modacma taonnunac magec.

Yohane 1:47

Nga Yesungo Natanae henu yearu kenu yofi deec, “Henggec, ngic yomoc israengic fora, yearu ikoc nga faitobang faka mong mi fede.”

Aposoro 6:1

Naso imohai Yesuac habu sokoma kenec. Sokoma kenu nenesemeng wenacsoc mendzicyemmekecma yudangic grikyoac dekecgec, yeneac hotsec ewefocngina homemea medadangyunugec. Ifi anggec, yeni yudangic ama mingina kecgec, yeneac ubakpekpe anggec

Aposoro 9:39

Deec Petoro ye negemma efaiu yerigoc kenggec. Kensikeu fareng feecfu hesicke enggec. Enu ngachotsec sasawa ewefocngina homemea yeni oronggema kiacubamangang anggec. Nga Tabita gbori kecma ngakpikporuc kpebiyemmekefec, imoc edzahedacgec.

Aposoro 9:41

Tacmanu Petorongo mariau mema miaru yacma nanec. Nanu Yesuac kpetiac areng amma ngachotsec Tabita gborima yarec, imoc henggecdeac kpacyunuec. Kpacyunuu hagec Tabita yarec, imoc edzacyunuec.

1 Tesaronike 2:6

Nga ngic yenearunac kpackuneng menideac mong mi anemmede. Amma ngenearunac nga ngic goa yenearunac ifingoc mong mi anemmeande.

1 Timoteo 5:2

Amma ngac yada yeni nonggogaac angannec, siriha imocngoc ayemmebesena nga naroang yeni naingfocga yeneac angannec, siriha imocngoc herega kpetiac femanu ayemmebesena.

Yakobo 1:27

Nga Anutu Manggacnina yeac kicfu eweheihei faka kpetiac nga kongaha, imocac siriha yofi, bangectoa bangec yomocac songo ngadehema wonong mi heiemema beging nga ngachotsec ewefocngina homemea ebicfu kecdae, yeni yenenggareng ayemmebesonga. Imocngo Anutuac eweheihei gombunga.

1 Petoro 2:17

Amma ngeni ngicngac sasawa ewengina heima negen negensinggoc tosofocngina heresongogoc hoangyunubisia nga Anutuac damungunubeso amma ngictau eweheimibisia.

1 Petoro 3:7

Ngacac kuc, imoc ngicacsoc kpac. Ngic enengfocnginagoc ngeni imoc negensima imocac sirihau yenigoc kecbisia. Nga ngeni kekecac danggunuc imocac mingina ngenahafoc anggecdeac nga ngic ngeni nunumunginaac kpae fingecbacac amma enengfocngina eweheihei ayemmebisia.