1 Petoro 3:3 - Deduamiti

³ Ngac ngeni orucdzongina dzegeandae nga kubu nganoc golngo memea sebinginau faiandae amma wamba siriha gombunga heiandae, imocngo siric kerengngina mi meficgebeso.

Yoak kekehagocac Dzadzahac gboria nga Mitiyegec

³ Ngac ngeni orucdzongina dzegeandae nga kubu nganoc golngo memea sebinginau faiandae amma wamba siriha gombunga heiandae, imocngo siric kerengngina mi meficgebeso.

1 Petoro 3:3 ပူးပေါင်းရင်းမြစ်များ

Fingec fingec 24:22

Anu kamele yeni doku negec wisickeu ngic ye samacac ring mong golngo memea imoc ebiha beka ebic mocgu nga sibuc yohockang golngo memea ebicngira 10 shekel imoc miec.

Fingec fingec 24:47

Ifi anu wisickeu yofi kpesimidua, ‘Ge meracac naroang?’ Ifi deba yeng yofi dedac, ‘Ni Betucel naroanga, Betucel ye ine Nahor nga Mileka yereac medacngira.’ Ifi edenuu ring samahau faidua nga sibuc fuayau heimiba kemedac.

Fingec fingec 24:53

Ifi anu wisickeu yacma wiac homac silwa nga golngo memea amma wamba mema Riweka miec nga wiac goa buma engena imoc naina nga nonggea momoc yemerec.

Esta 5:1

Anu yakasegeac uameme harebec imohai Estango ngactau ngakpikporuha heima ngictauac ama manaac sobennu ngictautatacac manabisic imocac hoangaugeng emma nanec. Nga ngictaungo ngictautatahau tacma naguugeng kic fiec.

Mitiyegec 45:9

Ngictau yeneac naroangfocngina yeni ngac yenigoc amagau kecma geac kingang kpema oronggudae. Enembingecga ye Ofir bangecfunac gol heima foigaugeng tacde.

Makekeng 3:22

Ngac sasawa yeni ine Aigitangac yenigoc wegenac kecdae nga ngac amanginau momoc kecandae wiac yemmegecdeac kpesiyemmegec, yeni wiac silwa nga golngo memea amma wamba momoc yemmegec wiac imoc naroangmedacfocngina heiyemmegec kemeude. Ngeni ifi amma aigitangicngac finacngina wangecyunugec ngeneac anude.”

Makekeng 32:2

Ifi degec Aharongngo yofi edeyunuec, “Ngeni enengfocngina nga naroangmedacfocngina yeneac kedzacnginaunac wiac kambac kambac golngo memea wangecyunuma nearu mehagec.”

Makekeng 33:4

Ifi deu ngicngac yeni yoac ebiria imoc negemma ubahodunggoc kecma ringgedangngina mi heigec.

Makekeng 35:22

Anu ngic nga ngac yeni mocgu mocgu sasasawango ubanginau songo fingerecsoc puri nga samacac nga kedzacac wiac kambac kambac nga gbonggac wiac kambac kambac ongeagoc nga sibuc, imoc kicnginau songo meficgeudeac wiac golngo memea tembuc tembuc sasawa yeni Kebuac sese dema mehadacgec.

Makekeng 38:8

Anu tera kunengtoa nga hania mong aieng sacsacngo meec. Ngac Kebugoc ewacemeemeac kporucamaac naguyau enactofoc tofoho ua mekecgec yeneng wikingngina aieng sacsacngo memea imoc migec teratoa imocngo meec.

Roma 12:2

Ngeni bangectoa bangec yomocac ngicngac yenigoc angammemengina siriha mocgu mi ambeso. Anutungo uba negen negengngina heigboringemmeu ngeni Anutuac songo negengising anggec yeng wiac kpacgoc nga gombunga yombong anu imoc negenu ngereeude, imocac siriha naric negentegecgecde.