1 Tesaronike 1:9 - Deduamiti

⁹ Neni yenearu kenni yeni yenaoc Tesaronike ngeneac siduc yofi edenunugec, “Pauro ogohoragoc ngenearu hagec ngeni heitaiyunugec. Amma ngeni Anutu kekehagoc nga yoara foragoc yeac wanacareng anggecdeac nemungina hania hania wama Anutuaru kenggec.

Yoak kekehagocac Dzadzahac gboria nga Mitiyegec

⁹ Neni yenearu kenni yeni yenaoc Tesaronike ngeneac siduc yofi edenunugec, “Pauro ogohoragoc ngenearu hagec ngeni heitaiyunugec. Amma ngeni Anutu kekehagoc nga yoara foragoc yeac wanac areng anggecdeac nemungina hania hania wama Anutuaru kenggec.

1 Tesaronike 1:9 ပူးပေါင်းရင်းမြစ်များ

Mitiyegec 42:2

Ni dokuac homeanduae, ifi isocngoc ubaonganango Anutu kekehagoc yeac ammide. Ni kemma Anutuac kicfu namma ye hembade, naso imocac homac yombong tomai kecduae.

Mitiyegec 84:2

Kebu, ni ongaasunango geac womong sobenggaac ammiu imohai kebadeac homema kecde. Ni heresebinango Anutu kekehagoc, yeac sogac sogai yegec heide.

Danicel 6:26

Ni kibi yomoc ngemmema yoacseria mong yofi faiduae, ngicngac neac eucererennu noboc noboc kecdacdae ngeni Danicelac Anutuya yeac kicfu dzonong fedefede nga damugoc kecbisia, Yennoc Anutu kekehagoc ye kecengkefude nga kecbesande. Yeac eucerereng imoc naric mi kpetotiebesandae. Yeng Ngictaungina amma ngicngac garengyunuma kecde, faka imoc nasoya nasoya fekengkecbesande.

Tsefanya 2:11

Imocac amma Kebungo yenearu kucfakaya bibiagoc mebesande. Amma bangeha bangehaac nemuongafocngina imoc hembarackedacma meickeu kpac ambesande. Ammanu kondunga kondunga nga nuha nuha yeni ifingoc bangecnginasoc kecma Kebu eweheimibesandae.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Mataio 16:16

Kpesiyemmeu Simong Petorongo deec, “Ge Messia, Anutu kekehagoc yeac Medac.”

Aposoro 14:15

“Yei, ngicngac ngeni noc andae? Neri ngic ngeni isoc, ngeneac siric. Ngeni nemungina kucmama kecdae, yeni ngadeyunuma Anutu kekehagoc mewegenegecdeac siduc gombung dekperagingemmekecdipe. Yeng wiac sasawa bangecfu nga kurumennu nga kondunnu fedacde, imoc meficgedarec.

Roma 9:26

Nga bangec monnunac ngicngac Anutungo yeneac yofi deec, “Ngeni neac ngicngac kpac.” Amma bangec imohaingoc yofi kpacyunubesandae, “Yeni Anutu kekehagoc yeac medacfora.” (Hos 1:10)

1 Korinti 12:2

Ngeni Anutu mi negensinggema kecgec, naso imohai hadehade nga yafing yeni nemuonga yoacngina kpac, yenearu wangecngunugec ngeni modacyunuma engsac kengkecgec, ngeni imoc negendae.

1 Tesaronike 2:1

Tosofocna, neni ngenearu hama kefing, imocngo foragoc anec, imoc ngenaoc negendae.

1 Tesaronike 2:13

Anu ngenearu hama Anutuac yoac dekperagini negemma degec, “Imoc Anutuac yoac, imoc ngicyoac kpac.” Ifi dema yoara hoanggegec. Imocac amma neneng nasosoc Anutu dangge edekecdimbe. Anutuac yoac deing, yoara imoc fora yombong, imoc negensinggegec nga imocngo ubaherenginau uaya mekecde.

1 Timoteo 4:10

Anutu kekehagoc, yearu kpeketahema kecdimbe, yeng ngicngac sasawa yeneac memengerecnina ande nga ye negensinggedimbe, nenanggac yombonnoc. Imocac amma uatoa kpendzenggoc mema kecdimbe.

Hebiraio 12:22

Ngeni ine tiki ifiau mong mi hagec, kpac. Ngeni Siong tiki, imoc Anutu kekehagoc yeac taong amma kurumenggac Yerusaleng, imohai sogac sogaiac tutumannu hagec.

1 Yohane 5:21

Nambaracfocna, ngeni nemu yeneac hoannu mi kenggecdeac garengemebisia.

Yohaneac kpefing 17:2

Bangecac ngictau yeneng yegoc serofaka anggec nga yeac serofakaac waingdokungo ngicngac bangecfu kecdae, yeneac ubangina mesufuec.”